یئنی‌چئری آغاسی
یئنی‌چئری آغاسی (عثمانلیجا: یڭیچری أغاسی)، عثمانلی اوردوسونون بیریملریندن یئنی‌چئری اوْجاغی‌نین ان یۆکسک روتبه‌لی کوماندانی دیر.[۱][۲]
یئنی‌چئری آغاسی، یئنی‌چئری اوجاغی ایله عجمی اوجاغی ایشلریندن سوْروملو ایدی. صدراعظم مقامیندان سوْنرا گلن یئنی‌چئری آغاسی‌نین هم مۆلکی همده عسگری وظیفه‌لری وار ایدی.[۳] اصنافی یوْخلاماسی و باشکندین امنیتی ایله سارایین قوْروماسی دا اوْنون وظیفه‌لری آراسیندا ایدی. عئینی زاماندا دیوان هومایون اۆیه‌سی ایدی. یئنی‌چئری آغالاری آراسیندا وزیرلیک پوْستو وئریلنلر ده وار ایدی و بۇنلار آغا پاشا دئیه آنیلمیشلاردیر.[۱]
یئنی‌چئری آغاسی، اوْجاغین قۇرولوشوندان ۱۴۵۱ ایلینه قدر اوْجاقدان سئچیلیرکن؛ فاتیح سولطان محمد دؤنمینده بۇ تاریخدن سوْنرا سکبان‌باشی‌لاردان تعیین ائدیلمه‌گه باشلاندی. ۱۵۱۵-دن اعتیباراً ده سارایا منصوب و اعتیمادلی میر علم و میر آخور کیمی پادیشاها داها یاخؽن آغالاردان آتانماسی عنعنه‌وی حال آلمیشدیر.[۴] آیریجا، یئنی‌چئری آغالاری‌نین عزل و تعیینی ۱۵۹۳ تاریخینه قدر دوْغرودان پادیشاه طرفیندن حیاتا کئچیریلیرکن، بۇ تاریخدن سوْنرا صدراعظم‌لر طرفیندن یاپیلماغا باشلانمیشدیر.[۵]
نتیجه‌ده یئنی‌چئری اوجاغی ۱۸ ژوئن ۱۸۲۶ ایلینده ایکینجی محمود طرفیندن اوْرتادان قالدیریلمیشدیر. بۇ اوْلایا واقعه خئیریه دئییلیر.[۱][۶] بۇ وظیفه ۱۸۲۶ ایلیندن سوْنرا سرعسگرلیک، ۱۹۰۸ ایلیندن اعتیباراً ایسه حربیه نظارتی مقامی طرفیندن آلینمیشدیر.[۷]
قایناقلار
[دَییشدیر]- ^ ۱٫۰ ۱٫۱ ۱٫۲ Huart 1987, p. 573.
- ^ Uyar, Mesut; Erickson, Edward J. (2009). A Military History of the Ottomans: From Osman to Atatürk. ABC-CLIO. ISBN 978-0-275-98876-0.
- ^ Uyar & Erickson 2009, p. 38.
- ^ Uyar & Erickson 2009.
- ^ Murphey 2002, p. 324.
- ^ Murphey 2002, p. 327.
- ^ Imber 2002, p. 191.