یازگؤلمچه‌لری
یاز گؤلمچه‌لری، فرقلی بیتکی و حیوانلار اۆچون یاشایؽش یئری تامین ائدن مؤوسومی سۇ گؤلمچه‌لریدیر. اوْنلار عادتا بالؽقلاردان محرۇم اوْلان سولاق نوْوع حئساب اوْلونور و بئله‌لیکله، بالؽقلارین رقابتینه و یا یؽرتیجیلیغینا تاب گتیره بیلمه‌ین دوْغوشدان گلن سودا-قورودا یاشایانلار و حشره‌لر نوْوعلارینین تحلۆکه‌سیز اینکیشافؽنا ایمکان وئریر. آما بعضی تروْپیک بالؽق سوْیلاری (مثلاً، گؤلمئچه‌بالیقلاری) بۇ یاشایؽش مۆحیطینه خۆصوصی اولوب اۇیغونلاشمیشدیر.
یاز گؤلمچه‌لری باتاقلؽق اراضیلرین بیر نوْوعودور. اوْنلار یارپاقلؽ مئشه، اوْتلاق، شام مئشه‌سی، یوْوشان چؤلو، شیره‌لی ساحیل کوْللاری و چؤللر‌ده داخیل اوْلماقلا بیر چوْخ ایجماع نوْوع ایله احاطه اوْلونا بیلر. بۇ گؤلمچه‌لر آرالؽق دنیزی ایقلیمی اۆچون شاخیصلنیب ، آما بیر چوْخ آیری اکوسیستملرده‌ده مؤوجوددور.
