ویکی‌پدیا:کند مئیدانی/دانیشیق/اسکی کند مئیدانی/آرشیو۸

ویکیمیزین ایندیکی وضعیتی و چتینلیکلری

سلاملار هامییا. منیم نظریمه آذب‌ویکینین ثبتینین قارشیسیندا جیدّی بیر موشکیل وار. بیزیم مؤعتبر دیل کودوموز (azb) وار اتنولوگدا [۱]. اوردا یازیب اون بئش میلیون بئش یوز مین اینسان ایراندا بو دیلی دانیشیرلار. بیزیم بو ویکینین اینکوباتوروندا ایندی 3400 دن چوخ مقاله وار. 118 نفر ایشتیراکچیسی اولموش. 23 میندن چوخ اِدیت اولوب بو اینکوباتور. بو آنالیز صفحه‌ده هر شئی بیزیم نفعیمیزه دیر: [۲].

بیلدیگینیز کیمی هر ویکینین ایشه باشلاماسی اوچون اوچ مرحله گرک کئچه: بیرینجیسی submission یا درخواستین ثبتی، ایکینجیسی verification یا بو دیلین کومیته طرفیندن تایید اولونماسی و اوچونجوسو final decision یا ویکینین یارانماسی ایچون سون تصمیم و رسمی آچیلیشی. بوردا اؤنملی مسئله بودور کی بیز حله بیرینجی مرحله‌ده یا submission دا قالمیشیق [۳]. بئله گؤرونور کی دیل کومیته‌سی بیرینجی مرحله‌دن ایکینجی مرحله‌یه کئچمک ایچون مقاله‌لرین تعدادینا و یا ایشتیراکچیلارین تعدادینا باخمیر. بو مقاله تعدادی و اِدیتلرین ساییسی و ایشتیراکچیلارین فعال حوضورلاری ایکینجی مرحله‌دن اوچونجو مرحله‌یه کئچمک ایچون اؤنملی دیر. میثال اوچون بو اینکوباتور صفحه‌لرینه باخین: تات دیلی اینکوباتورو [۴]: تایید اولونموش یعنی ایلک مرحله‌نی کئچیرمیش و ایکینجی مرحله‌ده. کورد دیلینین جنوبی لهجه‌لری یا خوارگ لهجه‌سی[۵]: تایید اولونموش و ایکینجی مرحله‌ده. آلمان دیلینین شرقی فرانکونیان لهجه‌سی[۶]: تایید اولونموش یعنی ایکینجی مرحله‌ده. عرب دیلینین شام شیوه‌سینین جنوبی لهجه‌سی[۷]: تایید اولونموش یعنی ایکینجی مرحله‌ده. لور دیلینین بختیاری لهجه‌سی[۸]: تایید اولونموش و ایکینجی مرحله‌ده. تمام آدی گئدن دیللرین و لهجه‌لرین اوچونجو مرحله‌یه کئچمه‌لری ایچون فعالیت گؤسترمه‌لری لازیمدیر. بیزیم موشکیل بودور کی بیزیم دیل حله تایید ده اولمامیش [۹]. دیل کومیته‌سی تایید اولونموش دیللره باخیر و گؤرور اگر بیر نئچه آی عرضینده حداقل اوچ ایستیفاده‌چی فعال اولسالار یعنی هر آی مودّتینده هره‌سینین ان آزی اون اِدیتلری اولسا، سون تصمیمی ده توتور و ویکینی رسمی صورتده آچیر. یانی اوصولا معیار فقط بو دور و مقاله‌ تعدادینین چوخ یوخاری اولماسی و باشقا شئیلرین تصمیمده اثری یوخدور. مثلا بو تایید اولونموش عرب دیلینین شام لهجه‌‌سینین جنوبی فورمونون اینکوباتوروندا ایندی تکجه 5 مقاله‌ وار. ایندییه دک ده 23 دفعه اِدیت اولموش، ائله بونا گؤره ده اوچونجو مرحله‌یه کئچمه‌میش و ویکیسی یارانمامیش، یانی اوزرینده ایشله‌ینی یوخدور [۱۰]. جنوبی کورد دیلی لهجه‌لرینین رسمی ویکیپدیاسی دا ائله بو دلیله گؤره ایندییه دک یارانمامیش[۱۱]. و هابئله باشقا تایید اولونموش دیللرین ده حله اینکوباتوردا قالماقلارینین عیلتی کیفایت قدرینجه فعالیتین اولماماسیدیر.

بیزیم دیلین اینکوباتورونون دئییلدیگی کیمی وضعیتی فرق ائله‌ییر. بیزیم اینکوباتوردا زامان اولوب آیلارجا چالیشیبلار و 10 نفر 15 نفر بیر زاماندا هره‌سی بیر آی عرضینده نئچه یوز اِدیت ائله‌میشلر. 23 مین اِدیت بیر اینکوباتور صفحه‌سی ایچون آز بیر شئی دئییل. اوچ میندن آرتیق مقاله‌نین اولماسی اسگیک بیر شئی دئییل. بیزیم پروبلمیمیز بودور کی حله بیز ایلک مرحله‌ده قالمیشیق. ایکینجی مرحله‌ده اولسایدیق ایندییه چوخدان ویکیمیز بو فعالیتلره ایستیناد ائده‌رک آچیلمیشدی. بیزیم زیرابیمیزی پیس وضعده ووروبلار. بیزلر بوردا اؤگئی کیمی‌ییک. دیل کومیته‌سی بیزی تایید ائله‌میر. لوری نین بختیاری لهجه‌سی تایید اولور. عرب دیلینین شام لهجه‌سینین جنوبی بخشی تایید اولور. کورد دیلینین آدی بیلینمز خوارگ لهجه‌سی تایید اولونور. بیزیمکی تایید اولونمور. سیز باخساز گؤررسیز بیزیم اینکوباتوروموزدا اولان مقاله‌لرنین ساییسی ایندی 100 دن چوخ رسمی صورتده ایشله‌ین ویکیدن چوخدور[۱۲]. بونون آدی تبعیضدن باشقا نه اولا بیلر یولداشلار؟ دیل کومیته‌سینده اولانلار گؤره‌سن نئجه بو مسئله‌یه باخیرلار؟ حقی راحاتجاسینا اؤلدورورلرمی؟ بیلمیرم بونون عیلّتی نه دیر کی بیزه بو ایجازه‌نی وئرمیرلر. آنجاق بیز تسلیم اولمامالی‌ییق و دیلیمیزین حقّیندن مودافیعه ائتمه‌لی‌ییک.

منیم نظریمه بیز دیل کومیته سینه و ویکیپدیانین قوروجولارینا اینگیلیس دیلینده بیر مکتوب یازمالی‌ییق و اونلاردان ایسته‌مه‌لی‌ییک تئزلیکجه بیزیم دیلین ویکیسین یولا سالسینلار. آشاغیدا بیر تکلیف اولاراق ویکیپدیا قوروجولارینا جامع بیر مکتوب عونوانیندا بیر سیرا سؤزلر یازیلمیشدیر. باشقا آذب ویکیچیلردن ریجا ائدیرم بونون داها گئنیشلندیرمه‌سینده مقدور اولورسا کؤمک ائده‌لر و بونون اینگیلیس دیلینه تئزلیکله ترجومه‌سینده یاردیملی اولسونلار. منیم نظریمه بو ایشی ورژن ورژن قاباغا آپارمالی‌ییق تا کیمین نه یازدیغی راحاتجا گؤرسنسین.Matreeks (talk) 23:01, 19 December 2014 (UTC)

ویکیپدیا قوروجولارینا جامع بیر مکتوب

• بیرینجی ورژن:

سلام عزیز دیل کومیته‌سی عوضوو یا عوضولری و یا سلام عزیز جیمی ویلز

بو مکتوبدان هدف آذربایجان تورکجه‌سینین ایراندا ایشله‌نن فورمونون ویکیپدیاسینین آچیلماسی قارشیسندا اولان مسئله‌لره توخونماق دیر.

1. (دیلیمیزین و خالقیمیزین وضعیتینین شرحی)

2. (آذویکیده ایشله‌یه بیلمه‌یه‌جگیمیزین عیلّتلری: آ. شومال-جنوب آراسیندا اولان دیل فرقلری مسئله‌سی و بونا گؤره میثاللار. ب. الیفبالارین باشقا اولماسی. اونلار بیزیم الیفبانی آنلامیرلار و بیزلر ده اونلارینکینی پ. وضعیتین دییشمه‌سینین لاتین ایستیفاده‌چیلره ضررلی اولدوغو. چونکی هامی اوردا بو الیفبایا و بو دیل طرزینه عادت ائله‌میشلر و آذویکینین ایشلمه عیارلارینی دییشدیرمه چتیندیر. ت. الیفبا کؤچوروجولری دوغرو ایشله‌میرلر و بو الیفبا کؤچوروجوسوندن ده باشقا بیر کلمه-کلمه کؤچوروجوسونه احتیاج واردیر. یانی بو مسئله مثلا اینگیلیس دیلیندن آلمان دیلینه دوز-دوغرو ترجومه ائتمه کیمی چتین بیر مسئله دیر. ث. بیزلره آذویکیده چالیشماغا ایجازه وئرمیرلر. بیزی عرب الیفباسیندا یازدیقدا بلوکه ائدیرلر یا بلوکه ائتمگه تهدید ائدیرلر. آنا صحیفه‌سینده بیر عرب الیفباسیندا اولان کلمه ده یوخدور و هامیسی لاتین دیر. اینتر ویکیده لاتینجا یازیر Azərbaycanca و عرب الیفباسیندا بیر شئی یازیلمیر و لاتین بیلمه‌ین ایستیفاده‌چی آذویکینی ده آختاریب تاپا بیلمیر.)

3. (آذب‌ویکینین قارشیسیندا اولان مسئله‌لر: آ. نئجه باشقالاری هرهانسی عیلّته گؤره قویمورلار بیز ویکی آچاق ب. بوتون لهجه‌لرین و ساییسی آز اولان دیللرین ویکیسی واردیر و یا اینکوباتوردا درخواستلاری تایید اولونوب آما بیزیمکی اولماییب.)

4. (ویکی‌مدیا تشکیلاتیندا اولان مسئله‌لرین آچیقلاماسی)

اینگیلیس دیلینه ترجومه‌سی:

Our goal in writing this mail is discussion of problems and also need to create a Wikipedia in South Azerbaijani language.

Matreeks (talk) 23:18, 19 December 2014 (UTC)

• ایکینجی ورژن:

azb ویکی نین سون دورومو

هامی عزیز قارداشلاریما و همکارلاریما تبریک دئییرم ویکیمیز بالاخره ایکی جی مرحله یه آیاق باسدی [۱۳] و ایندی بیز وئر فیکشن قیسمتینده اولاراق دیلیمیز تایید اولوب بوردان بئله ایشیمیز تقریبا یولونا دوشوب ویکی نین قورولماغینا ائله بیر یول قالمیر نتیجتا بیز گرک چالیشاق بو ویکی نی آیاق اوسته ساخلییاق دوستلاردان گئدنلردن گلن لردن خواهیش ائلیرم ایر واردیلار گلیب یاردیم ائتسین لر.--Amir a57^{(دانیشیق)} 20:51, 9 March 2015 (UTC)

من الان بونو بیلدیم. دوغرودان چوخ سئویندیم و هامیا تبریک ائدیمرم. ۷ ایل چکدی ها! انشاالله رسمی دامنه‌یه گئدن‌دن سونرا یئنی‌دن ویکیمیز جان آلار و سورعتله قاباغا گئدر. موسا^{(دانیشیق)} 08:29, 14 April 2015 (UTC)

گۆنه گۆن اۏلسۇن بیزی گؤزلری گؤتۆرمییه‌ن ویکی‌لری مقاله سایېندا قاباخلییاق D: امیر به‌ی سیز بو موفقیت اۆچۆن چۏخ چالېشمېسېز ال قۏلۇز وار اۏلسۇن. --Arslanteginghazi (talk) 14:48, 14 April 2015 (UTC)

سلام یولداشلار. من بیر آز آختاریشدیم ایکینجی مرحله یه کئچید اوستونده. تاسّوفله بو تغییری یعنی submitted مرحله سیندن verification مرحله سینه ویکی پدیا مودیر لری یوخ بلکه بیر ایستیفاده چی اؤزباشینا ائتمیشدیر. بو ایستیفاده چی نین آدی Mogoeilor دیر بو دا ایثباتی: [۱۴]. باشقا نومونه سی [۱۵]. البته من ده اؤزوم تست اوچون بو ایشی گؤردوم و باشا دوشدوم کی بو ایشی هامی گؤره بیلر[۱۶]! پس تبریک دئمکلریمیز دلیل سیز اولور.! باشقا بیر مسئله ده بو کی آذ ویکی دن 14 مین عرب الیفبالی مقاله لریمیز 14 آپریل 2015 ده Baskervill ایستیفاده چینین الی ایله سیلیندی [۱۷] و اورا تام لاتین الیفبالی ائدیلدی، حئیف لر اولسون او بئله زحمت لر چکدیک اوردا، هامیسی هدره گئتدی، او اون دؤرد مین مقاله بورایا مونتقیل اولسایدی اگر، ایشیمیز بوردا داها دا راحات اولاردی. حئیف اولسون. بو آذربایجان دیلینده دانیشان روسیه وطن داشی ایستیفاده چی سی، Baskervill (روسیه نین داغیستانیندان دی اصلی) بیزیم عرب الیفباسیندا یازیلمیش مقاله لریمیزی تام عدالت سیز لیک ایله سیلمیشدیر. Matreeks (talk) 00:21, 21 April 2015 (UTC)

عجب! پس هله ده ایلک آددیم‌داییق! موسا^{(دانیشیق)} 04:21, 21 April 2015 (UTC)