میصر هرملری

میصریده 2008 اینجی میلادی ایل جان 118 هرم تانینیب کی بوهرملر بویوک باشلارین وفرعونلارین گوری و مقبره سی دی بو هرملر میصرین هر طرفینده گوروشور

خوفو هرمی

خوفوهرمی جیزه دره سینده ان بویوک هرمدی کی میصریده دوزلینیب وفرعون خوفونون مقبره سیدی بو هرم میصرین بویوک هرمیدی کی اوچ هرم آراسیندا ان بویوک هرمدی .

اسکی تاریخلی هرملر

ممفیسده دوزلینن هرملر میصرین ان تاریخی واسکی هرملریدیلر کی اولارین لاب اسکی سی جوزو هرمیدی کی اوچونجی شاهلیقدان جوزو فرعونون مقبره سیدی بو هرمی ایمهوتب جوزونون باش وزیری دوزتدی و دنیاده داشینان دوزلینن ان اسکی ساختماندی کی داشدان دوزلینیب. امما جیزه ده اولان اوچ هرمدنیاده یتی عجیب لریندن دیلر.بو هرملر جیزه قاهره نین دوره سینده اولان دره ده دوزلینبلر .

تاریخده

میصرتاریخینده باشچیلار وباش آداملار بیر مقبره دوزلدیب و اوندا توپراقا تاپشیراردیلار کی اونا مصطبه دئیلیب باشچیلارین مصطبه سی بویوک اولدوقجان اولارین بویوک اولماقین بللی اولوردی .بو مصطبه لر شاهلاری اوچون هرم اولدی وشاهلار اوزلرینه هرم دوزتدیلر . ۱۸۴۲، کارل ریچارد لپسیوس 67 هرمین آدین یازدی و بوهرملر لپیسوس هرملری آدلاندیلار امما ایندی 118 هرم تانینیب ایندی بعضی هرملر کی لپسیوس اولاری هرم یازمیشدی داهی هرم تانیممیللار و چوخلی هرملر او زماندان بو طرفه تاپیلیب .

ابورواش

جدفرع هرمینین یری کی میصرین ان قؤزی طرفینده اولان هرمیدی بو هرم ایندی قالمیر و آرادان گئدیب بو هرم جدفرع فرعونون مقبره سیدی کی خوفو فرعونون اوغلویدی

جیزه

اوچ هرم و ان بویوک هرملر بو دره ده دوزلینیب

زاویه العریان

جیزه وابوصیر آراسیندا بیرچول کی اوچ ناقص هرم اوندا واردی بو هرملرین بویوگی 20 متیردی کی ایه دوزلینسیدی 40 متیراولاردی بو هرم خبا هرمیدی کی خبا تکجه 4 ایل فرعون اولدی واونون هرمی ناقص قالدی.

ابوصیر

بشینجی شاهلیقین مقبره لری بو چولده دوزلیب و 14 هرم بو چولده دوزلینیب بو هرملر دوردونجی شاهلیقدان بالاجا و ساختمانلاری ایری دی و بئله بیلینیر کی بئشینجی شاهلار دوردونجی شاهلاردان الچاقیدیلار. نیوسررع، نفریرکارع کاکای، و ساحورع هرملری بو هرملرین ان بویوگودی کی چوخ پیس دوزلینیبلر و اقتصادی و هونرسیز بیرهرمدیلر