ویکی‌پدیا:دانیشیق صفحه‌سی: نوسخه‌لر آراسینداکی فرق
Koroğlu (دانیشیق | چالیشمالار) ک Koroğlu moved page ویکی‌پئدیا:مۆزاکیره صحیفه‌‌سی to ویکی‌پدیا:مۆزاکیره صحیفه‌‌سی |
|
فرقیسیز
| |
۸ نوْوامبر ۲۰۱۴، ساعت ۱۴:۵۴ نوسخه‌سی
مۆزاکیره صحیفه‌‌سی ایستیفاده‌چیلر آراسیندا آنلاشیلمازلیقلاری و مۆباحیثه‌لری آرادان قالدیرماق، ویکی‌پئدیا مقاله‌لری‌نین زنگینلشدیریلمه‌سینده اوْپتیمال واریانتلار سئچمک اۆچون ایستیفاده ائدیلیر. مۆزاکیره صحیفه‌‌لرینده گئدن مۆزاکیره‌لرین باشلیجا مقصدی فیکیربیرلیگی قۇرماق و طرفسیزلیگه نایل اوْلماقدیر.
ویکی‌پئدیادا مۆزاکیره صحیفه‌‌لری ایکی جۆر اوْلور:
- مقاله‌نین و فایللارین مۆزاکیره صحیفه‌‌سی؛
- ایستفاده‌چی‌نین مۆزاکیره صحیفه‌‌سی
مۆزاکیره صحیفه‌سی‌نین اساس قایدالاری
1. هر ایکی مۆزاکیره صحیفه‌‌سینده ویکی‌پئدیانین اساس پرینسیپلری گؤزله‌نیلمه‌لیدیر. یعنی ایستیفاده‌چیلر مۆزاکیره آپارارکن طرفسیزلیک، نزاکت و اتیک قایدالارا رعایت ائتمه‌لیدیرلر؛
2. مۆزاکیره‌لرده تحقیره، هده-قوْرخویا کئچمک قاداغاندیر! ایستئهزا و قارشی طرفین لیاقتی‌نین آلچالدیلماسی واندالیزم کیمی قبول اوْلونور و مۆزاکیره‌نی بۇ سمته چێخاران ایستیفاده‌چی خبردارلیق ائدیلمه‌دن بلوْکلانیر!
3. باشقالاری‌نین یازدیقلاری متنین سیلینمه‌سی و یا رئداکته‌سی قطعی قاداغاندیر! ایستیفاده‌چی اؤز یازدیغی متنده رئداکته ائتمک فیکرینده‌دیرسه، خط چک اۆصولوندان ایستیفاده ائتمه‌سی داها دۆزگوندور؛
4. مۆزاکیره صحیفه‌‌لرینده‌کی متن مۆلیف طرفیندن مۆطلق ایمضالانمالیدیر!
5. مۆزاکیره صحیفه‌‌لری فوْروم و یا چت دئییل! اوْدور کی، مۆزاکیره‌لر یالنیز مؤوضوع اطرافیندا آپاریلمالیدیر؛
6. مۆزاکیره‌لر زامانی باشقالاری‌نین یازیلاری‌نین سیلینمه‌سی، دَییشدیریلمه‌سی ساختاکارلیق و تحریف کیمی قییمتلندیریلیر و ایستیفاده‌چی بۇ حرکتینه گؤره بلوْکلانا بیلر؛
7. ایستیفاده‌چی‌نین مۆزاکیره صحیفه‌‌سینده اؤزونون - آرتیق شرح وئریلمیش یازیلاری‌نین معنالاری‌نین دَییشدیریلمه‌سی و گیزله‌دیلمه‌سی، مۆختلیف متنلری کئچمیش مۆزاکیره‌لره داخیل ائتمکله یانلیش فیکیر یارادیلماسی واندالیزم کیمی قییمتلندیریلیر و ایستیفاده‌چی بۇ حرکتینه گؤره بلوْکلانا بیلر؛
8. مۆزاکیره‌لرده عکس طرفین یازدیقلارینی دقتله اوْخوماق واجیبدیر. قارشی طرفین مۆزاکیره‌سینی تام اوْخومادان مۆزاکیره‌نین داوام ائتدیریلمه‌سی ائتیک دئییل؛
9. ایستیفاده‌چی هر هانسی مۆباحیثه‌لی مساله‌‌ده و یا سس‌وئرمه زامانی فعال ایستیفاده‌چیلرین مۆزاکیره صحیفه‌‌لرینه داخیل اوْلاراق تبلیغات آپارمامالیدیر؛
10. مۆزاکیره‌لر زامانی دیگر ایستیفاده‌چیلرین آدلاری‌نین بیله‌رکدن دَییشدیریلمه‌سی، اوْنلارین آدیندان مۆزاکیره‌لرده ایشتیراک ائدیلمه‌سی، رئداکته‌لرین آپاریلماسی، ائله‌جه ده مۆزاکیره‌لرده آنوْنیم ایشتیراک ائدیلمه‌سی قطعی قاداغاندیر؛
11. مۆزاکیره‌لرده مۆلیف دئییل، مقاله مۆزاکیره ائدیلمه‌لیدیر. اعتراضلار یالنیز مۆزاکیره اوْلونان صحیفه‌‌ده‌کی مسئله‌‌لرله باغلی اوْلمالیدیر؛
12. مۆزاکیره‌لر زامانی ایستیفاده‌چییه تضییق گؤسترمک، کئچمیش مۆزاکیره‌لری یادا سالاراق ویکی‌پئدیایا یاراشمایان آب-هاوا یاراتماق قاداغاندیر و ایستیفاده‌چی‌نین بلوْکلانماسینا سبب اوْلا بیلر.
آزربایجان تورکجه‌سینده یازین
کیم اۆچون یازماغینیزا باخمایاراق و اوْنون هانسی دیللرله تانیش اوْلماغینا باخمایاراق، آزربایجان تورکجه‌سینده ویکی‌پئدیادانین مۆزاکیره صحیفه‌‌لرینده ترجیح بئله‌دیر کی آزربایجان تورکجه‌سینده یازاسیز. بۇ سیزین یازینیزین بۆتون ویکی‌جمعیتی طرفیندن آنلاماق اۆچوندور. مۆزاکیره‌نیزی آزربایجان تورکجه‌سیندن باشقا بیر دیلده یازماق مجبوریتینده‌دیرسیزسه، اوْنون آزربایجان تورکجه‌سینده ترجومه‌سین یازماغا چالیشین. بۇ ایشی گؤره بیلمیرسیزسه، بۇ ایشی گؤرمک اۆچون کیمسه‌نی تاپماق سیزین بوْینونوزادیر. سفیرلیکده یاردیم ایسته‌سه‌نیز آزربایجان تورکجه‌سی‌له تانیش اوْلان ایستیفاده‌چی تاپماق مۆمکوندور.
واندالیزمله موباریزه‌ده مۆزاکیره صحیفه‌سی‌نین روْلو
- واندالا خبردارلیق ائتمک اۆچون اوْنون مۆزاکیره صحیفه‌‌سینه {{واندالیزم}} یئرلشدیرمک کیفایتدیر؛
- مقاله‌یه {{سیل}} شابلوْنو علاوه ائتمزدن اؤنجه اوْنون تاریخچه‌سینه و مۆزاکیره صحیفه‌‌سینه باخماق واجیبدیر.