آتوم

آتوم

آتوم (یونانجا ἄτομος (ὕλη) átomos ) ، اِلِمنتلری تؤردن ان کیچیک ذرّه‌دیر. آتوم یونانجادا «بؤلونولمز» آنلامیندادیر. مادّه‌لرین بوتون دوروملاری (جامید، مایع، قاز و پلاسما) آتومون طبیعی دوروموندان عمله گلیر. آتوملار چوخ کیچیک اولاراق اؤلچولری تخمینا ۱۰۰ پیکومتر دیر. آتوملارین دقیق مرزلری اولمایاراق اؤلچوسو دقیق تعیین اولمور آمّا فیزیکده اؤلچمک ایچین چئشیتلی یوللار وار کی فرقلی اؤلچولر گؤستریرلر اما بیربیرینه یاخیندریلار.

آتومون بیر چکیردک و اطرافیندا دولانان بیر یا نئچه الکترونو وار. چکیردک بیر یا نئچه پروتون و نوتروندان (پروتونلا عینی ساییدا) تشکیل تاپیر. الکترونون الکتریک یۆکو منفی اولاراق، پروتونونکو موثبت و نوترونونکو خونثی‌دیر. الکترون و پروتونون سایی‌سی بیر اولان دورومدا، آتوم الکتریکی باخیشدا خونثی‌دیر باشقا دورومدا آتوم یوْن آدلانیر.

آتومون جرمی پروتونلار و نوترونلارین ساییسینا باغلیدیر. جرم باخیمیندان پروتون و نوترون برابردیرلر. آتوم نومره‌سی پروتونلارین ساییسیدیر. پریودیک جدولده المنتلرین اؤزللیکلری آتوم نومره‌سیله تانیلیر.

فیزیک عالیملری آتومو توصیف ائتمک ایچون چئشیتلی مودللر وئرمیشلر.