ماتریالیزم

ماتریالیزم (اینگیلیسجه:materyalizm)، هر شئیین مادده دن یاراندیغینی و شعور(بیلینچ) دا داخیل اولماق اووزره بوتون شعورلا باغلی اولان هر شئیی، مادده سوبیکت لرینین(موضولار و بحث لرینین) موناسیبت لری سوره سی(اِوریم، تکامول) کیمی قبول ائدن و هئچ بیر متافیزیکسل قاورام(آنلاییش) قبول ائتمه ین فلسفه قایداسی دیر. باشقا بیر باخیشلا مادده، موجود اولان تک عونصور دور. ماتریالیزم "فیزیکسل مادده نین تک و یا اساس حقیقت اولدوغو" ایستیقامتینده کی قایدادیر. فلسفه ده مادده نین "Opponmen"تی(داییمی موخالیفتچی سی) کیمی ایده آلیزم و معنوی چیلیک طرفدارلاری چیخیش ائدیرلر. فلسفی مکتب لرین چوخلوغونا و آرالارینداکی فرق لره باخمایاراق، بوتون فلسفی سیستملرین بیربیرلرینه دابان- دابانا ضید ایکی آنا کاتِقوری ده یئرلشه بیلدیگی دئییلیر. ایده آلیزم و ماتریالیزم. بو ایکی کاتِقورینین تمل اؤنه ری لری(مولاحیظه لری) گرچه گین طبیعتی حاققیندا دیر، و آرالاریندا تمل فرق "حقیقت نه دن مئیدانا گلیر و اصلی نه دیر؟" سوروسونا وئردیکلری جواب دا تاپیلیر. ایده آلیست لر اوچون روح و شعور، عاغیل اساس کن، ماتریالیست لر اوچون مادده اصل دیر، روح و یا شعور دا، بو اصل اولانین نتیجه سی اولاراق دوغولوب و ایکیمجی یئرده دیر. ماتریالیست لر، یارانیشین اینسان شعورو کیمی ماددی اولمایان قاورام(آنلاییش، مفهوم) لارلا تمل لندیریلمه سینه قارشی چیخارلار. اونلارا گؤره خاریج دونیاسینین گرچک لیگی(حقیقتی) سورغولانا بیلمز و اینسان دا بو ماددی دونیایا باغلی دیر. سؤز گلیشی، آنتیک ماتریالیست لر، اینسان روحونو بدن خاریجینده و اؤلومسوز بیر وارلیق اولاراق دوشونمه سینی قبول ائتمزلر. اینسانی، خاریج دونیاسینین بیر پارچاسی اولاراق گؤرمه سی و اینسان شعورونون طبیعت اووزرینده کی خلیفه لیگینی قبول ائتمه مه سی ایستیقامتی ایله "determinizm"( عیللت- معلول) دوشونجه سی ایله پارالل لیک گؤستریر. ماتریالیزم، معلوماتین قورولوشو و میدانا گلمه سی حاقدا بیر "Postulat" (اصل) دیر. بوتون معلوماتین، موشاهیده و تجروبه سایه سینده میدانا گلدیگینی مودافیعه ائدیر. ماتریالیزم، علمین قورولوشو اوچون ایکی دایاناق قارشیا قویور. - گؤزه گؤرونمه ین لری، تانری، روح کیمی ثبوت ائدیلمه میش اؤنه ری لرله آچیقلاماقدان قاچینماق لازیمدیر. عکس حال دا، گؤزه گؤرونمه ین لرین ماددی کؤکلری یوخ ساییلا بیلر. سؤز گلیشی شعور قایناغینی بئیینین چالیشماسیندان آلان ساحه گؤزه گؤرونمز دیر و اونا متافیزیکسل آچیقلامالار گتیرمک خاریجی دونیانین گرچک اولماییشی کیمی یانیلمالارا یول آچا بیلر. - بوتون اؤنه ری لر موشاهیده و تجروبه ایله تانیتلانمالی و دوغرولانمالی دیر.