آشیق عابباس توفارقانلی

آشیق عابباس توفارقانلی
آد	عابباس توفارقانلی
دوْغوم تاریخ	۱۷،۱۶-نجی عصرلر توفارقان
ایش	شاعیر، آشیق

آشیق عابباس توفارقانلی- آذربایجان آشیغی(۱۶-نجی عصر)

حیاتی

شعرلرینده "قول"، "شیکسته"، "بیکس" تخلوصلرینی ایشلدن آشیق عابباس توفارقانلی ۱۶-نجی عصرین سونلاری-۱۷-نجی عصرین اوللرینده آذربایجاندا یاشاییب یاراتمیش گؤرکملی شاعیر-آشیقلارداندیر. اونون آدییلا باغلی "عابباس-گۆلگز" داستانی دا آذربایجان فولکلورونون قیمتلی اؤرنکلریندن‌دیر.

شعر نومونه‌سی

دومان، گل گئت بو داغلاردان،
داغلار تازا، بار ائیله‌سین.
نه گؤزلریم سنی گؤرسون،
نه کؤنلوم قوبار ائیله‌سین.

حاشا سئودیجییم حاشا،
دئییلنلر گلدی باشا،
بیر یاندان اؤزون توت داشا،
بیر یاندان ائل جار ائیله‌سین.

عابباس آغلار زاری زاری،
گئتمز کؤنلومون قوباری،
ایلقاریندان دؤنن یاری،
تانری تئز بازار ائیله‌سین.

ایکینجی نومونه

بودور گلدی باهار فصلی
داغلارین لالا واختیدیر.
آچیلیبدیر قیزیل گۆللر
بولبولون بالا واختیدیر.

بولبوللر دولانیر باغی
بیر خلوت ائیله اوتاغی
سانا قوربان اولوم ساقی
مئی وئر پییالا واختیدیر.

من عابباسام، بویو بسته
دردیندن اولموشام خسته
آل باشیمی دیزین اوسته
چال یاتاق، لایلا واختیدیر

قایناقلار

آذربایجان تۆرکجه‌سی لاتین ویکی‌پدیاسی‌نین ایشلدنلری طرفیندن یارانمیش«Aşıq Abbas Tufarqanlı»، مقاله‌سیندن گؤتورولوبدور. (۲۴ آذر ۱۳۹۵ تاریخینده یوْخلانیلیبدیر).