۲۰۱۵ بیرلشمیش میلتلر ایقلیم دییشیکلیگی کونفرانسی

۲۰۱۵ بیرلشمیش میللتلرین چئوره دَییشیمی توپلانتی‌سی (انگلیسجه. 2015 United Nations Climate Change Conference ، قیساجا COP 21 یا CMP 11) فرانسه نین باشکندی،پاریسده، 2015 نووامبر آیی نین 30وندان 2015 دسامبر آیی نین 12 سینه جن قورولدو. بو توپلانتی، 1992نجی ایلیندن، ایقلیم دَییشیمینه گؤره بیرلشمیش میللتلر آراسیندا چرچیوه سؤزلَشمه سینده قورولان، 21جی ایللیک پارتیلر توپلانتی سی (Conference of the Parties)، و 1997 کیوتو پروتوکولو دوامیندا پارتیلر گؤروشمه لری نین 11جی بؤلومو ایدی.

توپلانتی، بیرینجی دؤنه اولاراق، دونیالیق ایقلیم دَییشمی نین آزالتماسی یولوندا، پاریس اوزلاشماسیندا بیر توافقه ایچین اؤز آماجلارینا یئتیشدی. بو توافق ایچین، یاخلاشیق بوتون دؤولتلر قاتیلدیلار. بو اوزلاشمانین اجرایی و مجبوری اولونماسی، ان آزی دونیالیق یاشیلخانا قازلارینین یوزده 55ین دوزلدن 55 اؤلکه سی نین بیر پارتی اولماقلارینا باغلی دیر. بونون اونایلانماسی(تاییدی)، قبول اولونماسی و اونایلانماسی نیویورک دا 2016 آوریلیندن 2017نین 21 آوریلینه قدر اولاجاقدیر.

گئچمیش و آرخا پلان

بو شکیلده ، هاوایا ان چوخ کربون دی اوکسید بوارخان 40 اؤلکه لرین آدلاری و پایلاری، 1990 دان 2013 ایلینه قدر گؤرونمکده دیر. 

آنلاشمالار و دانیشماقلار

کوپ 21: تمثیلچیلری اؤلکه لرین باشچیلاری

انریکو پنا نیتو، فرانسیس اولاند، آنگلا مرکل، میشله باشلت

مالیه

توپلانتی نین قورولماغینا 170 میلیون یورو (واختیندا 186.87 آمریکا دولاری) بودجه وئریلمیشدی. فرانسه دؤولتی نین سؤزلرینه گؤره، بو هزینه نین 20%سی ای دی اف، انگی، فرانسه هاوایولو، رنو-نیسان ، و بی ان پی پاریباس طرفیندن تقبول اولونموشدو.

گؤستریلر (تظاهراتلار)

یاشیل باریش چالیشقانلاری بیر چئوره گؤستریسینده، 100% یئنیلَمَلی انرژی قایناقلارین ایشه آپاریلماسینی ایسته ییرلر

دونیانین دؤرت بیر یانیندا 600 مینه یاخین بیر گوجلو اوزلاشمانی نین امضالانماسی ایستَمَک ایچین گؤستریلره باشلامیشدیلار. پاریسده عمومی ییغینتیلار سون گونلره باش وئرن تئرور سالدیریلارا گؤره ، یاساقلانمیشدی، آنجاق مینلر نفر احساس ائتمیشدیلر کی نفر بیر ضعیف سؤزلشمه اورتادا اولاجاق، دسامبرین 12جی گونونده چیخدیلار ائشیگه تظاهرات ائتدیلر. پاریسده باشقا جوازسیز گؤستریلر ده باش وئردی، و بونا گؤره پولیس و آنتی کاپیتالیست قروپلار آراسیندا نوامبرین 29جو گونونده قارشی دورما و چاتیشما باش وئردی.

پاریس اوزلاشماسی (توافقی)

2015 ایلی نین دسامبر آیی نین 15جی گونونده، توپلانتی یا قاتیلمیش 196 اؤلکه، دونیالیق آنلاشماسی نین سون اؤن یازی (درفت) سینی، بولاندیریجی قازلارین بوراخیلیشی نین آزالتماغی نی، دونیالیق یاشیلخانا قازلارینی آزالتماق طرزی نین بیر بؤلومو اولاراق، قبول ائله دیلر. ۱۲ یارپاقلی پاریس توافقنامه سینده، عوضولر کربونلو بوراخدیقلارینی تئزلیکله اولدوقجا آزالداجاقلاری، و دونیا قیزیشماسی نین ۲ سانتیقراد (سلسیوس) درجه سی آلتیندا قالاجاغینا باشاردیقجا چالیشاجاقلاری ایله راضیلاشدیلار.
فرانسه نین خارجه ایشلر باخانی، لوران فابیوس دئدی: "چوخ ادعالی و تارازلانمیش (بالانسلی)" پلان، دونیالیق ایستیلشمَنی آزالتماق یولوندا "تاریخی بیر دؤنوش نوقطه سی" ایدی.

زوراکی اولمایان تعهدلر، و زورلاما مکانیسملرین آزلیغی

اوزلاشما (توافق) نین آپاریلماسی نین اجباری اولماغی، دونیاداکی 55% بولاندیریجی یاشیلخانا قازلاری بوراخان 55 دؤولتین بیر پارتی اولماغینا آسیلی دیر. آمریکا بیرلشمیش ایالتلری کیمی دؤولتلرین بو اوزلاشما یا بویون اَیَیب راضیلاشمالاری، هَلَه بللی دئییل.

قایناق

• انگلیسجه ویکی پدیا صفحه سی