ویکی‌پدیا:یئنی ایشلدنلری اینجیتمه‌یین

ویکی‌پدیانین قاباقلاماسی ساده‌جه تجرۆبه‌لی ایشلدنلرین چوْخ آغیر چابالارییلا اوْلماز٬ ماراقلی یئنی ایشلدنلرین قاتیلیب چالیشمالارییلا دا اوْلار. هامیمیز بیر زامانلار یئنی قاتیلمیش ایدیق٬ حتّی بیر چوْخوموز چوْخو یئنی ایشلدنلرین ائتدیگی ان گئنل ائدیلن خطالاری ائدیردیک٬ یئنی قاتیلانلارین آیلار سوْنرا بئله بۇ تیپ خطالاری اوْلدوغونو یاددا ساخلامالی‌ییق.

یئنی ایشلدنلرین اوْلاسی «عۆضولریمیزین» و بو سببله بیزیم ان دَیرلی قایناغیمیزدیر. یئنی ایشلدنلرله نزاکتلی و دؤزوملو داورانمالی‌ییق٬ مؤحتمل چیخارلی اوْلا بیله‌جک ایشلدنلری سۆرعتله بۇرادان قاچیراجاق دۆشمنجه و کیچیلدیجی داورانیشلاردان اۇزاق دۇرمالی‌ییق. یئنی گلنلر بعضی بیلگی‌لردن یوْخسول حالدا ویکی‌پدیایا اؤیرنمه‌یه چالیشارکن٬ اوْنلارا یوْل گؤسترمه‌لی‌ییک.

یئنی گلنلرین قاباغینا چوماقلا چیخمایین!

• یئنی گلنلرین توْپلولوق اۆچون احتیاج و دَیَر اوْلدوغونو آنلایین. یئنی گلنلرین چالیشمالارییلا٬ ویکی‌پدیایا فرقلی دۆشونجه‌لر و بیلگی‌لر علاوه اوْلاراق٬ ویکی‌پدیانین گۆوَنیلیر و طرفسیز بیر قایناق حالینا گلمه ایمکانی آرتیر.
• بیر یئنی ایشلدندن بیر خطا گؤرسه‌نیز، اوْلدوقجا اؤزونوز اوْنو دۆزلتمه‌یه چالیشین، یئنی گلنلری دانلامایین. یاددا ساخلایین، ویکی‌پدیادا چالیشماق آزاددیر و هئچ کیمسه‌نین وظیفه‌سی دئییلدیر.
• بیر یئنی ایشلدنه تذکّور وئرمک گرک اوْلورسا، گۆلر اۆزله بۇ ایشی گؤرون. سؤزونوزو بیر خوْش‌گلدین ایله باشلاییب، سوْنرا مۆلاییمت‌له تذکّۆرونوزو وئرین. بئله یۇموشاق دیلینیز اوْلمازسا، دانیشمایین.
• یئنی ایشلدنلر قاباغیندا یاخشی نیتینیز اوْلسون. یئنی گلنلرین چوْخونون هدفی خارابکارلیق دئییل کؤمکدیر.
• بیرینجی آددیمدا یئنی ایشلدنلری باغلامایین، ایلک اؤنجه اوْنلارلا دانیشین.