آنایا‌سا

آنا یاسا — دؤولتین عالی قانونودور، عالی حۆقوقی قوه‌یه مالیک‌دیر و همین دؤولتین سیا‌سی، حۆقوقی و ایقتیصادی سیستملرین اساسلارینی تثبیت ائدیر، وطنداشلارینین حۆقوق و آزادلیقلارینی اعلان ائدیر و ضمانت وئریر. آنا یاسا سؤزونون حرفی معنا‌سی «قورماق، یاراتماق، اسا‌سینی قویماق» دئمک‌دیر. آنا یاسا دؤولتین بیر فنومن کیمی ماهیتینی آچیقلایان، قانونوریجی‌لیک، ایجرا و محکمه اوْرقانلارینین خۆصوصیت لرینی عکس ائتدیرن، جمعیت، شخصیت و دؤولت آراسینداکی قارشی‌لیق‌لی موناسیبتلری بللی ائدن ان یۆکسک حۆقوقی قوه‌یه مالیک اوْلان حۆقوقی سنددیر. بیر قایدا اوْلا‌راق آنا یاسالاری ایکی اساس نؤعه تصنیف ائدیرلر: یازی‌لی و تاریخ‌دن ایر‌لی گلن شیفاهی حۆقوقی قایدالار. یازی‌لی آنا یاسالار یا واحید نورماتیو آکت‌دیر (چوخ دؤولتلرده)، یا دا بیر نئچه آنا یاسا قانونلارینین مجموسودور (مثلاً، سوئد آنا یاساسی، ایسپانیا آنا یاساسی، فنلاند آنا یاساسی). یازیلمامیش آنا یاسالاردا آنا یاسا نورمالاری چوْخ سایدا آکتلاردا و بیرده عادتلرده تثبیت اوْلونموش‌دور (آنقلو-ساکس حۆقوقی عائله‌سی اۆچون خۆصوصی‌دیر (آمریکا بیرلشمیش ایالتلری استثنا اوْلماقلا)، بؤیوک بریتانیا آنا یاساسی). دۆنیا‌دا آنا یاسا وطنی اینگیلیس ساییلیر، اوْرا‌دا ایلک آنا یاسا آکتی آزادلیقلارین بؤیوک توْپ‌لوسو اوْلموش‌دور. ایلک یازی‌لی آنا یاسا آمریکا بیرلشمیش ایالتلری آنا یاساسی‌دیر کی، چوْخلو دییشیک‌لیلرله بۇ گۆن ده قوه‌ده‌دیر.