الموت قالاسی
الموت قالاسی قزوین شهری‌نین تالیش داغلاریندا و البرز داغ سیستمی‌نین کسیشمه‌سینده الموت منطقه‌سینده اسکیدن قالان بیر قالادیر. بوگون قازیرخان کندی‌نین قوزئی دوغو طرفینده ۲٬۱۶۳ متیر دنیز سولاری سویه‌سیندن اوجا داغ اوسته تیکیلمیشدیر. قالا بیر داش اوسته دیر و داش اوجالیغی یئردن ۲۰۰ متیردیر. ۲۰٬۰۰۰ کؤب متیر ساحه‌ده گدیکدن باشلانیر و باتی طرفه چکیلیر. توتقون قیرمیزی بویاقدا داشلار قوزئی دوغودان گونئی باتی طرفه چکیلیب.
هولاکوخان
هولاکوخان، هولاکوخان ۶۵۴-نجو قمری ایلده بو قالانی توتدو. هولاکو امریله بو قالانی اودا چکدیلر و سون ایللر محبس و تبعید یئری اولموشدور. حمدالله مستوفی یازیسیندا ۴۸۳ قمری بو قالانی داعی الی الحق حسن بن زید قورموشدور. سون ایللر بو قالادا حسن الصباح حاکیم اولموشدور و ایسماعیلی مذهبینی آذربایجانین گونئی طرفینده رسمیتلی ائتمیشدیر. بو قالا ۱۰۰۶ هجری‌ده بیرینجی شاه طهماسب چاغیندا هله‌لیک قالیردی. هابئله قاجار حوکومتینده بو قالا آرادان گئدیب و ییخیلدی.
ان چوخ آدلیم اولماسی حسن الصباحین حاکم اولماسینا باغلیدیر و ایسماعیلی مذهب بو قلعه‌ده یاییلمیشدیر. رشیدالدین فضل الله همدانلی یهودی‌لر دینیندن دؤنوب و موسلمان اولماقدا نئچه ایللر بو قلعه‌ده حسن الصباحین یاردیمچیسی اولموشدور.
.jpeg)
