حمید آراسلی

ویکی‌پدیادان، آچیق بیلیک‌لیک‌دن

حمید آراسلی، تام آدی ایله آراسلی حمید حاجی محمدتاغی اوْغلوآذربایجانلی ادبیاتشوناس، آکادمیک، پروْفسور، امکدار علم خادیمی.

یاشاییش[دَییشدیر]

حمید آراسلی ۱۹۰۹-جۇ ایلده فئوریه آيینین ۲۳-ده گنجه‌ده دۆنيايا گؤز آچمیشدیر. آتاسی حاجی محمّدتاغی ارس‌زاده زمانه‌سی‌نین مۆکمل تحصیللی عالیم-رۇحانیلریندن اوْلموشدور. آتاسی قزتلرده چێخیش ائدر، شریعت مسئله‌لری ایله باغلی مۆلاحیظه‌لر سؤيلردی. عرب دیلیندن ائتدیگی بعضی ترجومه‌لری و يازدیغی "وشرح فرایض" آدلی کیتاب عالیمین کیتابخاناسیندا ساخلانیلیر. ح.آراسلی ایکی ياشینا چاتمامیش آتاسی وفات ائتمیشدیر. آناسی دۆرروبَيیم خانیم ساوادلی قادین اوْلموش، اوْغلوندا خالق يارادیجیلیغینا درین ماراق آشیلايا بیلمیشدی.

ح.آراسلی ۱۹۱۵-جی ایلده گنجه‌نین شاه عباس مسجیدی یانینداکی مدرسه‌ده تحصیل آلماغا باشلايیر. چوْخ کئچمیر کی، اوْ، آناسینی دا ایتیریر و قوْهوملاری‌نین حمایه‌سینده ياشامالی اوْلور. ۱۹۲۲-جی ایلده گنجه دارالمعلم ی سمیناریندا تحصیلینی داوام ائتدیریر. ۱۹۲۶-جێ ایلده سمیناری بیتیریب نبی‌آغالی کند مکتبینده اولجه معلم، سوْنرا ایسه دیرکتوْر وظیفه‌سینده ایشله‌يیر. اوْ، بۇ ایللرده فوْلکلور نۆمونه‌لرینی توْپلاماقلا مشغول اوْلور، طلبه‌لرینیده بۇ ایشه جلب ائدیر. ۱۹۲۹-جۇ ایلده باکیيا گلیب آذربایجان دؤولت پئداقوْژی اینستیتوتونون دیل و ادبیات فاکولته‌سینه داخیل اوْلور. اینستیتوتو واختیندان اول بیتیریب ۱۹۳۱-جی ایلده گنجه‌يه قايیداراق موعاریف شعبه سینده مۆدیر معاوینی وظیفه‌سینه تعیین اوْلونور. ۱۹۳۲-جی ایلده باکیيا گلیب آسپیرانتورادا تحصیل آلیر. همین ایللرده شرق اليازمالارینی توْپلاياراق اليازمالار فوْندونو ياراتماق کیمی مۆهوم بیر ایشه باشلايیر و تئزلیکله ياراتدیغی فوْندون دیرکتورو اوْلور. ۱۹۳۵-جی ایلدن علمی يارادیجیلیغا باشلايیر. بیر ایل سوْنرا (۱۹۳۶) آذربایجان يازیچیلار اتفاقینا عضو قبول ائدیلیر. ۱۹۳۸-جی ایلده فوْنددا ساخلانیلان اليازمالار ایچریسینده سوْوئت ایدئولوژی‌سینه اۇيغون اوْلمايان نۆمونه‌لر آشکار ائدیب اوْنو ایشدن آزاد ائدیرلر. ۱۹۳۸-۱۹۳۹-جۇ ایللرده آذرنشرین بدیعی ادبیات شعبه سینده رداکتور وظیفه‌سینه قبول اوْلونور. ۱۹۳۸-جی ایلده آذربایجان دؤولت اۇنیوئرسیتتی‌نین فیلوْلوْژی فاکولته‌سینده اوْرتا عصرلر آذربایجان ادبیاتی تاریخیندن درس دئمه‌يه باشلايیر. ۱۹۳۹-جۇ ایلده نظامی آدینا آذربایجان ادبیاتی و دیلی اینستیتوتوندا اوْرتا عصرلر ادبیاتی، ۱۹۵۷-جی ایلده ایسه متن‌شوناسلیق شعبه‌لرینه رهبرلیک ائدیر. ۱۹۴۳-جۆ ایلده "اوْن اۆچ-اوْن آلتی عصرلرده آذربایجان ادبیاتی" مؤوضوع سوندا ریساله مۆدافیعه ائده‌رک فیلوْلوْژی علملری نامیزه‌دی علمی آدینی آلیر. ۱۹۴۴-جۆ ایلده آذربایجان دؤلت اۇنیوئرسیتتینده ياخین شرق ادبیاتی کافدراسی‌نین مۆدیری وظیفه‌سینه تعیین اوْلونور. ۱۹۵۴-جۆ ایلده "اوْن يئددی-اوْن سککیز عصرلر آذربایجان ادبیاتی تاریخی" مؤوضوع سوندا دوْکتوْرلوق ریساله سین مۆدافعه ائدیر. بیر ایل سوْنرا اوْنا پروْفسوْر آدی وئریلیر.

ح.آراسلی ۱۹۵۸-جی ایلده آذربایجان ائ.آ-نێن مۆخبیر عضوو، ۱۹۶۸-جی ایلده حقیقی عضوو سئچیلیر. ۱۹۶۸-جی ایلده اؤزبکیستانین، ۱۹۷۹-جۇ ایلده آذربایجانین امکدار علم خادیمی آدینا لايیق گؤرولوب.

قایناقلار[دَییشدیر]

آذربایجان تورکجه‌سی (لاتین) ویکی‌پدیاسی‌نین ایشلدنلری طرفیندن یارانمیش«Həmid Araslı»، مقاله‌سیندن گؤتورولوبدور. (۵ اوکتوبر ۲۰۱۵ تاریخینده یوْخلانیلیبدیر).