فروغ فرخزاد

ویکی‌پدیادان، آچیق بیلیک‌لیک‌دن
فروغ فرخزاد
Forugh Farrokhzād
دؤغوم‌تاریخیB105-فروردین-35
تهران, ایران
اؤلوم‌تاریخی۱۳ فوریه ۱۹۶۷ میلادی (۳۲ یاش)
Tehran, Iran
یاشایش یئری(buried Zahir o-dowleh cemetery, Darband, Shemiran, Tehran)
ایششاعیر, فیلم یاپیمجی‌سی
میللیتایران

فروغ فرخزاد (اینگیلیسجه: Forough Farrokhzad) شاعیر و یازیچی - ۳۲  ایل عومر ائله‌ییب و ۱۳ فوریه ۱۹۶۷ میلادی تاریخیندا وفات ائدیب.

یاشامی[دَییشدیر]

  فروغ فرخزاد 1935-جی ایل ژانویه آیی‌نین 5-ده تهراندا، حربی خیدمتچی عاییله‌سینده دونیایا گلیب. عاییله‌ده اوندان باشقا داها 6 اوشاق وار ایدی. 9-جو صینفی بیتیرندن سونرا فرخزاد اورتا صنعت مکتبینه داخیل اولوب. 17 یاشیندا ساتیراچی پرویز شاپور ایله ائوله‌نیب و اهوازا کؤچوب. اوغلو کامیار دونیایا گلنده اونا "‌سنین اوچون بیر شعیر "‌ آدلی اثر حصر ائدیب. ایکی ایلدن سونرا شاعیره حیات یولداشیندان آیریلیب و یئگانه اوغلونو کئچمیش اری‌نین حیمایه‌سینه بوراخمالی اولوب. تهرانا قاییدارکن 1955-جی ایلده  "اسیر‌"  آدیندا شعیرلر مجموعه‌سینی چاپ ائتدیریب. 1958-جی ایلده فرخزاد اوروپادا فیلوسوف ابراهیم گلستان ایله تانیش اولوب و  " ائو قارادیر "  آدلی فیلمین ایدئیاسینی اوندان آلیب (بو واختا قدر شاعیره‌نین داها ایکی کیتابی ایشیق اوزو گؤرموشدو –  " دیوار "  و " عوصیان " ). جوزام خسته‌لیگیندن عذاب چکنلردن بحث ائدن بو فیلم تبریزده چکیلیب و تئزلیکله بوتون دونیادا شؤهرت قازانیب. فروغ فرخزاد خسته بیر اوشاغی اوغول‌لوغا گؤتوروب. 1963-جو ایلده  " باشقا بیر دوغولوش "  آدیندا سون شعیرلر مجموعه‌سینی نشر ائتدیریب. 

  فروغ فرخزاد 1967-جی ایلده آوتوموبیل قضاسیندا هلاک اولوب. اوشاق‌لارلا دولو اوتوبوسلا توققوشماماق اوچون او ایداره ائتدیگی ماشینی دیوارا چیرپیب و خستخانایا آپاریلارکن یولدا دونیاسینی دییشیب. 

  کیتاب‌لاری[دَییشدیر]

  فرخزادین اثرلری آذربایجان تورکجه‌سینه صمد بهرنگی طرفیندن ترجومه ائدیلیب. 

  •   اسیر (1952) 
  •   دیوار (1957) 
  •   عوصیان (1959) 
  •   باشقا بیر دوغولوش (1964) 
  •   سویوق مؤوسومون باشلانغیجینا ایناناق (بو کیتابی بیتیرمه‌میش وفات ائدیب) 

اؤدول‌لری[دَییشدیر]

  •   1962-جی ایلده فرخزادین چکدیگی  " ایتالیا "  سندلی فیلمی سندلی فیلم‌لر فستیوالیندا بیرینجی یئر قازانیب. 
  •   1963-جو ایلده  " قارا ائو "  فیلمی آلمان اوبئرهاوسن فیلم فستیوالیندا ان یاخشی فیلم سئچیلیب.  

بیرده باخ[دَییشدیر]

قایناق‌لار[دَییشدیر]

اینگیلیسجه ویکی‌پدیاسی‌نین ایشلدنلری طرفیندن یارانمیش«Forough Farrokhzad»، مقاله‌سیندن گؤتورولوبدور. (۲۲ آقوست ۲۰۱۷ تاریخینده یوْخلانیلیبدیر).

ائشیک باغلانتی‌لار[دَییشدیر]

قارداش پروژه‌لرده فروغ فرخزاد گؤره داها آرتیق بیلگی‌لر تاپابیلرسینیز.


Search Commons فایل‌لار ویکی‌آمباردا