یوری قاقارین

یوری قاقارین
آد	یوری الکسیویچ قاقارین Юрий Алексеевич Гагарин
قیسا بیلگی	آسترونات، طیّارهچی
دوْغوم تاریخ	۹مارس ۱۹۳۴ کلوشینو، شوروی بیرلیگی
اؤلوم تاریخ	۲۷ مارس ۱۹۶۸ شوروی بیرلیگی
اؤلوم سببی	طیّاره دۆشمه‌سی
میللیت	شورویلی

یوری قاقارین (روسجا:Юрий Алексеевич Гагарин) کندچی عایله سینده آنادان اولموشدور. اونون آتاسی آلکسی ایوانویچ قاقارین دولگر، آناسی آننا تیموفوان ایسه حئیوانادارلیق لا (حشم دارلیق) مشغول ایدی.

اوشاقلیغینی او کلوشینو کندینده کچیریر. ۱ سنتیابر (سپتامبر) ۱۹۴۱ - جی ایلده مکتبده گئدیر. ۲۴ مای (می) ۱۹۴۵ - جی ایلده اونون عایله سی قژاتسک شهرینه کؤچور. ۱۹۵۱- جی ایلده یوری اورتا ایختیصاصی مکتبینی بیتیره ره ک تؤکمه اوزره ایختیصاصا ییلنیر. همین ایلین آوقوستیندا (آگست) قاقارین ساراتوو صنایع تکنیکومونا داخیل اولور و اوْکتوبر (اوکتوبر) آییندان ساراتوو آئروکلوبون (هواکلوب) عضوی اولور. ۱۹۵۵ - جی ایلده تحصیلینی علاء قیمت لرله باشا وراراق یاک-۱۸ طیاره سینده (اوچاک) ایلک دفعه سربست اوچوش ائدیر.

۲۷ اکتیابر ۱۹۵۵- جی ایلده قاقارین عسگرلی یه چاغریرلیر و اورنبورقداکی ۱-جی حربی آویاسیا مکتبینه گؤنده ریلیر. ۲۵ اکتیابر ۱۹۵۷- جی ایلده او بۇ مکتبی بیتیریر.

۹ دکابر ۱۹۵۹-جی ایلده او عریضه ایله کوسموناوت لیغا نامیزدلرین سیاهه سینا گؤتورولمیه خواهیش ائدیر. قاقارین ایکی طیببی معاینه کئچندن سوْنرا ۱۹۶۰-جی ایلدن ژنرال وریشینین امری ایله او کوسمیک (فضا) اوچوشلار اۆچون حاضیرلیق کومانداسینا قبول ائدیلیر.

۱۹۶۱-جی ایلده ABŞ ایله راکت یاریشماسیندا قابغا چیخماق ایسته ین کورولیف نامیزدلر آراسیندان ۶ نفری سئچیر. کیمین کوسموسا اوچماسی سونونجو دقیقه یه قدر گیزلی ساخلانیلیر. سونونجو آندا قاقارین و اونون

عوضله ایی جی سی تیتوو سئچیلیر.

اوچوش ۱۲ آپریل (آوریل) ۱۹۶۱-جی ایلده بایکونور استارت منطقه سینده باش وئریر. ووستوک گمیسینده اوغورلا کوسموسا چیخان قاقارین گؤی ده ۱۰۸ دقیقه دؤر ائتدیکدن سوْنرا ساغ و سالامات یئره قاییدیر. اونون اینسانییتین تاریخینده ائدتیی بۇ ایلک آدیم تکجه اؤلکه داخیلینده دئییل، هم ده خاریجده یوکسک قیمت لندیریلیر.

قاقارین ۲۷ مارس ۱۹۶۸-جی ایلده سیناق اوچوشو زامانی طیاره ده (اوچاک دا) قضایا اوغراییر و هلاک الور.

او مسکوادا کرملین دیوارینده دفن اولونوب.