اؤتوکن تورکجه سؤزلوک

اؤتوکن تورکچه سؤزلوک، امکلی اؤیرتمن و آراشدیرماچی یازیچی یاشار چاغ‌باییر طرفیندن قلمه آلینمیش بیر سؤزلوکدور. تورک دیلینه عایید ۲۴۶.۰۰۰ سؤزجوک احتیوا ائدن اؤتوکن تورکجه لوغت، سؤز سایی ان چوخ اولان لوغت اولما خوصوصیتی اولدوغو قدر مضمونوندا یئر آلان عثمانلیجا گؤرونوشله ده تورکیه‌ده بیر ایلکدیر. ۳۸ ایللیک چالیشماقلا حاضیرلانان اؤتوکئن تورکجه لوغت، ۵ جیلددن و ۵.۷۴۴ صحیفه‌دن عیبارتدیر. اؤتوکئن تورکجه لوغت، تورکیه و دونیادا تورک دیلی اوزرینه یازیلمیش "عتبة الحقائق"دن موعاصیر ادبی متنلره قدر تخمیناً ۱۷۰۰ اثرین اؤیره‌نیلمه‌سی ایله حاضیرلانیب. اؤتوکئن نشریات آ.ش. طرفیندن چاپی رئاللاشدیریلان لوغت، تورکجه دوزگون و ثمره‌لی ایستیفاده ائتمک ایسته‌ین و متن ایشلری آپاران هر کس اۆچون قایناق اثر دئمکدیر. گؤی‌تورک، قدیم اویغور، خاقانیه، اوغوز، قدیم آنادولو، عثمانلی، موعاصیر تورکیه تورکجه‌سی ایله آنادولو، رومئلی، قیبریس، کرکوک آغیزلاری‌ ایله یاناشی، لوغتین بئشینجی جیلدینده ۲۳۵ صحیفه‌دن عیبارت اولان عثمانلیجا گؤستریجی ده یئر آلیر. عثمانلیجا الیفبایا گؤره حاضیرلانان گؤستریجی سایه‌سینده اؤتوکئن تورکجه لوغتین ایچریسینده اولان عثمانلی خطیله یازیلی تخمیناً ۵۵ مین سؤزون فرقلی قیرائت و معنالاری دا وار. لوغت ایستیفاده‌چی‌لری‌نین معلوماتا داها آسان و تئز چاتاجاغی شکیلده حاضیرلانان اؤتوکئن تورکجه لوغتده؛ سؤزلرین دوزگون اوخونماسی اۆچون ضروری قئیدلرله، سؤزون هانسی منبع‌دن آلیندیغینی بیلدیرن مؤعتریضه ایچی آچیقلامالار دا یئر آلیر.

ائشیک باغلانتیلار

• اؤتوکن سؤزلوک