محمدعلی مدرس تبریزی

میرزا مُحمّدعَلی مُدرّس تَبریزی (۱۲۹۶-۱۳۷۳ق) آدلیم مدرس خیابانی.اون دؤردونجو یوز ایللرده موجتهد ایدی.تبریز شهرینده دونیایا گلدی و دین بیلگیلرین قازاندی و موجتهد اولدو. نجف شهری نین موجتهدلری اونون علمین و ایجتهادین تائید ائتدیلر.ان آدلیم کیتابی ریحانة الأدب دیر.اونون مقبره سی قومون شیخان قبریستانلیغندادیر.

یازیلاری

ریحانه الادب

بوتون فیلسوفلار و عالیملرین آدین و سانین یازیب.

الدر الثمین او دیوان المعصومین

اون دؤرد معصوم اۆچون شعر و مدیحه لر.

بهاریستان

بو کیتابین یازیسی «سر الادب ثعالبی» کیمی یازیلب، فارسی دیلین لغتلری نین عربجه سوزلری دیر. شعبان ۱۳۴۸ق تبریز ده چاپ اولدو.

نوبهار

فارسجا سوزلوک و فارسجا لوغتلردی و ۱۳۴۸ق تبریزده ایکی جیلدده چاپ اولدو. اون دوققوز مین لوغت بو کیتابدا یازیلب.

کفایة المحصلین فی تبصرة احکام الدین

ایکی جیلدده تبصره علامه حلی کیتابین شرح ائدیب. عربجه دیر بیرینجی جیلدی تبریزده چاپ اولدو.

نثر اللئالی در شرح نظم اللئالی

تجوید و عربجه حرفلرین اوخونماسی و شرح نظم اللئالی آدلیم قورآن قاریسی میر ابوالقاسم تجوید ایشلرین یازیب (ایکینجی شاه عباس چاغیندا یاشیردی) . فارسجادیر و ۱۲۶۳ق سونا چاتیب و ذی حجه ۱۳۷۸ میرزا طاهر خوشنویس خطی ایله چاپ اولدو ۱۲۹ صفحه دیر.

التحفة المهدیة

بو کیتاب الدر الثمین کیتابیندان یازیلب و بئشینجی ایمام و سونراکی ایماملارا گؤره شعردیر.

چاپ اولمویان یازیلاری

حیاض الزلائل فی ریاض المسائل

۱۳۲۴ق .عربجه بو کیتابی یازیب 28 یاشیندا بیرینجی کیتاب ایدی. علامه طباطبائی کیتابینا بیر شرح دیر.

غایةُ المُنی فی تحقیق الکُنی

عربجه دیر و حئیوانلارین آدین یازیب.

نیگاریستان سؤزلوگو

عربجه مفرد و مذکر لوغتلری یازیب.

قاموس المعارف

فارس دیلینده اولان عربجه و آیری دیلدن گلن لوغتلری یازیب.

قایناق

• مدرس تبریزی، محمدعلی، ریحانة الادب، تهران، خیام، ۱۳۶۹ش.(فارسجا)
• محمدی کرمانشاهی، اسماعیل، مدرس تبریزی صاحب ریحانة الادب، فرهنگ کوثر، دی ۱۳۷۷ - شماره ۲۲.(فارسجا)