یئددی آغاج(اویون)
یئددی آغاج - آذربایجاندا اساساً یاز، پاییز آیلاری و یا بایرام‌قاباغی گونلرده اوشاق و گنجلر آراسیندا گئنیش یاییلان قدیم اویونلاردان بیری.
اویونون قایدالاری[دَییشدیر]
یئددی آغاج قیریغی دوزلدیب قویورلار بیر داشین اوستونه. ساناما و یا پوشکله آیریلان اویونچو دایانیر آغاجین یا‌نیندا و گؤزلرینی یومور. قالان اویونچولار قاچیب گیزله‌نیرلر. سونرا پوسقودا دوران اویونچو قاچیب گیزلننلری آختاریر. اگر آختاریلان اویونچولاردان بیری گلیب آغاجلاری قاریشدیریب یئره تؤکرسه، اویون یئنیدن باشلانیر. پوسقودا دوران اویونچو آغاجلاری قوروماق شرطیله بوتون گیزلنن یولداشلارینی تاپمایینجا بو اویونداکی آختاریجی وظیفه‌سیندن خیلاص اولا بیلمیر. ائله کی، بوتون گیزلنن یولداشلارینی تاپدی، او زامان ایلک دفعه تاپدیغی یولداشی اونو عوض ائدیر. اویون گؤستریلن قایدادا یئنیدن داوام ائدیر.
