شوشا بیان‌نامه‌سی
| آذربايجان جومهوریتی ايله تورکيه جومهوریتی آراسيندا موتّفيق‌ليک موناسيبت‌لری حاقّيندا شوشا بيان‌نامه‌سی | |
|---|---|
 ایلهام علیئو ایله رجب طیب اردوغان شوشا بیان‌نامه‌سینی ایمضالایارکن | |
| نؤوع | امکداش‌لیق موقاویله‌سی |
| باغلام | آذربایجان -تورکیه موناسیبت‌لری, داغلیق قاراباغ موناقیشه‌سی |
| ایمضالانما | ۱۵ ژوئن ۲۰۲۱ |
| یئر | شوشا, آذربایجان جومهوریتی |
| ایمضالایانلار | |
شوشا بیان‌نامه‌سی (تورکیه تورکجه‌سی: Şuşa Beyannamesi ، لاتین تورکجه: Şuşa Bəyannaməsi ، اینگیلیسجه: Shusha Declaration) تورکیه جومهوریتی و آذربایجان جومهوریتی آراسیندا بیرلشمه و بیرلیک آنلاشماسی‌دیر. (۲۰۲۱ ژوئن‌ین ۱۵ ده ) ایکی اؤلکه آراسیندا امیضالاندی . بو آنلاشما بیر سیاسی ، ایقتیصادی ، تیجاری ، ایدمانچی لیک ، کولتور یوخسا فرهنگی ، اؤیرنمک و نیظامی آنلاشما دیر . بو آنلاشما دا آذربایجانین قاز کوریدورونا گؤره ده آنلاشیلمیش[۱].
تام متنی[دَییشدیر]
تۆرکیه جومهوریتی و آذربایجان جومهوریتی‌نین آراسیندا موتفیق‌لیک موناسیبت‌لری حاقیندا.
شوشا بیان نامه‌سی
آذربایجان و تۆرکیه جومهوریتی‌لری
آذربایجان جومهور باشقانی ایلهام علییو و تۆرکیه جومهور باشقانی رجب طیب اردوغا‌نین آذربایجانین و بوتؤلیکده تۆرک دۆنیاسی‌نین قدیم اویقارلیق بئشیگی اولان شوشا شهرینده گؤرۆشۆنۆن تاریخی اؤنمی وورغولویاراق .
ایکی دوْست و قارداش اؤلکه آراسیندا ایمضالانمیش بۆتۆن اولوس‌لار آراسینداکی سندلره ، بونونلا علاقه‌دار ۱۳ اوکتوبر ۱۹۲۱ جی تاریخلی قارص موقاویله‌سینده صادیق اولدوقلارینی بیر داها تصدیق ائدرک ، ۹ فوریه ۱۹۹۴ جی ایل تاریخینده ایمضالانمیش آذربایجان جومهوریتی وتۆرکیه جومهوریتی آراسیندا دوست‌لوق و هر طرفلی امکداش‌لیغی اینکیشافی گؤره موقاویله‌نی و آذربایجان جومهوریتی و تۆرکیه جومهوریتی آراسیندا اولان امکداش‌لیق و قارشی‌لیقلی یاردیم حقینده پروتوکولو ائلده ۱۶ آوقوست ۲۰۱۰ جی ایل تاریخینده ایمضالانمیش آذربایجان جومهوریتی و تۆرکیه جومهوریتی آراسیندا ایستراتژی طرفداش‌لیق و قارشی‌لیقلی یاردیم حقینده موقاویله‌نی رهبر توتاراق ،
ایکی اؤلکه و اونون خالق‌لارین آراسیندا دوست‌لوق و قارداش‌لیقدان چیخیش ائدرک آذربایجان جومهوریتی و تۆرکیه جومهوریتی آراسینداکی موناسیبت‌لرین کئیفیتجه یئنی موتفیق‌لیک سوییه‌سینه قالدیریلماسی‌نین ایکی اؤلکه و اونلارین خالق‌لاری‌نین ماراق و منافع‌لرینه خیدمت ائتدیگینی وورغولویاراق ،
عومومی ماراق‌لارین قورونماسیندا هر ایکی اؤلکه‌نین سیاسی ، ایقتیصادی ، مودافیعه ، مدنی ، هومانیتار ، صحیه ، تحصیل ، سوسیال ، گنجلر و ایدمان ساحه‌لرینده‌کی و ایمکان و پوتانسیئل‌لری‌نین بیرلشدیریلمه‌سی‌نین اؤنملی اهمیتینی درک ائدرک ،
اولوس‌لار آراسی حوقوقون پرینسیپ و نورمالارینا ، اوْ جۆمله‌دن ده بیرلشمیش میلت‌لر قورومونون نیظام‌نامه‌سینه اویغون اولاراق دۆنیالیق و بؤلگه‌سل باریش ، ثابیت‌لیک و تهلوکه‌سیزلیگین تأمین ائدیلمه‌سینده بیرگه چالیشمالارین دوام ائتدیریلمه‌سی‌نین واجیب‌لیگینی وورغولویاراق ،
مۆشترک ماراق اله گتیرن بؤلگه‌سل و اولوس‌لار آراسی ایستراتژی سورون‌لاردا فعالیت‌لرین قارشی‌لیقلی شکیل‌ده علاقه لندیریلمه‌سی‌نین ضرورتینی ایفاده ائدرک ،
آذربایجان جومهوریتی و تۆرکیه جومهوریتی‌نین باغیمسیزلیغی سوورن‌لیگی اراضی بۆتۆنلۆگی اولوس‌لار آراسی سوییه‌ده تا‌نینمیش سرحدلری‌نین توخونولمازلیغی کیمی میلی ماراق‌لارا سؤیکنن سورون‌لاردا ایکی طرفلی و چوخ طرفلی فورمت‌لرده همرأی‌لیک و قارشی‌لیقلی یاردیم پرینسیپ‌لریندن چیخیش ائدرک ،
تۆرک دونیاسی‌نین دواملی اینکیشافینا یؤنلمیش قارشی‌لیقلی فعالیت‌لرین بؤلگه‌سل و اولوس‌لار آراسی مۆستوی‌لرده ایره‌لی آپاریلماسیندا چالیشمالارین بیرلشدیررک،
تۆرکیه جومهوریت‌نین قوروجوسو مصطفی کمال آتا تۆرکۆن و آذربایجان خالقی‌نین عوموم لیدری حیدر علییوین مۆدریکجه‌سینه سؤیله‌دیکلری آذربایجانین سئوینجی بیزیم سئوینجیمیز ، کدری بیزیم کدریمیزدیر و بیر میلت ایکی دؤولت ایفاده‌لری‌نین خالق‌لاریمیزین میلی-معنوی ثروتی کیمی دَیرلندیریلدینی اؤزل‌لیک وورغولویاراق،
آذربایجان جومهوریتی و تۆرکیه جومهوریتی آراسینداکی ایکی طرفلی موناسیبت‌لرین گئنیش‌لندیریلمه‌سی و درینلشدیریلمه‌سی پرسپکتیولرینی هر طرفلی نظردن کئچیرجک.
بیان ائدیرلر:
طرفلر ایکی دوست و قارداش اؤلکه آراسیندا ایستراتژی سوییه‌ده اینکیشاف ائدن موناسیبت‌لرین دوروموندان ممنون‌لوق ایفاده ائدرک سیاسی دیالوقون بۆتۆن سوییه‌لرده دوام ائتدیریلمه‌سی‌نین و قاریشی‌لیقلی یوخاری سوییه‌لی سفرلرین اؤنمین قید ائدیرلر .
طرفلر فخارت حیسی ایله بیلدیریرلر کی ، آذربایجان ۴۴ گۆنلۆک وطن ساواشیندا اوتاراق (غالیب گله‌رک) ائرمنیستا‌نین ۳۰ ایلدن بری دوام ائدن تجاووزکارلیق سیاستینه سونا یتیشدیردی ، توپراق‌لارینی ایشغالدان آزاد ائتدی، تاریخی عدالتین ظفر چالیشماسینی و اولوس‌لار آراسی حوقوقون یئرینه گتیرمه‌سینی تأمین ائتدی.
آذربایجان ائرمنیستا‌نین ۳۰ ایل‌لیک تجاووزونه سون قویولماسیندا ، ایشغال اولونموش توپراق‌لارین آزاد اولونماسیندا آذربایجانین اراضی بوتؤولوگونو یئرینه گتیریلمه‌سی تۆرکیه جومهوریتی معنوی-سیاسی دستگینی یوخاری دَیر وئریر طرفلر قفقاز بؤلگه‌سینده ثابیت‌لیگین و تهلوکه‌سیزلیگین برکیتمه‌سینی بۆتۆن ایقتیصادی و نقلیات علاقه‌لرینی یئرینه گتیریلمه‌سی ، ائله‌جه ده بؤلگه‌ده‌کی دؤولت‌لر آراسیندا موناسیبت‌لرین نورمال‌لاشدیریلماسی و اوزون مودتلی باریشین تأمین ائدیلمه‌سی ایستیقامتینده چالیشمالارین دوام ائتدیرجکلر . بو کونتکسده آذربایجان جومهوریتی‌نین نخجوان موختار (اؤز‌ارک) جومهوریتی‌نین اؤزل جوغرافی دورومو نظره آلیناجاقدیر.
طرفلر تورکیه‌نین آذربایجانین ایشغالدان آزاد ائدیلمیش اراضی‌لرینده تۆرکیه، روسیه بیرگه مرکزی‌نین فعالیتینه وئردیگی تؤهفه‌نین بؤلگه‌دکی باریشین ثابیت‌لیگین و ریفاهین تأمین ائدیلمه‌سینده اؤنملی روْل اوینادیغینی وورغولاییر لار.
آذربایجان جومهوریتی‌نین و تۆرکیه جومهوریتی‌نین باغیمسیزلیغین ، سوورن‌لیک و اراضی بۆتؤولوگو اولوس‌لار آراسی سوویه‌ده تانیلمیش سرحدلرین توخونولمازلیغی دؤولت‌لرین ایچ ایشلرینه قاریشماماق پرینسیپ‌لرینی رهبر توتاراق موتفیق‌لیک موناسیبت‌لری‌نین قورولماسی‌نین سیاسی و حوقوقی مکانیزم‌لرینی موعیّن ائدیرلر.
قایناقلار[دَییشدیر]
- ^ اینگیلیسجه ویکیپدیا
ائشیک باغلانتیلار[دَییشدیر]
- Full text of the document (دیل:لاتین تورک)
- Full text of the document (دیل:تورکیه تورکجه‌سی)