خانلار بشیروف: نوسخهلر آراسینداکی فرق
صحیفهنی ' بشیروو خانلار اییوب اوغلو — تانینمیش رققاس و رقص معلمی، آذربایجانین امکدار آرتی...' ایله يارات |
فرقیسیز
|
۱۷ سپتامبر ۲۰۱۵، ساعت ۱۰:۵۰ نوسخهسی
بشیروو خانلار اییوب اوغلو — تانینمیش رققاس و رقص معلمی، آذربایجانین امکدار آرتیستی، خزر اونیوئرسیتئتی موسیقی و اینجسنت دئپارتامئنتینین معلمی، خزر اونیوئرسیتئتینین اوغلانلاردان عبارت رقس آنسامبلینین بدیی رهبری.
ایلک تحصیل و رقصه هوس ایللری
خانلار بشیروو 22 مارت 1957-جی ایلده خانلار رایونونون (ایندیکی گؤیگؤل) اینزیباتی مرکزی اولان خانلار شهرینده آنادان اولموشدور. آتاسینین ایشی ایله علاقهدار اولاراق اورتا تحصیلینی بیر نئچه مکتبده و بیر نئچه شهرده آلمیشدیر (1-جی، 2-جی صینیفلری خانلار، 3-جو سینفی باکی، 4-جو سینفی خانلار، 5-جی سینفی موسکوا و 6-جی صینیفدن اورتا تحصیلینی بیتیرندک باکی شهرینده). داییسی آزربایجانین امکدار آرتیستی پئشکار رققاص رافیق ازیزووون چیخیشلاریندا تئز-تئز تاماشاچی کیمی ایشتیراک ائتدیگی اوچون بو صنعته هوهسی یاراندی. 1972-جی ایلده یوری قاقارین آدینا جوجهلریم آنسامبلینا رقص درنیینه یازیلدی. ایکی ایل درنکلرده (یوری قاقارین آدینا پیونئرلر ائوینده، فیولئتوو آدینا کلوبدا، 26-لار کلوبوندا و س.) مشغول اولدوقدان سونرا بو صنعتی اؤزونه پئشه سئچمیی قرارلاشدیردی.
پئشکار رققاص
1974-جو ایلده آذربایجان دؤولت فیلارمونیاسینین دؤولت ماهنی و رقص آنسامبلیندا رققاس کیمی چالیشماغا باشلادی. همین ایلدن ده باکی خوروئقرافیا مکتبینین آذربایجان خالق رقصلری شعبهسینده تحصیلینی داوام ائتدیردی. 1975-جی ایلده باکی خوروئقرافیا مکتبینی بیتیریب، 1974-1977-جی ایللر عرضینده آذربایجان دؤولت ماهنی و رقص آنسامبلیندا آذربایجان رئسپوبلیکاسینین شهر و رایونلاریندا، کئچمیش سسری شهرلرینده و فینلاندیا، بئلچیکا و آوستریا کیمی خاریجی اؤلکهلرده میللی-معنوی دیرلریمیزی رقص صنعتی واسطهسیله تمثیل ائتدی. 1977-1979-جو ایللر عرضینده سووئت اوردوسو سیرالارندا باکی شهری ظابطلر ائوینده حربی ماهنی و رقص آنسامبلیندا سولیست-رققاص وظیفهسینده خیدمت ائدیب. عسگری خیدمتینی بیتیردیکدن سونرا 1979-جو ایلین آپرئل آییندان 1986-جی ایلین آوقوستونا قدر رشید بئهبودووون اول رهبرلیک ائتدیگی و سونرا آدینی داشیدیغی ماهنی تئاتریندا رققاص-سولیست وظیفهسینده چالیشمیشدیر. 1982-1987-جی ایللرده میرزاغا الیئو آدینا اینجسنت اینستیتونون مدنی معاریف شعبهسینین کلوب ایشینین تشکیلی ایختیساسی عذره آلی تحصیل آلدی. 1986-جی ایلدن 1996-جی ایله قدر آذربایجان دؤولت رقص آنسامبلیندا رققاص-سولیست وظیفهسینده فعالیت گؤستریب.
رققاص-معلم
خانلار بشیروو 1996-جی ایلده تقاوده چیخدیقدان سونرا رققاص-سولیست، 1998-2002-جی ایللرده ایسه بدیی رهبر وظیفهلرینده باکی شهری مدنیت ایدارهسینین نزدینده فعالیت گؤسترن جنگی رقص آنسامبلیندا چالیشمیشدیر. 1997-جی ایلدن بوگونه قدر خزر اونیوئرسیتئتینده رقص معلمی وظیفهسینده چالیشیر.
نفوذ و تلتیفلری
کئچدیگی صنعت یولوندا 50-یه یاخین خاریجی اؤلکهلرده میللی-منوی دیرلریمیزی رقص صنعتی واسطهسیله تبلیغ ائتمیشدیر. 1991-جی ایلده امکدار آرتیست فخری آدینا لاییق گؤرولموش و 2007-جی ایلده قیزیل بوتا موکافاتینا لاییق گؤرولموشدور. 2007-2008-جی ایللرده فیکرت امیروو آدینا امکدار کوللئکتیو آذربایجان دؤولت ماهنی و رقص آنسامبلیندا بالئتمئیستئر و رققاص-سولیست وظیفهسینده چالیشمیشدیر. 2007-جی ایلین نویابر آییندان اوغلانلاردان عبارت آذربایجان قارتاللاری رقص آنسامبلینی تشکیل ائتمیشدیر. ائولیدیر، اوچ اؤولادی، بیر نوهسی وار.[۱]
قایناق
* آذربایجانجا ویکی پئدیا
- ^ [آذربایجانجا ویکی پئدیا]