ویکیپدیا:کئچرلی قایناقلار: نوسخهلر آراسینداکی فرق
ک بوت دَییشدیرمهسی علاوه ائدیلیر: tr:Vikipedi:Güvenilir kaynaklar چیخاردیلیر: fr:Wikipédia:Citez vos sources#Qualité des sources |
Koroğlu (دانیشیق | چالیشمالار) ک Koroğlu moved page ویکیپئدیا:اعتبارلی منبعلر to ویکیپدیا:گئچرلی قایناقلار |
فرقیسیز
|
۸ نوْوامبر ۲۰۱۴، ساعت ۱۵:۰۰ نوسخهسی
ویکیپئدیادا مقالهلر اعتبارلی، نفوذلو و دوزلويونه شوبهه اولمايان منبعلره ایستیناد ائتمهلیدیر. بونلار اوچونجو طرف (طرفسیز) منبعلر اولارسا داها ياخشی اولار.
ایستیفادهچی ویکیپئدیيايا هر-هانسی اهمیتلی اینفورماسیيا داخیل ائتمک ایستهيیرسه، همین اینفورماسیيايا ایستینادین اولماسی و يا اعتبارلی منبعنین گؤستریلمهسی واجیبدیر. عکس تقدیرده موعيين مدتدن سونرا همین معلوماتین مقالهدن سیلینمهسی احتیمالی يوکسک اولور. متنه ایستینادلارین علاوه ائدیلمهسی ایلک نؤوبهده همین متنی مقالهيه داخیل ائتمیش ایستیفادهچینین اوزرینه دوشور، مقالهده منبعلری قصداً ساختالاشدیران ایستیفادهچینین حرکتی واندالیزم حساب اولونور. مقالهده اعتبارلی منبعلرین سايی نه قدر چوخ اولسا مقاله بیر او قدر دوزگون حساب ائدیلیر.
اعتبارلی منبعلر دئدیکده نه باشا دوشولور
مقالهده ائدیلمیش بیر ادعانی مدافعه ائتمک اوچون. بو شکیلده ایستیفاده ائدیلن قایناقلار، مدافعه ائتدیکلری نقطهیه بیرباشا اولاراق آتیفده اول/تاپیلمالیدیر.
- آکادئمیک ژورناللار و سایر آکادئمیک منبعلر؛
- ایمضالانمامیش مقالهلره موناسیبتده ایمضالانمیش مقالهلر؛
- معتبر اینفورماسیيا آگئنتلیکلری، معتبر قزئتلر و رسمی دؤولت سايتلاری؛
- علمی درجه يالنیز وئریلدیگی ساحه اوچون معتبر اولا بیلر (بو دا هر زامان يوخ).
- بئين الخالق عالمده تانینمیش و يا دؤولت اونیوئرسیتئتلرینده درس دئمیش و علمی درجهسی اولان مؤلفلرین رسمی سايتلاردا و نشرلرده اؤز ایختیساسلاری اوزوره يازیقلاری اعتبارلی منبع حساب ائدیله بیلر.
قئيد: منبعنین اعتبارلیلیغی شوبهه دوغورورسا و يا ایستیفادهچیلر آراسیندا موباهیسهيه سبب اولارسا آربیتراژ کومیتهسینه عریضه ایله مراجعت ائدیلمهلیدیر. آربیتراژ کومیتهسی گؤستریلن منبعنین اعتبارلیلیغی بارهده قرار وئردیکدن سونرا همین منبع خصوصی سیياهیيا داخیل ائدیلهرک مقالهلرده سربست ایستیفاده ائدیله بیلر.
اعتبارسیز منبعلر هانسیلاردیر
ائکسترئمیست، میللتچی منبعلردن ایستیفادهيه موسبت ياناشیلمیر. بو جور منبعلره پسئودوئلم، تفتیشچی تاریخ، شووینیست نظریهلر و اوخشارلار داخیلدیر:
- شخصی بلوقلار؛
- فوروم-سايتلار؛
- شخصی سايتلار؛
- موختلیف میللتچی پارتیيالارا مخصوص سايتلار؛
- دینین قئيری-لئقال تبلیغینی آپاران سايتلار.
هر-هانسی منبعنین اعتبارلی اولماسی حاقدا يازیلانلارا کورتبیی اینانماق اولماز. منبعده وئریلمیش مؤلفین علمی درجهسی وارسا، بو او دئمک دئيیل کی، اونون يازدیقلاری بوتون ساحهلرده اعتبارلی سايیلیر. يالنیز وئریلمیش ساحهده تانینمیش ائکسپئرتین يازدیقلاری اعتبارلی منبع سايیلا بیلر.
منبع نه زامان طلب اولونمور
1. هامیيا معلوم اولان فاکتلار بارهده منبع طلب ائتمک دوزگون دئيیل. مثلا، "باکی آذربایجانین پايتاختیدیر..." و بونا بنزر معلوماتلار اوچون منبع طلب اولونمور. 2. مقالهنین اؤزونده هر هانسی منبع گؤستریلیرسه، سوندا مقالهيه منبع طلب ائتمک دوزگون دئيیل. مثلا، اینجهسنت نومومهلری (شکیللر، هئیکللر و س.)، فیلملر و کیتابلار، کومپيوتئر اويونلاری و دیگر پروقراملار حاقیندا مقالهلره منبع طلب اولونمور. بئله کی، مقالهنین اؤزونده بو اینفورماسیيا وئریلمهلیدیر. لاکین همین مقاللهده هر-هانسی فاکت گؤستریلیرسه، همین فاکتلا علاقه دار منبع طلب اولونمالیدیر.
هر-هانسی معتبر منبع گؤستریلمهدن وئریلن ادعا شوبهه دوغورارسا، همین متنی مقالهيه داخیل ائتمیش ایستیفادهچی معتبر منبع گؤسترمهيه بورجلودور، اعتبارلی منبع گؤستریلمهدیکده ادعا مقالهدن سیلینه بیلر.
توصیهلر
- شخصلر و يا تشکیلاتلا باغلی مقالهلرده اونلارین اؤزلرینین نشر ائتدیکلری منبعلردن احتیاطلا ایستیفاده ائدیلمهلیدیر.
- اگر مقالهدکی بیر-بیرینی تکزیب ائدن معلوماتلارین هر بیری اعتبارلی منبعلره ایستیناد ائدیرسه، او زامان هر بیر معلوماتین اولینده "فیلان منبعده بئله ادعا ائدیلیر کی..." و يا "فیلانکهسین فیکرینه گؤره..." ایفادهلرین ایشلنمهسی داها دوزگوندور.
- منبعنین اعتبارلیلیغی موباهیسه دوغورورسا منبعلرین قیيمتلندیریلمهسی صحیفهسینده موزاکیره اولونمالی و يا آربیتراژ کومیتهسینه مراجعت ائدهرک منبعنین اعتبارلی حساب اولوب-اولماماسینی دقیقلشدیرمک لازیمدیر.
منبعنین سیلینمهسی
اعتبارلی منبع مقالهدن اساسسیز اولاراق سیلینرسه و سیلینرکن هئچ بیر سبب گؤستریلمزسه، بو فعالیت واندالیزم حساب ائدیلیر. بو زامان ایستیفادچییه خبردارلیق ائدیلمهلی و ایستیفادچی اعتبارلی منبنی نه اوچون سیلدیگینی موطلق ایضاح ائتمهلیدیر. اعتبارلیلیغی شوبهه دوغوران منبع اعتبارلی منبعلر ایله تکزیب ائدیلیرسه بو منبع ائرتیبارسیز حساب اولوناراق مقالهدن سیلینه بیلر. دینی و ایرقی آیریسئچکیلییه، میللتلر آراسیندا اداوتین یارانماسینا و قیزیشدیریلماسینا خیدمت ائدن ایستنیلن یازی منبع ایله بیرلیکده مقالهدن سیلینمهلیدیر. شخص حاقیندا یازیلانلار همین شخصین تحقیر اولونماسینا و آلچالدیلماسینا یؤنلیبسه، او زامان همین معلوماتلارین و منبعنین مقالهدن سیلینمهسینه ایجازه وئریلیر.
مؤلفین یازدیقلاری نه زامان اعتبارلی حساب ائدیلیر
هر-هانسی مؤلفین یازیلارینی اعتبارلی منبع کیمی ایستیفاده ائتمک اوچون آشاغیداکی شرطلر اؤدنمهلیدیر: مؤلفین وئریلمیش مؤوضو عذره یازیلاری اعتبارلی ژورناللاردا چاپ اولونمالیدیر؛ تانینمیش عالیم و متخصصلرین مؤلف حاقیندا فیکیرلری اؤیرنیلمهلیدیر؛ دیگر اعتبارلی مؤلفلر آراشدیریلان منبعیه و مؤلفه ایستیناد ائتمهلیدیرلر؛ مؤلفین وئریلن مؤوضو ایله علاقهدار علمی درجهسی اولمالیدیر.