اولوس‌لارآراسی سسچیل الیفبا

ویکی‌پدیا، آچیق بیلیک‌لیک‌دن

اۇلۇس‌لارآراسؽ سسچیل الیفبا (اینگیلیسجهده : International Phonetic Alphabet) لاتین الیفباسی اۆزره قوْنۇشما سس‌لرین کاغؽزدا یازماق اۆچۆن بیر الیفباسل قۇرۇلۇش دۇر. بۇ قۇرۇلۇش آغؽزلا سؤیله‌نن سس‌لری گؤرستمگی ایستاندارلاشدؽرما اۆچۆن اۇلۇس‌لارآراسؽ فوْنئتیک توْپلانتؽسؽنؽن الیله یارادؽلمؽشدؽر. اۇلۇس‌لارآراسؽ سسچیل الیفبا یا آی‌پی‌ائی سؤزلۆک‌یازان‌لارؽ، یاد دیلی اؤیرنن‌لری و اؤیردن‌لری، دیلچی‌لری، دانؽشما پاتوْلوْژیست‌لری، مۆغننی‌لری، تئاتر و سینئمادا نقش اوْینایان‌لارؽ، دیل یارادان‌لارؽ و دیلمانج‌لارؽ فایدالاندؽرا بیلر.

سسچیل الیفبا قوْنۇشمانؽن آغؽزلا سؤیلنن بؤلۆمۆنده اؤزللیک‌لری گؤرستمک آماجؽ ایلا دۆزلمیش‌دیر یانؽ : فوْن‌لار، فوْنئم‌لر، توْنلاما، سؤزجۆک‌لرین آیرؽلؽغؽ و هیجالارؽن آیرؽلؽغؽ.[۱] دیش‌قؽجؽرتؽسؽ، فؽسؽلتؽلؽق(پلتک قوْنۇشما) و دوْداق-داماق یارؽغؽندان چؽخان سس‌لر کیمی قوْنۇشمانؽن باشقا اؤزللیک‌لرین گؤرستمگه اۇلۇس‌لارآراسؽ سسچیل الیفبانؽن گئنیشلندیریلمه‌سی آدلانان گئنیشلندیریلمیش سیمگه کۆمه‌سیندن یارارلانماق اوْلار.[۲]

قایناق‌لار[دَییشدیر]

  1. International Phonetic Association (IPA), Handbook.
  2. MacMahon, Michael K. C. (1996). "Phonetic Notation". In P. T. Daniels and W. Bright (eds.). The World's Writing Systems. New York: Oxford University Press. pp. 821–846. ISBN 0-19-507993-0.