ایمام رضا
علی بن موسی (امام رضا، ابوالحسن، ابوعلی، صابیر، زکی، ولی، وفی، صدیق، رضی، شمس‌الشموس، معین‌الضعفا و الفقرا، غریب‌الغربا، سیراج‌الله، نورالهدا، قره‌عین‌المومنین، مکیده‌المولححیدین، کفوالملیک، رب‌السریر، ریاب‌التدبیر، شمس‌الطوس، مارال ضامینی، عالم آل‌محممد، ثامین‌الحوجج) شیعهلرین سککیزینجی ایمامیدیر کی ۱۴۸اینجی هیجری ایلینین رمضان آیینین ۱۹اونجو گونونده مدینه شهرینده آنادان اوْلوبدور. اونون آتاسی کاظم -شیعهلرین یئددینجی امامی- و آناسیدا ام‌البنین‌دیر. ایرانین رضوی خوراسان اوستانینین مرکزی -مشهد شهری- ایمام رضانین مقبره‌سینی اؤزونده یئرلشدیریب و ایلده چوخلو زاییرلری اؤزونه جذب ائدیر.
علی ابن موسی الرضا | |
|---|---|
 | |
| دوغوم | ذی القعده آیندا ۱۴۸ جو قمری ایلده |
| اؤلوم | صفر آیندا ۲۰۳ جو قمری ایلده |
| اؤلوم سببی | زهیر نن مسموم اولماق |
| والیدین(لری) |
|
ایمامت[دَییشدیر]
ریضا آتاسی -کاظیم- اوله‌ندن سوْنرا، ۲۰ ایل موددتینده ایمامت ائتدی کی اونون ۱۷ ایلی مدینه‌ده و اوچ ایلیده خوراساندایدی. او مدینه‌ده صادیقین عئلمییه حوزه‌سینین تکمیلینده چالیشدی و چوخلو اویرنجیلری تربییه ائتدی. او هارون‌الررشید و مأمونون خیلافتلری دووره‌سینده یاشاییردی. مأمون کی ایرانلیلارین شیعه اماملارینا اوْلان علاقه‌لرینی گوردی، رضانی جبریله مدینه‌دن خوراسانا گتیریب، اوز ویلایتعهدی عونوانیندا ائعلان ائتدی.
ویلایتعهدلیق[دَییشدیر]
مأمونون دستوریله اونون حوضوروندا بیر پارا موناظیره‌لر برپا اولدی. بۇ موناظیره‌لرین بیرینده، ریضا آیری مذهبلرین عالیملریله دانیشیغا مشغول اولدی. هربذه اکبر (زرتوشتی)، رأس‌الجالوت (یهودی)، جاثلیق (مسیحی) و عمران (صاییبی) رضایله اوْلان موناظیره‌ده، رضانین عقیده‌لر و سوزلرینه مغلوب اوْلوب، مسلمان اوْلدولار.
حدیثلر[دَییشدیر]
رضادان چوخلو حدیثلر نقل اوْلوبدور کی اونلارین ان اونملیسی «سلسله‌الذهب» حدیثیدیر کی او نئیشابوردان گئده‌نده اونو دئدی: «منه آتام کاظم آتاسیندان صادق آتاسیندان باقر آتاسیندان سجاد آتاسیندان حسئین آتاسیندان علی دئدی: عزیزیم و گوزلریمین ایشیغی، محمد دئدی: جبرییل منه دئدی ائشیدیب که آلله بویورور: لااله‌الاالله کلمه‌سی منیم داواملی قالامدیر، پس هرکس اونا داخل اولسا، منیم عذابیمدان آماندادیر». رضا بیر نئچه قدم حرکت ائدیب، سوْنرا قاییدیب دئدی: شرطلریله و منده او شرطلردن بیری‌ام».
قایناق‌لار[دَییشدیر]
- اینگلیسجه ویکی‌پئدییا
- ایرانیکا ائنسیکلوپئدییاسی Archived 2011-08-05 at the Wayback Machine.