ایمام عسکری (ع)

ویکی‌پدیا، آچیق بیلیک‌لیک‌دن
پرش به ناوبری پرش به جستجو

‎‎

ایمام هادی و ایمام عسکرینین حرملری.
۱۹۱۶ اینجی ایلده سالینمیش عکس.
حرمین تخریبی.

حسن بن علی (ایمام حسن عسکری، ابومحمد، هادی، ابن‌الرضا و زکی) شیعه‌لرین اون‌بیرینجی ایمامیدیر کی ۲۳۲ اینجی هیجری ایلینین ربیع‌الثانی آیینین سککیزینجی گونونده مدینه شهرینده آنادان اولوبدور. اونون آتاسی ایمام هادی -شیعه‌لرین اونونجو ایمامی- و آناسیدا ام‌ولدی (حدیث، سوسن و سلیل) ایدیر.

یاشاییش[دَییشدیر]

ایمام عسکری اوچ عباسی خلافتی ائیله هم‌دووره‌یدی. معتز عباسی، مهتدی عباسی و معتمد عباسی بو خلیفه‌لریدیرلر. او ۲۵۴ اینجی هیجری ایلینده ایمام هادینین شهادتیندن سونرا، ۲۶۰ اینجی ایله‌جن -۶ ایل مودتینده- ایمامت ائتدی. عباسی خلیفه‌لری، ایماملار هادی و عسکرینی سامرادا اؤز عسکرلرینین یانیندا موحافظیتده ساخلامیشدیرلار و بوناخاطیر، بو ایکی ایمامی «عسکریلر» آدلاندیریبلار. خلیفه‌لر بیلیردیرلر کی حضرت مهدی (عج) عسکرینین اوغلودور و بو دلیل اوچون، اونو محدودیتده ساخلاییب و چوخلو زامانلار حبسه محکوم ائتمیشدیرلر.

اؤیرنجیلر[دَییشدیر]

ایمام عسکرینین ۱۰۰دن آرتیق اؤیرنجیسی واریدی کی ابوعمر عثمان بن سعید عمری (حضرت مهدینین بیرینجی ناییبی)، احمد بن اسحاق قمی، ابراهیم بن مهزیار، ابوهاشم داوود بن قاسم جعفری، محمد بن حسن صفار، محمد بن عثمان بن سعید عمری (حضرت مهدینین ایکینجی ناییبی)، عبدالله بن جعفر حمیری، احمد بن محمد بن مطهر، ابوسهل اسماعیل بن علی و محمد بن صالح بن محمد همدانی، اونلارین ان اؤنملی و آدلیملارینداندیرلار.

شهادت[دَییشدیر]

ایمام عسکری سونوندا ۲۶۰ اینجی هیجری ایلینین ربیع‌الاول آیینین سککیزینجی گونونده -۲۹ یاشیندا- معتمد عباسی دستوریله مسموم اولونوب و شهادته چاتدی. اونون جنازه‌سی سامرادا آتاسی -ایمام هادی-نین قبرینین یانیندا تورپاغا تاپیشیریلدی. ایمام عسکرینین شهادتیندن سونرا، ایمامت باره‌سینده شیعه‌لرین آراسیندا ایختیلاف ایجاد اولدو. بیر سیرا دئییردیلر کی او عوروج ائدیبدیر و قاییداجاغدیر. بیر سیرا دئییردیلر کی اونون قارداشی -جعفر- ایمامته چاتیبدیر. آما اون‌ایکی‌ایمامی شیعه‌لرین عقیده‌سینه، حضرت مهدی (عج) آتاسینین جنازه‌سینین اوستونده ناماز قیلیب و اوز ایمامتینی هامییا اعلان ائتدی.

قایناق‌لار[دَییشدیر]