بولت بیرلشمه سی

ویکی‌پدیا، آچیق بیلیک‌لیک‌دن
پرش به ناوبری پرش به جستجو
آلتی تیللی بیرلشمه سی

بولت بیرلشمه سی ایکی و داها آرتیق ماشین حیصّه‌لرینین برکیدیلمه سینه خیدمت ائدیر. بیرلشمه ده تطبیق اولونان بولتون اساس حیصّه‌سی اوزه رینده موختلیف ییو (yiv) پروفیل لری اولان سیلیندریک گؤوده دن و باشلیقدان (فارسجا: پیچ و مهر) ایعبارت دیر. ییو حیصّه‌سی قایکانی باغلاماق اوچون ، باشلیق ایسه بیرلشمه زامانی دایاق رولونو اویناییر و آچار توتماغا خیدمت ائدیر.

بولت لارین کونستروکتیو (konstruktiv) پارامترلری استاندارت لاشدیریلمیش دیر. ان گئنیش یاییلمیش 6 تیللی بولت لار دیر. بیرلشمه نی حیاتا کئچیرمک اوچون حیصّه‌لرده دئشیک آچیلیر. بو زامان بولت لا حیصّه آراسیندا بوشلوق نظرده توتولور. بو بوشلوغون قیمتی بیرلشمه نین دقیق لییین دن (dəqiqliyindən) آصیلی اولاراق تعیین ائدیلیر.

بیرلشمه نی حیاتا کئچیرمک اوچون بولتون اوج حیصّه‌سینه قایکا باغلانیر. قایکا اورتا حیصّه‌سینده ییولی (yivli) دئشیک اولان برکیدیجی الئمنت دیر. اونلار موختلیف فورمالارا مالیک دیر لر. ان گئنیش یاییلمیش فورماسی 6 تیللی دیر. بیرلشمه یه دوشن یوکون بیر حیصّه‌سینی قایکا داشیییر . بورادا اونون هوندورلویو اساس رول اویناییر. قایکانین هوندورلویو (m) ییوین خاریجی دیامتریندن (d) تجروبه لر اساسیندا معین اولونموش آصیلی لیق لا حسابلانیر. m=0,8 d.

بیرلشمه ده حیصّه‌لرین دئفورماسیاسینین و اؤز – زؤونه آچیلمانین قارشیسینی آلماق اوچون حلقه لردن ایستیفاده اولونور.

بیرلشمه ده تطبیق اولونان حیصّه‌لر – بولت ، قایکا و حلقه نین ماتریال لاری تطبیق ساحه سیندن آصیلی اولاراق لئگیلرلی (legilrli) پولادلاردان حاضیرلانیر (ISO 898/1-78).

ایش زامانی اطراف محیطین تاثیریندن باش وئره بیله جک آشینمانین () قارشیسینی آلماق اوچون بولت بیرلشمه سینین حیصّه‌لرینه الوان متال قاریشیق لاریندان ایعبارت (میس ، نیکل ، کروم (xrom) و غیره ) اوز چکیلیر.

قایناق‌لار[دَییشدیر]