زاهرا

ویکی‌پدیا، آچیق بیلیک‌لیک‌دن
(ظاهرا-دن يوْل‌لاندیریلمیش)
پرش به ناوبری پرش به جستجو

زاهرا کندی (زهرا-ظاهرا) گئرمی (موغان) بولگه سی نین، موران بولومو و دوغو اوجارود قصبه سی نده یئرله شیب. بۇ کند دوغو اوجارود بؤلگه سی نین مرکزی دیر.[۱]

زاهرا کندی‌نین آدی[دَییشدیر]

بو کندین آدی ظاهیر علی آدلی بیر کیشی‌نین آدیندان توتولوب. بۇ کیشی زاهرا کندی‌نین داش قویانی اوْلوب. رسمی آدی یانلیش اولاق "زهرا" صورت‌ده یازیلیر .[۱]

ظاهیر علی كیشی‌نین طاهیر آدیندا بیر اوْغلو واریمیش ‘ طاهیرینده ایكی اوغلو واریمیش بیری نین آدی ایمانعالی ( ایمان‌علی ) او بیریسی‌نین آدی ، " هیممت " سوْنرالار ایمانعالی مككه‌یه گئدیر و اولور حاجی ایمانعالی. زاهراكندی‌نین یوخاری باشلی‌لاری حاجی ایمانعالی و آشاغا باشلی‌لاری هیممت نسلیندندیر.

جوْغرافیایی موقئع[دَییشدیر]

شابلون:Mənbəsiz زاهرا (زهرا) كندی گئرمی شهری‌نین 30 كیلومئتر دوغوسوندا یئرلشیب‌دیر، گئرمی‌دن بۇ كند و موران منطقه‌سی‌نین باشقا كندلرینه او جومله‌دن توریستی " افجه " كندینه قدر آسفالت یول چكیلمیش و گل - گئت ایرتباطی یول‌لاریندا چتینلیگ یوخ‌دور . گئرمی - موران نورمال یولوندان علاوه سرحد یولو آدی ایله قوزئی آذربایجانلا گونئی آذربایجان آراسیندا سینیر قیراغی چكیلن آسفالت یول‌دا، موران منطقه‌سی‌نین قوزئی آذربایجان سرحدینه یاپیشیق كندلرین ارتباطینی دا گئرمی شهری‌ایله آسانلاشدیریر. زاهرا كندی‌نین ، تقریبا 2 كیلومئتر ، قوزئیی آذربایجان سینیری‌ایله آراسی وار، لاكین قوزئی آذربایجان كندلری زاهرا كندیندن راحاتلیق‌لا گؤرونور. زاهرا كندی و گئنل‌لیكله موران منطقه‌سی‌نین كندلری خزر دنیزینه نیسبتن یاخین اولدوق‌دا بورانین ایللیگ یاغیشی آذربایجانین باشقا یئرلریندن چوخ‌دور و بۇ منطقه‌ده دئم صورتینده اكیلن بوغدا، آرپا، مرجی و ... سولو یئرلره اكیلن بوغدا و آرپایا مقدارینا یاخین بول محصول وئریر .

اهالی[دَییشدیر]

زاهرا كندی، 1385 اینجی ایلین نوفوس سایی‌سی اساسیندا، 161 نفر اهالی‌سی وار. بۇ كندین اهالی‌سی تورك دورلر و آذربایجان تورکجه‌سینده دانیشیرلار.[۲][۳] . 1345-جی هجری شمسی ایلیندن بۇ طرفه زاهرا كندیندن چوخلو عاییله‌لر و گنج‌لر ایش‌سیزلیك نتیجه‌سینده تهران ، مازندران، گیلان و باشقا فارس شهرلرینه كوچموش‌لر و ایندی ائولنمیش عاییله‌لرین اوشاق‌لاری و سوبای گنج‌لرین اؤزلری كؤچدوكلری شهرلرده ائولنمیش و عاییله قورموش‌لار كی، ایندی اونلارین سایی بۇ گونكو زاهرا كندینین نوفوسوْنون اوچ برابری اولار.

ایقتیصادیات[دَییشدیر]

بو کندین اهالی‌سی اکینچیلیک و مال داوارچیلیق‌لا یاشاییش سورورلر. اونملی محصول‌لاریندان بوغدا و آرپانی آد آپارماق اولار.[۱]

گزمه‌لی و گورمه‌لی یئرلر[دَییشدیر]

زاهرا (رسمی دولت دفترینده "زهرا" ) كندی‌نین و یا داها دوغروسو موران بؤلگه‌سی‌نین مركزی ساییلان زاهرا منطقه‌سی‌نین گؤرمه‌لی یئرلریندن بیری زاهرا كندی‌نین ایكی كیلومئتر قدری باتی‌سیندا یئر‌لشن "سالالا" (دولت دفترینده سلاله)كندیندن آد چكمك اولار؛ سالالا كندی نین گون چیخانیندا تاریخی بیر تپه‌وار بۇ تپه‌نین قازیلماسی دؤولت طرفیندن یاساق‌دیر، بۇ تپه‌دن ایندیه كیمی چوخ‌لو تاریخی اثرلر او جومله‌دن نئچه مین ایل قاباغا عایید اوْلان پارچا نوعی تاپیلمیشدیر. عئینی حال‌دا بۇ كندین گونئی‌ینده (جنوبوندا) یئر‌لشن اسكی " سو ده‌ییرمان "لارین اثرینی ده گؤرمك مومكون‌دور كی، كئچمیشده سالالا چایی نین سویو ایله ایشله‌ییرمیش لاكین یئنی تكنولوژی ایله چیخان "اود ده‌ییرمان "ی چیخاندان سوْنرا بۇ ده‌ییرمان‌لار داها ایش‌دن دوشموش‌لر. سالالا كندیندن علاوه زاهرا كندی‌نین تقریباً 3 كیلومئتر گونئیینده یئر‌لشن و چوْخ صفالی طبیعت منظره‌سی اولان "افجه " كندی گؤرمه‌لی و طبیعت گؤزل‌لیكلریندن فایدالانمالی كنددیر، افجه كندی‌نین منظره‌سی اردبیلین " حئیران " منظره‌سینی موران‌لی‌لارا جانلاندیریر.

بیرده باخ[دَییشدیر]

خاریجی کئچیدلر[دَییشدیر]

قایناقلار[دَییشدیر]

  1. ۱٫۰ ۱٫۱ ۱٫۲ پژوهشی در جغرافیای مغان، سید محمد ابراهیمی، انتشارات نیک آموز 1385
  2. ایرانین آمار مركزی؛ 1385 اینجی ایلین نوفوس سایی سی
  3. اردبیل اوستانینین پورتالی