ایمام باقر
محمد بن علی (ایمام باقر، محمدباقر، باقرالعلوم و ابوجعفر) شیعهلرین بئشینجی ایمامیدیر کی ۵۷ اینجی هیجری ایلینین رجب آیینین اولینده آنادان اولوبدور. اونون آتاسی ایمام سجاد -شیعهلرین دؤردونجو امامی- و آناسیدا فاطمه -ایمام حسن(ع)ین قیزی-دیر.
سونوندا ایمام باقر ۱۱۴ اینجی ایلینین ذی‌الحجه آیینین یئددینجی گونونده -بیر حالداکی ۵۷ یاشی واریدی- هشام بن عبدالمکین دستوریله مدینه شهرینده مسموم اولونوب و شهادته چاتدی. اونون مقبره‌سی بۇ شهرین بقیع قبریستانیندا و ایمام حسن -شیعهلرین ایکینجی امامی- ایمام سجاد(ع) -اونون آتاسی- و ایمام صادق(ع) -اونون اوْغلونون- قبرلرینین کناریندادیر.
اؤیرنجی‌لر
[دَییشدیر]ایمام باقر و اونون اوْغلو -ایمام صادقین- دؤره‌سین‌ده، اموی حوکومتینین سوستالماسینا گؤره، اونلار ائلییه‌بیلدیلر بؤیوک علمی حوزه‌لر تأسیس ائدیب و چوخلو اؤیرنجیلری تربیت ائدسینلر. ایندیلیغدا شیعه‌نین حدیثلرینین چوخو ایماملار باقر و صادقدندیر.
جابر بن حیان، محمد بن مسلم، عبدالمک بن خالد، برید بن معاویه، ابوخالد کابلی، فضیل بن یسار، ابوالصباح کینانی، حماد بن ابی‌سلیمان، داوود بن ابی‌هند، محمد بن اسحاق، میمون قداح، معروف بن خرربوذ و عبدالله بن عطا، ایمام باقرین ان اؤنملی و بؤیوک اؤیرنجیلریندندیرلر.
ائولادلار
[دَییشدیر]ایمام باقرین یئددی ائولادی واریمیش کی اونلارین بئشی اوغلان و ایکیسیده قیزیمیشلر. ایمام صادق (شیعهلرین آلتینجی ایمامی)، عبدالله، ابراهیم، عبیدالله و علی اونون اوغلانلاری و زینبیله ام‌سلمه‌ده اونون قیزلاریدیرلار. البته بعضیلرین عقیده‌لری اساسدا، ایمام باقرین تکجه آلتی ائولادی واریمیش و اونون عبیدالله آدیندا اوْغلو یوخوموش. بیر سیرانیندا نظرینه، اونون تکجه بیر قیزی واریمیش کی ایکی آدی (زینب و ام‌سلمه) واریمیش.