گلوبال مؤقعیت تعیین ائتمه سیستمی

ویکی‌پدیا، آچیق بیلیک‌لیک‌دن

گلوبال مؤقعیت تعیین ائتمه سیستمی (اینگیلیسجه : GPS- Global Positioning System) دونیا اوزره تطبیق اولونان ناویگاسیا (فارسجا: ناوبری) سیستم دیر. بو ایلک دفعه اولاراق 1980- جی ایلده آمریکا مدافعه ناظیرلییی طرفیندن (NAVSTAR-GPS) موقعیت تعیین ائتمه و واخت اؤلچومه اوچون یارادیلیب اینکیشاف ائتدیریلمیشدیر.

NAVSTAR-GPS – سیستمینین تطبیقی ایله آمریکا دنیز دونانماسی اوچون تعیین اولونموش کهنه NNSS (ترانزیت) و اتم بومبالارینین یئرینه تعیین ائتمه سیستمی وئلانی () عوض ائتدی.

NAVSTAR- GPS (اینگیلیسجه : Navigational Satellite Timing and Ranging - Global Positioning System ) رسمی اولاراق 17 اییول 1995 – جی ایلدن ایستیفاده اولونماغا باشلامیشدیر.

حال حاضیردا موبایل تلفون لارین ایشلنمه سینده ده GPS سیستم لردن ایستیفاده اولونور.

بو سیستمین ایشلمه پرینسیپی دایمی اولاراق موقعیتینی دییشن و دقیق واخت وئرن پیک لرله اساسلانیر. بو پیک لرین سیگنال لاری اساسیندا GPS قبول ائدیجی اؤز موقعیتینی و سرعتینی تعییین ائده بیلیر.نظری اولاراق بونون اوچون 3 پیک دن گلن سیگنال کیفایت ائدیر. پراکتیکدا GPS قبول ائدیجی لرین اؤز ساآت لاری اولمور. اونا گؤره ده بورادا دؤردونجو پیک دن ایستیفاده ائدیلیر کی ، قبول ائدیجی اوچون دقیق ساآت تعیین ائتمک مومکون اولسون.

GPS سیستم لریندن حرکت ائدن اوبیئکتین (obyektin) موقعیتی ، سرعتی و حتی حرکتی ایستیقامتینی تعیین ائتمک مومکوندور.