قابریئل قارسیا مارکز

قابریئل قارسیا مارکز
آد	گابریل گارسیا مارکز
قیسا بیلگی	نوبل اؤدواونو قازانمیش یازیچی،‌ 1982
میللیت	کلمبیا
آیری آدلار	گابیتو

گابریل خوزه گارسیا مارکِز (اسپانیولجا: Gabriel José García Márquez)‏ (دوغوم ۶ مارس ۱۹۲۷ کلمبیادا اولان سانتامارا بولگه‌سی‌نین آرکاتاکا کندینده) کلمبیالی یازیچی، ژورنالیست و سیاسی فعال‌دیر. او لاتین آمریکالیلارین یانیندا گابیتو (چیککیلی گابریل) آدی‌لا تانینیر. بو گونوموزده مکزیک‌ده یاشاییر.

حیاتی و فعالیتلری

گابریل خوزه گارسیا مارکِز 6 مارس 1927–جی ایلده کوْلومبیيانین آراکاتاکا کندینده تلگرافچی عاییله‌‌سینده آنادان اوْلموشدور. عاییله‌‌ده اوْلان 16 اۇشاقدان ان بؤيوگو ایدی. مارکز بالاجا اوْلارکن والیدين‌لری باشقا شهره کؤچموش، نتیجه‌ده اوْنلار اؤز اؤولادلارینی باباسی پوْلکوْونیک نیکوْلاس ریکاردوْ مارکز مئخیا ایقوارانین يانیندا قوْيموشلار. 1899-1903-جۆ ایللرده وطنداش مۇحاریبه‌‌سینده ایشتیراک ائتمیش بۇ شخص آرتیق تقاعد آلیردی.

1936–جی ایلده 18 ياشلی گنج باباسی اؤلدوکدن سوْنرا آراکاتاکا کندینی ترک ائدیر و اینتئرناتدا اوْخوماق اۆچون ساپاکیری شهرینه گئدیر. ساپاکیریده اوْلارکن اوْ، ایلک دفعه‌‌ يازماغا باشلايیر. 1940–1942–جی ایللرده باررانکیادا سان خوْزه آدلانان مکتبده تحصیلینی داوام ائتدیریر. ایلک اثرینی ایسه مکتبین قزئتی اۆچون قلمه آلیر.

1941-جی ایلده ایلک یازیلارین دبیریستان اویرنجی‌لرینه باغلی اولان خوونتود آدلی بیر گونده‌لیکده یاییر.

1942-جی ایل یئنی‌دن بارانکیادا اولان سان خوزه دبیریستانینا قاییدیر و یئنه‌ده یازیلارین خوونتوددا یایماغا داوام ائدیر.

1943–جو ایلده تحصیلی ایل قورتاراندان سونرا، بوگوتایا گئدیر و بو شهرده بورسیه اولماق اوچون بیر سیناق‌دا شیرکت ائدیر. همین ایل مارس آیینین 8 اینده باشکندین 50 کیلومئترلیگینده اولان زیپاکوئیرا آدلی دولتی دبیریستانا گیریر. همین دبیریستاندا مارکز لیتراتورا آدلی درگی‌نی یایماقلا اوز ادبی قودرتین اوبیری اوخول‌داشلارینا گوستردی. بیر درگی‌دن تکجه بیر سای یاییلدی.

1947-جی ایلده مارکز بوگوتا بیلیم‌یوردوندا حقوق اوخوماقلا مشغول اولور. هئچ یازی یازماماغینا باخمایاراق هفته‌لیک درگی‌سی اولان رازون‌ین بیلیم یوردسل علاوه‌سینین سوروملوسو اولور.

اثرلری

رومانلار

• آرزوائدیلمز ساعات (isp. La mala hora) (1959)
• یوز ایللیک یالنیزلیق (isp. Cien años de soledad) (1967)
• پاتریارخین پاییزی (isp. El otono del patriarca) (1975)
• گؤزله‌نیلن بیر قتلین گئچمیشی (isp. Cronica de una muerte anunciada) (1981)
• طاعون خسته‌لیگی زامانی سئوگی (isp. El amor en los tiempos del cólera) (1985)
• اؤز لابیرینتینده اولان ژنرال (isp. El general en su laberinto) (1989)
• حوزونلو فاحیشه‌لریم (isp. Memoria de mis putas tristes) (2004)