ائلمیرا عباسوا
| ائلمیرا عباسوا | |
|---|---|
| آد | ائلمیرا عباسوا |
| قیسا بیلگی | تانینمیش موسیقیشوناس |
| دوْغوم تاریخ | ۱۰ ژانویه ۱۹۳۲ باکی |
| اؤلوم تاریخ | ۱۲ فوریه ۲۰۰۹ باکی |
| آیری آدلار | Elmira Әbdülhәmid qızı Abasova |
| تحصیل | موسیقیشوناسلیق پروفسورو |
ائلمیرا عبدول حمید قیزی عباسوا (دوغو: ۱۰ ژانویه ۱۹۳۲، باکی - اؤلوم: ۱۲ فوریه ۲۰۰۹، باکی) [۱][۲]– آذربایجانین امکدار اینجه‌صنعت خادیمی، پروفئسور، صنعتشوناسلیق نامیزدی، - قیرمیزی امک بایراغی اوردئنی ایله (1981)، تحصیل ناظیرلیگی‌نین فخری فرمانی و مئدال‌لارلا تلطیف ائدیلمیشدیر. ائلمیرا 1932-جی ایل ژانویه‌نین 10-او باکیدا آنادان اولموشدور. 1955-جی ایلده تحصیلینی آذربایجان دولتی کونسیرواتور (ADK) موسیقیشوناسلیق ایختیصاصی اوزره بیتیرمیش، همین ایلدن ایندیه‌دک کونسئرواتوریادا پئداقوژی چالیشما گؤستریر.[۳]
آکادمیک چالیشمالار
[دَییشدیر]1967-جی ایلدن دوْسئنت (اوستادیار)، 1980-جێ ایلدن ایسه پروْفسوْردور(اوستادتمام). اوْنلارلا ماذون (فارغ‌التحصیل)-مۇسیقیشوناس، 8 صنعتشوناسلیق نامیزه‌دی يئتیشدیرمیشدیر.
1962-جی ایلده موْسکوا عۆموم‌ایتیفاق صنعتشوناسلیق اینستیتوتوندا «اۆ.حاجی‌بَي‌اوْفون اوْپرا و مۇسیقیلی کوْمئدیالاری» مؤوضوعسوندا نامیزدلیک دیسئرتاسياسینی (پایان‌نامه‌سین) مۆدافیعه ائتمیشدیر.
1977-91-جی ایللر عرضینده ADK رئکتوْرو وظیفه‌سینده ایشله‌میشدیر.
1984-جۆ ایلده ش. محمدوا آدینا اوْپرا استودیياسی‌نین اینشاسینی (تیکدیرمه‌سینی) باشا چاتدیرمیشدیر.
1958-جی ایلدن – آز. بسته‌کارلار ایتفاقی‌نین (فا: اتحادیه آهنگسازان آذربایجان) عوضوو، 1962-جی ایلدن – مۇسیقی تنقیدی بؤلمه‌سی‌نین صدری، 1975-1999-جۇ ایللر – آز. بسته‌کارلار اتفاقی‌نین کاتیبی، اوْ جۆمله‌دن سسری بسته‌کارلار ایتفاقی ایداره هئيتی‌نین عضوودور.[۳]
یارادیجیلیق
[دَییشدیر]يارادیجیلیغی‌نین اساس و واجیب ساحه‌سی علمی-تدقیقات ایشلریدیر. علمی تدقیق ساحه‌سی‌نین مرکزی حیصه‌سی اۆزئيیر حاجی‌بَي‌اوْف‌ا حصر اوْلونموشدور. بسته‌کار حاقیندا 5 کیتاب و بروْشور، بیر چوْخ ژۇرنال و توْپلولاردا نشر اوْلونموش، اوْنلارلا مقاله و اوْ‌چئرکلر (مقاله‌لر) يازمیشدیر.
ایکینجی جنبه– ق. قارايئو يارادیجیلیغیدیر. بۇ ساحه‌ده ائ. عباسوْا بسته‌کارین اۆسلوبونون اؤزونه‌مخصوص میلّی خۆصوصيتلرینی آچمیشدیر.
اۆچونجو جنبه– آذربایجان مۆعاصیر مۇسیقی اینجه‌صنعتی‌نین تاریخی اینکیشاف يوْللاریدیر.
دؤردونجو جنبه– آذربایجان مۇغامیدیر. اوْنون اؤيره‌نیلمه‌سی پروْسئسینده مۇسیقیشوناس، پروْفسوْر ائ. عباسوْا بۇ ژانرین بدیعی-ایجتماعی فۇنکسیالارینی، اوْنون اساس اۆسلوب خۆصوصيتلرینی و آذربایجان بسته‌کارلاری‌نین يارادیجیلیغیندا تجسسومونو آچمیشدیر.
اۆ.حاجی‌بَي‌اوْف حاقیندا ایلک دوْلغون بیبلیوْقرافيا ائ. عباسوْوانین رهبرلیگی آلتیندا يارانمیشدیر. اوْ، «очерки музыкального искусства советского азербайджана» (ق. قاسیموْو ایله بیرگه (باکی، 1961-جی ایل)، «узеир гаджибеков» (باکی، 1975)، «узеир гаджибеков. путь жизни и творчество» (باکی،1985)، «о новаторских принципах и творчестве кара караева» (باکی، 2000 ایل.) و ب. کیتابلارین، بیر سێرا مقاله، اوْچئرک، معروضه‌لر و س. مۆلیفیدیر.[۳]
باشقا اثرلری
[دَییشدیر]ائلمیرا عباسوا آذربایجان تورکجه‌سینده و روسجادا چوخلو کیتابلار یازیبدیر:
- جودت حاجی‌یف - ۱۹۶۷
- رئوف حاجی‌یف - ۱۹۶۷
- سعید رستموف - ۱۹۷۳
- دایرةالمعارف عزیر حاجی‌بیف - باتی/دوغو- ۲۰۰۷
قایناقلار
[دَییشدیر]- ^ Nailə RƏHIMOVA. (آذربایجان تورکجه‌سی) YARADICI ÖMÜR. Musiqi dunyasi magazine. یوخلانیلیب 15 May 2012.
- ^ Lachin Sultanova (13 Feb 2009). (اینگیلیسجه) Former rector of Baku Music Academy dies. Azeri-Press Agency (APA). یوخلانیلیب 15 May 2012.
- ^ ۳٫۰ ۳٫۱ ۳٫۲ musakademiya.musigi-dunya.az. (آذربایجان تورکجه‌سی) Elmira Əbdül Həmid qızı Abbasova. Baki Musiqi Academiyasi. یوخلانیلیب 15 May 2012.