تبریز قاپیلاری
تبریز شهری‌نین اسکی قاپاچیقلاری قدیم زامانلار ۹ قاپاچیق تبریز شهریندن آچیلاردی. اسکی زامانلاردا تبریزین دؤوره‌سی دووارلانمیشدی. شهر دووار آراسیندا قورولوب ۹ قاپاچیق اونا آچیلاردی.
- ۱-سورخاب یا عینالی قاپیسی
- ۲-باغمئشه قاپیسی
- ۳- خیاوان قاپیسی
- ۴-نوبر قاپیسی
- ۵-میارمیار قاپیسی
- ۶-گجیل قاپیسی
- ۷-ایستامبول قاپیسی
- ۸-دوه‌چی قاپیسی
- ۹-شام قازان قاپیسی (ورجی قاپیسی)
ایندی بو قاپیلاردان خیاوان قاپیسی، گجیل قاپیسی، ایستامبول قاپوسو، باغمئشه قاپیسی و نوبر قاپیلاری قالیرلار و باشقا قاپیلاردان تکجه آدلاری قالیر، امّا تبریز بلدیه مسؤللاری سؤز وئریبلر کی گلن ایللرده بو قاپیلاری دا ایحیا و مرمّت ائله‌سینلر.
کره‌نی
کره‌نی یا قره‌نی قاپیلاری آچیب- باغلاماق اۆچون چالیناردی. آخشام چاغی آخشام اذانی کره نی چالینیب و قاپیلار باغلانیردی. سحر اوباشدان و صبح اذانی کره نی چالینیب و قاپیلار آچیلاردی. تبریز بازاریندا کره‌نی‌خانا قورولموشدو. کره‌نی یا قره‌نی چوخ اوجا سس ایله چالینیب و قاپیلار آچیلیب یا باغلاناردی. تبریز اهالیسی کره‌نی سسی ایله ایشلرین نظمه سالاردیلار.
کره‌نی‌خانا تیمچه‌سی تبریز بازاریندا آدلیم ایدی و اسکی زامانلاردا کره نی چالان یئری ایدی.
اسکی زامانلاردا
نزهة‌القلوب کیتابیندا تبریز اۆچون بئش قاپی یازیلیب: ۱-روم ۲-باغداد ۳-قافقاز (شیروان) ۴-خوراسان ۵-ری
حمدالله مستوفی‌نین یازدیغینا گؤره روادیلر زامانی تبریزین اون قاپیسی وار ایدی:
- ری
- قلعه
- سنجاران
- طاق
- درب جو (دروب جو)
- سرد
- دستی شاه
- نارمیان
- نوبر
- موکله (هوکله)
گؤرونتولر
<galeri>
قایناقلار
فارسجا ویکی‌پدیاسی‌نین ایشلدنلری طرفیندن یارانمیش«دروازه‌های تبریز»، مقاله‌سیندن گؤتورولوبدور. (۲۹ بهمن ۱۳۹۵ تاریخینده یوْخلانیلیبدیر).