توفیق قولی‌یئو
قولیئو توفیق ال‌اکبر اوغلو (7 نووامبر 1917، باکی، روسیا ایمپئریاسی — 4 اوْکتوبر 2000، باکی، آذربایجان) — بسته‌کار، پیانوچو، دیریژور، بیر چوخ سیمفونیک اثرلرین، کانتاتالارین، فورتئپیانو اثرلری‌نین مؤللیفی. آذربایجان سسر-این خالق آرتیستی (1964)، آذربایجان جاز و ائسترادا موسیقی‌سی‌نین بانی‌لرین‌دن بیری.
حیاتی[دَییشدیر]
توفیق قولیئو 12 یاشیندا آذربایجان دؤولت کونسئرواتوریاسی یانیندا پئشه مکتبینه، 1934-جو ایلده کونسئرواتوریایا داخیل اوْلوب. هم İ.س.آیسبئرقین صینفینده فورتئپیانو، هم ده س.ق. ایشتراسسئرین سینفینده دیریژورلوق درسی آلیب و 1936-جی ایلده کونسئرواتوریانی بیتیریب.
1931-جی ایلده آصیف زئینال‌لینین مصلحتی ایله م.ا.صابیرین سؤزلرینه "مکتب‌لی" ماهنی‌سینی بسته‌له‌ییب. 1935-جی ایلده م.عزیزبه‌ی‌اوو آدینا آذربایجان دؤولت درام تئاتریندا دیریژورلوغا باشلاییب. 1936-جی ایلده بسته‌کار ز.باقنروولا بیرگه "راست"، "سئگاه"، "زابول"، "دوگه" موغام‌لارینی فورتئپیانودا حاضرلاییب.
اوزئییر حاجی‌به‌ی‌اوواون تشببوسو ایله تحصیلینی داوام ائتدیرمک اۆچون موسکو دؤولت کونسئرواتوریاسینا گؤندریلیب. تئزلیکله اورادا آ.تفاسمانین رهبرلیک ائتدیگی اورکئسترده پیونیست ایشلمه‌یه باشلاییب.
1939-جو ایلده باکییا قاییدیب و 1941-جی ایلده "قیرمیزی اوردو" آنسامبلینی یارادیب. 402-جی دیویزیانین ترکیبینده چالیشان آنسامبل اۆچون موختلیف پاتریوتیک ماهنی‌لار یازیب. 1943-جو ایلده ایکی یئره بؤلونن آنسامبلین "قیرمیزی فلوت" حیصصه‌سی‌نین رهبری اوْلوب.
موحاریبه‌دن سوْنرا م.عزیزبه‌ی‌اوو (درام)، ص.وورغون (روس درام)، م.قورکی (گنج تاماشاچی‌لار) تئاترلاری ایله امکداش‌لیق ائدیب. XX عصرین 40-جی ایللرین‌دن هم ده کینو ساحه‌سینده ایشلمه‌یه باشلاییب. 1948-جی ایلده موسکو دؤولت کونسئرواتوریاسیندا تحصیلینی داوام ائتدیریب. 1951-جی ایلده آسپیرانتورایا داخیل اوْلوب و آ.قاوکون رهبرلیگی آلتیندا علمی ایش مۆدافیعه ائدیب. همین ایل "آذربایجان خالق رقص‌لری" توپ‌لوسونو حاضرلایان‌لاردان بیری اوْلوب.
1954-جو ایلده آذربایجان دؤولت کونسئرواتوریاسیندا درس دئمه‌یه باشلاییب. 1956-1958-جی ایللرده بیر نئچه ماهنی‌سی "آذربایجان ماهنی‌لاری" موسیقی جیلدینه سالینیب. 1958-جی ایلده فیلارمونیانین بدیعی رهبری، سوْنرا دیرئکتورو اوْلوب. 1960-1970-جی ایللرده بیر چوخ میلتلرآراسی کونفرانس، فئستیوال، اینجه‌صنعت گون‌لرینده ایشتیراک ائدیب.
XX عصرین 70-جی ایللری‌نین سون‌لاریندا بیر چوخ اوشاق و گنج موسیقی موسابیقه‌لرینی، او جمله‌دن "باکی پاییزی"نی یارادیب. 1969-جو ایلدن 1979-جو ایله قدر آذربایجان بسته‌کارلار اتفاقینا رهبرلیک ائدیب. 1990-جی ایلدن اؤمرونون سونونا کیمی آذربایجان بسته‌کارلار ایتتیفاقی‌نین ایداره هئیتی‌نین صدری وظیفه‌سینده چالیشیب.
عاییله‌سینه حدسیز درجه‌ده باغ‌لی اولان توفیق قولیئوین نوه‌سی - جمیله موراداسیلووایا حصر ائتدیگی فورتئپیانو اۆچون "جمیله‌نین آلبومو" اوشاق پیئس‌لری مجموعه‌سین‌دن اوشاق موسیقی مکتب‌لی‌لری‌نین رئپئرتواریندا گئنیش ایستیفاده ائدیلیر. بون‌دان باشقا، جمیله موراداسیلووا توفیق قولیئوین بسته‌کاری اوْلدوغو 2 فیلمده - "شیر ائودن گئتدی" و "موسیقی موعللیمی" فیلم‌لرینده چکیلیب.
توفیق قولیئو 2000-جی ایلده باکی شهرینده دونیاسینی دییشیب.
- کینورئژیسسور ائلدار قولی‌ئواین آتاسی‌دیر.
- سسئناریست نرمینه قولی‌ئوانین باباسی‌دیر.
- جمیله موراداسیلووانین باباسی‌دیر.
موسیقی اثرلری‌نین نوت‌لاری Pdf[دَییشدیر]
سنه‌ده قالماز[دائمی اولو باغلانتیلی]
آغاج‌دا لئیلک[دائمی اولو باغلانتیلی]
فخری آدلار و موکافات‌لاری[دَییشدیر]
- آذربایجان سسر خالق آرتیستی (1964)
- آذربایجان سسر امکدا اینجه‌صنعت خادیمی(1958)
- آذربایجان سسر دوولت موکافاتی لارئاتی
- سسری قیرمیزی امک بایراغی اوردئنی (ایلک دفعه)
- سسری "شرف نیشانی" اوردئنی
- خزر یونیوئرسیتئتی نین فخری دوکتورو