عمر المختار
| عمر المختار | |
|---|---|
 | |
| آد | عمر المختار |
| قیسا بیلگی | ایتالیا قارشیسیندا لیبی‌لی ساواشچی‌لارین باشچی‌سی، قرآن و شریعت معلّمی |
| دوْغوم تاریخ | میلادی ۱۸۵۸-جی ایلین آگوست آیینین ۲۰-سی طبرق یاخینلیغیندا جنزور کندی، عثمانلی ایمپیراطورلوغو |
| اؤلوم تاریخ | میلادی ۱۹۳۱-جی ایلین سپتامبر آیینین ۱۶-سی (۷۳ یاشدا) سلوق (سۇلوق)، لیبی (ایتالیا حؤکمونده) |
عمر المختار (عربجه بۆتون آد: عُمَرْ الْمُخْتَارْ مُحَمَّدْ بِنْ فَرْحَاتْ بُرَيْدَانْ) إفریقیّه‌نین لیبی بؤلگه‌سینده ایتالیا استعمارچی‌لاری قارشیسیندا دایانان، سنّوسی طریقتینه باغلی، ساواش باشچی‌سی. ائتدیگی ساواشلار اۆچون «شیخ الشهداء» و «چؤل آسلانی» لقبلرییله آدلیم اوْلموشدور.[۱] ایتالیا دؤولتینین میلادی ۱۹۱۱-جی ایلده لیبی بؤلگه‌سینه یۆروشویله جهاد بایراغین یۆکسلتمیشدیر. عمر مختار ۲۰ ایل ساواشمادان سوْنرا میلادی ۱۹۳۱-جی ایلده ایتالیا اوْردوسو توسطییله اسیر اوْلموش، سلوق شهرینده آسیلمیشدیر.
