قیر
قیر (قیر) — کاربوهیدروژئنلردن و اونلارین اوکسیژنلی، گوگوردلو، آزوتلو تؤرملریندن عیبارت قاترانا اوخشار طبیعی و یا سونی مورکب عوضوو ماده‌لرین عمومی آدی.
ایکی نؤعه بؤلونور – سونی و طبیعی. برک و اؤزلو نئفت قیرلاری یئر قابیغیندا قومداشی و آهکداشی لایلارینا هوپاراق همچئنین چاتلاری دولدوراراق یاتاقلار عمله گتیریر. قیر یاتاقلاری نفتلی، قازلی ساحه‌‌لرله علاقه‌داردیر. سونی (تئخنیکی قیر) اساساً، ترکیبینده آسفالت–قاتران ماده‌لری چوخ اولان آغیر نفت قالیقلارینی (مازوت، قودرون و س.) 300 – 350° C-ده یوکسک واکویومدا دیستیلله ائتمکله و نئفت اعمالی قالیقلارینی (قودرون و س.) 260 – 280° C-ده هوانین اوکسیژنی ایله اوکسیدلشدیرمکله آلینیر.
قیر عادتن یول اینشیاتیندا، پلاستیک کوتله و س. حاضیرلانماسیندا ایشلدیلیر. صنایع‌ده ایشلدیلن قیرین عمومی مقدارینین 90% سونی قیر نؤعلرینین پایینا دوشور.