گون وورما

گون وورما —(فارسجا:آفتاب سوختگی) اساساً و داها چوخ ۵ یاش‌دان آشاغی، ۶۵ یاش‌دان یوخاری اینسانلاردا، سرطان، شکر خسته‌لری، تضییق و بؤی‌رکلری ایله باغلی پروبلمی اولان اولان اینسانلاردا، دوزگون ییئجئکلانمایان و یالنیش پرهیز ساخلایانلاردا، سایکولوژی پروبلمی اولانلاردا و هامیله قادینلاردا تصادف ائدیلیر.

درجه‌لری

گونوورما آغیرلیق درجه‌سینه گؤره ۳ یئره آیریلیر:

• یونگول درجه
• اورتا درجه
• آغیر درجه

یونگول درجه

اۆرک بولانما، گؤز ببکلرینین گئنیشله‌نمه‌سی، تنگنفس‌لیک، نبضین دؤیونمه‌سینین سرعتله‌نمه‌سی، باش آغریلاری ایله مۆشاهیده ائدیلیر.

اورتا درجه

کسکین باش آغریلاری، قایتارما-قۇسما، قولاغین باتماسی، سون درجه حال‌سیزلیق، بدن‌ده تئمپئراتورون آرتماسی، هوشیتیرمه حاللاری ایله مۆشاهیده اولونور.

آغیر درجه

گونوورمانین آغیر فورماسی حتی، اؤلومله نتیجه‌لنه بیلر. کسکین حال‌سیزلیق، تئمپئراتورون ۴۰ درجه‌دن یوخاری قالخماسی، نجیس و سیدیین غیری-ایرادی شکیل‌ده خاریج اولماسی، قاراباسمالارین گؤزه گؤرونمه‌سی، کوما ایله مۆشاهیده اولونور.

علامتلر

• بدن حرارتینین ۴۱°سی-دک یوکسلمه‌سی.
• قیزارمیش قورو دری.
• اسبی‌لیک.
• هوشون ایتیریلمه‌سی.
• تئزلشمیش ضعیف نبض، اۆرک ریتمینین پوزولماسی.
• تئزلشمیش سطحی تنففوس.

ایلک یاردیم

• زررچکمیشین سرین یئره آپاریلماسی.
• اونا سرین سو وئرمک.
• وضعیتینه نظارت ائتمک و پیسلشمه اولارسا، نظردن قاچیرماماق.
• دار، ایستی و ترلی گئییم‌دن آزاد ائتمک.
• قاسیق، قولتوقالتی و بویون ناهییه‌لرینه سویوق یاش کومپرئس قویماق، زررچکمیشین بدنینی مسافه‌لرله بوکه‌رک سویوتماق، هاوانین وئنتیلیاسییاسینی تامین ائتمک.
• درینی ایسپیرتله سیلمک اولماز، ایسپیرت مسامه‌لری دارال‌داراق ایستیلیین خاریج اولماسینا مانع اولور.
• گونوورما زامانی قفلته‌ن تنففوسون دایانماسی و یاخود میوکارد اینفارکتی اینکیشاف ائده بیلر، رئانیماسییا تدبیرلرینه حاضیر اولماق گرک‌دیر.

خاریجی کئچیدلر

• http://www.merkeziklinika.az/articles/view/?id=723 Archived 2013-10-16 at the Wayback Machine.
• http://vital.az/tty.html Archived 2016-03-06 at the Wayback Machine.

قایناقلار

• http:// az.wikipedia.org