آبرا و يوتپا

 آبرا و یوُتپا - تورک میفولوژیسینده آدلاری کئچن یئرآلتی ایلان‌لاری. آبورا و یوُتما"یوُتما‌/اوُتما" اولاراق دا تانینارلار. 

اؤزل‌لیک‌لری

  یئرآلتینداکی بؤیوک دنیز (تنڭیز)ده یاشایان و اژداهایا اوخشایان نهنگ ایکی ایلاندیر. تیمساها بنزر گؤرونوش‌لری واردیر. بو اژداهالارین بیری آبرا دیگری ایسه یوُتپادیر و ایکیسی‌نین آدی بیرلیکده خاطیرلانار. گؤزلری پارلاق میس رنگلی‌دیر. آیاق‌لاری قیزیلداندیر. اینانیلماز بؤیوکلوکده دیرلر، گؤرن‌لرین اورگینه قورخو باسار. چوخ گوجلو چنه‌لری واردیر. کئر آبرا، کئر یوُتپا، کئر آرات و کئر دوْیدوُ اولاراق دؤرد یئرآلتی جانلی‌سیندان بعضاً بیرلیکده بحث ائدیلیر. بعضاً ده بونلارین عئینی وارلیق اولدوغو دوشونولر. آبرا و یوُتپا، ائرلیک خانین سارایی نین گؤزتچی‌لری اولاراق دا افسانه‌لرده خاطیرلانار. چنگل قویروقلو و دؤرد آیاقلی‌دیرلار. یاشیل بالدیرلی، آغ سینه‌لی، قاییق کیمی یاستی چنه‌لی‌دیرلر. ائرلیکین سارایینی قورویارلار. بیر یاغنانی (فیلی) بیر دفعه یه اودا بیلرلر. 

  آلتای شامانلیغیندا شامانین پالتارینا یاشیل پارچادان تیکیلمیش و هؤروک‌لرله بزه‌دیلمیش آبرا تصویری آسیلیر. آبرانین باشی قارتال للک‌لری ایله بزه‌دیلیب (اولبئرک). گؤزلری پاریلدایان میس دویمه‌لردن، آیاق‌لاری ایسه قیرمیزی پارچا یاماق‌لاریندان دوزلدیلمیشدیر. بونلارا دوققوز قوتاز علاوه  اولونور. شامان پالتاریندا یئرآلتی حئیوان کیمی قبول ائدیلن و شر روحلاردان قورودوغونا اینانیلان ایلانی تمثیل ائتمک اوچون چنگل قویروغو و دؤرد آیاغی ایله ایشلنمیش خالاتین بیر طرفینده کی  قارا پارچا زولاق‌لار یوُتپانی تمثیل ائدیر. 

اتیمولوژی

  آبرا: (آب / آپ / آو) کؤکوندن تؤره‌میشدیر. آبراماق حرکتی، دنیز واسیطه‌لرینی ایداره دئمکدیر. سؤزون دنیزله اولان علاقه سی آچیقدیر. آپارماق سؤزو قاپماق، گؤتوروب آپارماق معنالارینی احتیوا ائدر. بوندان باشقا آغیرلیق مضمونو سؤز کؤکونده مؤوجوددور. 

  یوُتپا: (یوُت/یوُد/اوُد/اوُت) کؤکوندن تؤره‌میشدیر. اوُدماق، یئمک معنالارینی احتیوا ائدر. 

قایناق‌لار

• Türk Əfsanə Sözlüyü, Dəniz Qaraqurd, Türkiyə, 2011, (OTRS: CC BY-SA 3.0)  (türk.)
• Çoban, Ramazan Volkan. Türk Mitolojisinde Kötülük Tanrısı Erlik’in İnanıştaki Yeri, Tasviri ve Kökeni Archived 2021-09-12 at the Wayback Machine.