آذربایجان دوز آیینی
آذربایجان دوز آیینی — آذربایجانین بیر چوخ یئرینده یاییلمیش عادت. اوشاغین دوغوموندان اون گون سونرا دوزلو سو ایله یویولماسی‌دیر.
ایجراسی[دَییشدیر]
دوغومونون اونونجو گونونده اوشاق یویولور. بو واخت سویا دوز دا تؤکرلر. بونو، اوشاغین قورخماماسی، ترله‌مه‌مه‌سی، گوجلو-قووّتلی اولماسی اوچون ائدرلر. باشقا بیر اینانجا گؤره ایسه اوشاغی زهرلی حشرات‌لار دیشله‌مه‌سین، بدنینده یارا اولماسین، خسته‌لنمسین دئیه بئله ائدرلر. آذربایجاندا دوز آیی‌نین یاییلماسی نین سمبولیک معناسی بودور: اوشاق گله‌جکده دوز دانیشان، سؤزو بوتؤو، مرد، اؤلچولو حرکت ائتمگی بیلن بیری اولسون. بؤیوک احتیماللا بو تصوورون نتیجه‌سی‌دیر کی، بیر آدام نامرد چیخدیغی، یالانچی اولدوغو، عارسیزلیق ائتدیگی، حرکت‌لرینه دیقت ائتمه‌دیگی زامان خالق آراسیندا "اونا شیت-شیت دانیشیرسا" ، "شیتلیک ائلمه" ، "شیت اولما" ، "فیلانکس دوزسوزدور، دوزو یوخدور" ، "دوزسوز دوغولموش" ایفاده لری ایله آزارلایارلار.
ادبیاتدا[دَییشدیر]
"کوروغلو" داستانیندا قاجارعلی نامردلیک ائدیب کوروغلونو آرادان ووراندا کوروغلو بئله دئییر: " قاجار علی، گوناه سنده دئییل، سنی توتان ابه‌ده‌دیر. او مورتد قیزی سنی توتدوغوندا دوز سرپمه‌ییب. دوزسوز اینسانسا هر زامان سنین گیبی نامرد اولور."
قایناق[دَییشدیر]
- AZERBAYCAN HALK İNANIŞLARI. AKRAM NAJAFOV. NECMETTİN ERBAKAN ÜNİVERSİTESİ SOSYAL BİLİMLER ENSTİTÜSÜ.