آذربایجان گونش آیینلری
آذربایجان گونش آیینلری — آذربایجانین بیر چوخ یئرینده یاییلمیش عادت. گونشین چاغریلماسی اوچون ایستیفاده اولونور.
ایجراسی[دَییشدیر]
آذربایجاندا اوزون مودت یاغان یاغیشدان سونرا گونشین چیخماسی ایسته‌نیلیرسه، بابا داغیندان گتیریلن داش اوجاقداکی کوله باسدیریلیر. سونرا عئینی اوجاقدا خشیل پیشیریلیر. خشیلی آنانین ایلک اوشاغی قاریشدیرار، افسونچو باسدیریلان داشین اوزرینه کؤزلر ییغا-ییغا افسونون سِحرلی حیصه‌سینی اوخویار: قوْدو، اودو، داشی. اودو کسسین یاغیشی. بو آیینده گونش اییه‌سی ایله علاقه قورماق اوچون داغ، داش و اوجاق کولت‌لاریندان ایستیفاده اولونور.
گونش چاغیرما مراسیمینده قودو آدلاندیریلان کوکلادان ایستیفاده‌یه ده راست گلینیر. قادین شکلینده اولان کوکلا یووارلاق اولور و آلنینا گونشی سمبولیزه ائدن آینا دا یاغیشدیریلیر. قودونون آدلاری آذربایجان دیلی‌نین دیالکت‌لرینه گؤره دوْدو و خوْدو دا اولا بیلر. قودونون گونش ایلاهه‌سی‌نین آدی اولماسی احتیمال ائدیلیر. نوروزون ایلک دؤرد گونو یاغیشلی کئچرسه، قودو مراسیمی کئچیریله‌رک گونشی چاغیرارلار.
قایناق[دَییشدیر]
- AZERBAYCAN HALK İNANIŞLARI. AKRAM NAJAFOV. NECMETTİN ERBAKAN ÜNİVERSİTESİ SOSYAL BİLİMLER ENSTİTÜSÜ.