آشیق نجف
| آشیق نجف | |
|---|---|
 آشیق نجف آللاهوئردی اوغلو بایراموف | |
| آد | آشیق نجف |
| دوْغوم تاریخ | 1876 داشکند، باسارگئچر، گؤیچه ماحالی |
| اؤلوم تاریخ | 5 فوریه 1919 کوللو تپه ، گؤیچه ماحالی |
| اؤلوم سببی | ارمنی وحشی‌لیگی |
| مزارلیغی | بللی دئییل |
| ایش | آشیق |
آشیق نجف — اوستاد آشیق، شاعیر. آشیق علعسگرین شاگیردی.
یاشاییشی[دَییشدیر]
بایراموف نجف آللاهوئردی اوغلو 1876-جی ایلده گؤیچه ماحالی‌نین داشکند کندینده آنادان اولوب. نجف اولدوقجا یاراشیقلی، بویلو-بوخونلو،جوثّه‌لی اینسان اولوب.
موکمّل بیلیک، درین حافیظه‌لی، مؤعجیزه‌لی سس صاحیبی اولان آشیق نجف سلیقه-سهمانی، ادب-ارکانی ایله همیشه دیقتی چکر، آشیقدان چوخ بیگه، بیگ‌زاده‌لره اوخشایارمیش.
آشیق نجف آشیق علعسگره اون ایل شاگیردلیک ائدیب، اونونلا آغیر مجلیس‌لر یولا سالیب. آشیق نجف دده علعسگرین (1821-1926) ان چوخ سئودیگی شاگیردلریندن اولموشدور. اونون سسی آشیق اسدین (1874-1951) سسی ایله اویغون گلدیگیندن هر ایکیسینه مصلحت گؤررمیش کی، سیز دایم بیر یئرده اولون، بیر یئرده چالیب اوخویون. یوکسک سس تمپیرینه گؤره آشیق نجفله آشیق اسد اوتوزلوق لامپانی دفعه‌لرله توی مجلیس‌لرینده سؤندوررمیشلر. آشیق اسد همیشه صمیمیتله اعتیراف ائدرمیش کی، داشکندلی آشیق نجفین سسی منیمکیندن یوکسک و ملاحتلی ایدی. آشیق نجفله، آشیق اسد 1910-جو ایلده ایران سفرینده اولارکن تبریز آشیق‌لاری‌نین اوستادی اونلارا حؤرمت و احتیرام علامتی اولاراق هر بیرینه اون تئللی ساز باغیشلامیشدیر. بو سازا "ختایی سازی"-دا دئییلیر - قولونون ایچی بوشدور.
آشیق نجفین بیر چوخ قودرتلی آشیق‌لار و شاعیرلر ایله یاخین دوستلوق موناسیبت‌لری اولموشدور. حتّی آشیق حسین بوزالقانلی آشیق نجفین اوغلان‌لاری شمیستان و شمیددینین کیروه‌سی اولموشدور. آشیق نجفین شمیستان، شمیددین، مکاییل، آستان و اسماییل آدیندا بئش اوغلو اولموشدور.
5 فوریه 1919-جو ایلده ائرمنی پولکوونیکی‌نین باشچی‌لیغی ایله " کوللو " تپه دئییلن یئرده آشیق نجفین بئلینه اودلو ساماوار باغلانمیش و بئش اوغلو ایله بیرلیکده وحشیجه‌سینه اؤلدورولموشدور.
یارادیجی‌لیغی[دَییشدیر]
آشیق نجفین آجیناجاقلی یاشاییشی و یارادیجی‌لیغی حاقیندا گئنیش معلومات بیر نئچه کیتاب‌لاردا وئریلمیشدیر:
- صراف شیرویه نین " آغلاما، بولبول، آغلاما " (1994) کیتابیندا " آشیق نجف و گولوستان " (ص.348-371) داستانی، " ایگید اؤلر، آدی قالار " (2002) کیتابیندا " گؤیچه‌لی حاجی رحیم داستانی " (ص.258-296)
- ائلدار اسماییلین " آللاه آماناتی " (1994) کیتابیندا " نجف " پوئماسی (ص. 85-109).
- ترلان گؤیچه‌لی‌نین " گؤیچه آشیق مکتبی " (1998) کیتابیندا (ص.92-105)
- خاسای زینالوفون " گؤیچه‌سیز گونلریم " (2006) کیتابیندا " آشیق نجف داستانی " (ص.129-168)
- آراز یاقوب اوغلو، داشکند آشیق‌لاری و شاعیرلری، باکی، نورلان-2008.
قایناق[دَییشدیر]
- آشیق نجف — اوستاد آشیق، شاعیر. آشیق علعسگرین شاگیردی.
- قارا نامازوف. " آشیق‌لار " (1. کیتاب)، باکی، " صدا " ، 2004. ص.320.
- آراز یاقوب‌اوغلو، داشکند آشیق‌لاری و شاعیرلری، باکی-2008
- صراف شیرویه " ائرمنی‌لر آشیق نجفی نئجه اؤلدوردولر؟ " ، بوتؤو آذربایجان قزئتی. نؤمره 05. 11 دسامبر 2008-جی ایل.
- آزاد اوزان کریملی، " موسیقی دونیاسی " ژورنالی، نؤمره3-4، 2000-جی ایل. ص.132.
- موسی نبی اوغلو. " اوزان-آشیق دونیاسی " . باکی: نورلان، 2010، (شکیللی)، ص.10.