آندری کارلوف سوءقصدی

ویکی‌پدیادان، آچیق بیلیک‌لیک‌دن
Assassination of Andrei Karlov
یئرÇağdaş Sanatlar Merkezi, آنکارا, Turkey
تاریخ۱۹ دسامبر ۲۰۱۶؛ ۷ ایل قاباق (۲۰۱۶-۱۲-19)
20:15
هدفAndrei Karlov
حمله نوعو
سیلاح(‌لار)Canik55 TP9 Compact 9mm pistol[۱]
تلفات2 (Karlov and the perpetrator)

آندری کارلوف سوء-قصدی (اینگلیسجه. Assassination of Andrei Karlov، روسجا. убийство андрея карлова) - روسیه فدراسیونونون تورکیه جومهوریتینده کی باش ائلچی‌سی آندری کارلوفا قارشی 2016-جی ایلین 19 دسامبر تاریخینده تورکیه‌نین باشکندی آنکارا شهرینده باش وئرمیش ترور دور. حادیثه ائلچی‌نین آنکاراداکی چاغداش گَلنَکلر (سوننَت‌لر) مرکزینده "روسیه تورکلر باخیشندا" عکس سرگی‌سی‌نین آچیلیشیندا چیخیش ائتمه‌سی زامانی باش وئریب. چئویک پولیس (پلیس ویژه) آلایینین امکداشی 24 یاشلی مئولوت مرت آلتینتاش ائلچی یه آرخادان یاخینلاشا‌راق 5 دفعه آتش آچیب. بو حادیثه‌ده 3 نفر ده اَل و قولدان یارالاندیلار.

قاتیلین کامئرا‌لارا دوشن گؤرونتولرینده سفیری گولللدیک‌دن سونرا الله اکبر، الله اکبر دئیه باغیردیغی حلبی اونوتما، سوریه نی اونوتما، اوممتیمیز خطرسیزلیکده اولمادیغی موددتده ، خطرسیزلیکده اولمایاجاقسینیز، دالی چکیلین، دالی چکیلین، ساده‌جه اؤلوم بیزی بورا‌دان اوزاقلاشدیرابیلر، بو ظولمده اَلی اولان هر کس جزاسینی چکه‌جک‌دیر - ایفاده‌لرینی ایشلتدیک‌لرینی گؤرونور. ترورچو نئچه دقیقه دن سونرا تورکیه نین اؤزل پولیس طرفیندن اؤلدورولور.

عکس العمللر[دَییشدیر]

  • رجب طیب اردوغان تورکیه نین جومهور باشقانی تروردان سونرا بیر آچیقلامادا دئدی تورکیه - روسیه ایلیشکیلری منطقه اۆچون حیاتی دیر و بو ایلیشکیلری آرادان آپارماغا چالیشانلار بیلسینلر کی اؤز شوم هدفلرینه چاتمایاجاقلار.
  • ولادیمیر پوتین روسیه نین جومهور باشقانی بو حادیثه‌دن سونرا دئدی، بو ترور تورکیه - روسیه ایلیشیکلرینی یئنی دن پوزماق و سوریه ده باریش قورماغین قاباغینی آلماق اۆچون باش وئریب.

قایناقلار[دَییشدیر]

قالری[دَییشدیر]