آنکارا بیلیم‌یوردو
آنکارا اونيورسيته سي ۱946-جي ايلده آنکارادا قورولموش بير اونيوئرسيته دير .
آنکارا اونيوئرسيته سی نين تمه لي(اساسی) شخصاً آتاتورک طرفيندن آتيلميشدير. ايلک اولاراق ۱9۲5 ده قورولان حقوق مکتبي، تورک جوتچوسونه خيدمت ائتمک اوزره ۱9۳۳ده تحصيله باشلايان يوکسک اکينچيليک اينستيتوتو، زنگين آنادولو مدنيتيني آراشديرماق و تورکييه نين دونيا ايله ديل و مدنيت کؤرپوسو قورماق مقصدييله ۱9۳5ده آچيلان ديل و تاريخ جغرافيا فاکولته سي، ۱859دان بري مکتبي مولکويه آدييلا اوست سويييه جمعيت ايداره چيلري يئتيشديرن و ۱9۳6' دا آنکارايا داشينان و آتاتورکون خوصوصي امر و ماراقلاري ايله قورولان سياسي معلوماتلار مکتبيني آچماق اولموشدور. بونلارا، حاضيرليقلاري آتاتورک طرفيندن باشلاديلان آنجاق قورولوشو ايکينجی دونيا دؤيوشو سببييله ۱940لارين باشينا قالان طب و فن فاکولته لريني علاوه ائتمک لازيمدير. ۱9۲5 ده قورولموش اولان حقوق، ۱9۳5 ده فعاليته باشلايان ديل و تاريخ جغرافييا فاکولته سي ، ۱94۳ دان آچيلان فن فاکولته سي، ۱945-جي ايلده قورولوشو تاماملانان طب فاکولته لريندن عيبارت اولان آنکارا اونيوئرسيته سي ۱946-جي ايلده رسمي اولاراق قورولدو.
اونيوئرسيته ۱948' ده يوکسک اکينچيليک اينستيتوتونون اکينچيليک و بايتار فاکولته لريني بونيه سينه گؤتورموش، ۱949' دا الهيات فاکولته سي، ۱9۳5دان قورولان ۱950' ده فاکولته آديني آلان سياسي معلوماتلار مکتبي ، ۱960' دا اجزاچيليق فاکولته سي، ۱96۳' دان يوکسئک اوکول اولاراق قورولان ۱977' ده فاکولته اولان ديش حکيمليگي فاکولته سي، ۱965' تئ تحصيل علملري فاکولته سي و ۱965-جي ايلده ده ايندي آدي اونسيت فاکولته سي اولان مطبوعات نشر يوکسئک اوکولو قورولدو. چانکيري مئشه و ساغلامليق تحصيلي فاکولته لري ايسه ۱996-جي ايلده تحصيله آچيلميشدير.