اولوسلارآراسی ایش تشکیلاتی

ویکی‌پدیا، آچیق بیلیک‌لیک‌دن

اۇلوسلارآراسی ایش تشکیلاتی - امک موناسیبت‌لرینی تنظیم ائدن ب م ت-نین ایختیصاصلاشمیش قوروم‌لارین‌دان بیری.

اۇلوسلارآراسی امک تشکیلاتی بیرینجی دونیا محاربه‌سین‌دن سوْنرا 1919-جو ایلده کئچیریلن صولح کونفرانسینین یئکون سندینه اساساً یارادیلمیش‌دیر. 1946-جی ایلدن ب م ت-نین ایلک ایختیصاصلاشمیش تاسیساتدر.

اۇلوسلارآراسی امک تشکیلاتی سوسیال اقتصادی حقوق‌لاری مدافعه ائدن نفوذلو اۇلوسلارآراسی تشکیلات‌دیر. اۇلوسلارآراسی امک تشکیلاتی-این م ب ت-نین دیگر ایختیصاصلاشمیش تاسیسات‌لاردان اساس فرقی اوندا اوچ طرف‌لی تمسیلچیلیین اولماسی‌دیر. هم حؤکومت‌لرین، هم ایشچی‌لرین، هم ده ایشه گتورولن‌لرین نماینده‌لری بئینلخالق امک تشکیلاتی-این بوتون دیرئکتیو اورقان‌لاریندا تمسیل اولونموش‌دور. بئله‌لیکله، ایشچی‌لر اؤز نماینده‌لری واسطه‌سی ایله اۇلوسلارآراسی امک تشکیلاتی-این کونوئنسیا و توصیه‌لری‌نین قبول ائدیلمه‌سینده ایشتیراک ائدیرلر.

اۇلوسلارآراسی امک تشکیلاتی-این عالی اورقانی ایلده بیر دفعه چاغیریلان اۇلوسلارآراسی امک کونفرانسی‌دیر. کونفرانسلاراراسی دؤورده اۇلوسلارآراسی امک تشکیلاتی-این سیاستینی حیاتا کئچیرن سئچکی‌لی اینظیباتی شورادیر. بت-این دایمی فعالیتینده اوْلان کاتیب‌لیی بئتنلخالق امک بوروسودور. اونون هم‌چی‌نین باشقا ایستوروکتورلاری، ساحه کومیته‌لری و قروپ‌لاری دا فعالیت گؤستریر.

اۇلوسلارآراسی امک تشکیلاتی-این کونفرانسی امک سفئراسینا دایر اۇلوسلارآراسی نورماتیو سندلرین قبولو دا باغلی‌دیر. بۇ سندلر کونوئنسیالار و توصیه‌لر شکلینده اولور. بت کونفرانسی، هابئله ایشتیراک‌چی دؤولت‌لرین تقدیم ائتدیک‌لری معروضه‌لره اساساً اؤلکه‌لرین قوشولدوق‌لاری کونوئنسیالارا عمل ائتمه‌لرینه نظارت ائدیر. بئله‌لیکله سوسیال-اقتصادی حقوق‌لار اوزره ان نفوذلو اۇلوسلارآراسی تشکیلات اوْلان بت-این اساس وظیفه‌سی امک سفئراسیندا اۇلوسلارآراسی نورمالار حاضرلاماق و اونلارا ایشتیراک‌چی دؤولت‌لر طرفین‌دن عمل اولونماسینا نظارتی حیاتا کئچیرمک‌دیر. بت-این منزیل -قرارگاهی ژنوده‌دیر، ایسوئچره.

قایناقلار[دَییشدیر]

خاریجی کئچیدلر[دَییشدیر]