ویکی‌پدیا:اوریجینال تدقیقاتا یئر وئرمه‌مک

ویکی‌پدیا، آچیق بیلیک‌لیک‌دن
پرش به ناوبری پرش به جستجو

ویکی‌پدیادا اوْریجینال تدقیقات‌لارین یئرلشدیریلمه‌سی قبول ائدیلمزدیر. بۇ اوْ دئمک‌دیر کی٬ ویکی‌پدیا سیزین اؤز شخصی فیکیرلرینیزی٬ تجرۆبه‌لرینیزی٬ آرقومِنت‌لرینیزی و چیخارتدیغینیز نتیجه‌لری یئرلشدیرمک اۆچون نظرده تۇتولمامیش‌دیر.

ویکی‌پدیادا اوْریجینال تدقیقات‌لارین و یئنی نظریّه‌لرین چاپ اوْلونماسی اۆچون یئر دئییل. ویکی‌پدیانین بۇ جۆر مؤوقعی کیمینسه ماراقلارینی و یا حۆقۇق‌لارینی کیچیلتمگه گؤره دئییل. بۇ ساده‌جه فاکتین کوْنستاتاسیاسی‌دیر. ویکی‌پدیا٬ ایلکین ایطّیلاعات منبعی یوْخ٬ ایکینجی ایطّیلاعات منبعی‌دیر٬ باشقا سؤزله ویکی‌پدیادا یئرلشدیریلمیش مووضوع‌لار ایلکین منبع‌لردن توْپلانیلیر٬ آنالیز اوْلونور٬ قیمت‌لن‌دیریلیر٬ تفسیر اوْلونور و دیگر ایلکین ایطّیلاعات منبع‌لری‌نین بیلگی‌لری ایله پیشیلیر.

مقاله یازارکن قایناغین دقیق گؤستریلمه‌سی واجیب‌دیر. اعتیبارلی ایطّیلاعات قایناغی علمی مورور اوْلونموش ژورناللار٬ آکادِمیک نشرلر چیخیش ائده بیلر. یازانین اؤز حسابینا نشر ائلت‌دیریگی کیتابلار و دیگر واسیطه‌لر بۇ جۆر ایطّیلاعات قایناغی ساییلا بیلمز.

اوْریجینال تدقیقات نه‌دیر؟[دَییشدیر]

ویکی‎پدیا مقاله‌لرینده اوْریجینال تدقیقات آشاغیداکیلار حساب اوْلونور:

  1. مقاله‌ده هر هانسیسا يئنی نظریه‌‌ و يا هر هانسیسا مسأله‌نین يئنی حل اۆصولو گؤستریلیرسه؛
  2. يئنی ایدّیعالار قئيد اوْلونورسا؛
  3. تئرمینلرین يئنی و قبول اوْلونموش فوْرمادان فرقلی ایضاهی وئریلیرسه؛
  4. نئوْلوْگیزم‌لر داخیل ائدیلیرسه.

اگر مقاله‌نین مووضوعو يۇخاریدا سادالانان شرطلره جاواب وئریرسه، بۇ زامان اوْ اوْریجینال تقدیقیقاتلارا عایید ائدیلمه‌لی و ویکی‌پدیادا يئرلشدیریلمه‌مه‌لیدیر.

لاکین بۇ قايدانین ایستیثنالاری دا وار:

بئله مقاله ویکی‌پدیادا اوْ حالدا يئرلشدیریله بیلر کی، اوْنون مووضوعو گئنیش شکیلده تانینمیش اوْلسون، باشقا سؤزله:

  1. بۇ ایدئيالار مورور اوْلونموش ژۇرناللاردا نشر ائدیلسین؛
  2. بۇ ایدئيالار گئتدیکجه اجتماعیتین دیقّتینی جلب ائتمه‌يه باشلاسین (کیو-ده دفعه‌‌لرله نۆمايیش اوْلونموش اوْلسون)
  3. ایدّيعانین هر هانسیسا بیر عۆمومی، ایختیصاص‌لاشدیریلمامیش، رده‌سیز کیو-لرده گؤرونمه‌سی فاکتی هئچ ده بۇ مقاله‌نین علمی و حقیقی اوْلماسی دئمک دئيیل. بۇ فاکت يالنیز بۇ حادثه‌‌ حاقیندا ویکیپديادا نشر اوْلونماسینا ایمکان يارادیر.
  4. اگر سیز دۆشونورسونوزسه کی، سیزین مؤحتشم ایدّیعانیزین ویکیپديادا نشر اوْلونماسی واجیبدیر، لۆطفاً مقاله‌نیزی ایلکین نؤوبه‌ده مورور اوْلونموش ژۇرنالدا چاپ ائتدیریب داها سوْنرا بۇرادا يئرلشدیرین.

اوْریجینال تدقیقاتین مۆعیّن‌لشدیریلمه‌سی[دَییشدیر]

اوْریجینال تدیقات گئنیش تانێنمێش علمی نظری و استاندارد اوْلمايان لاکین، مؤوجۆد اوْلان هیپوْتِز کیمی چوْخ حیله‌‌گرلیکله ماسکالانا بیلر. اوْریجینال تدقیقاتلارێن مۆعيّنلشدیریلمه‌سینه آشاغێداکێ قايدالار کؤمک ائدیر:

  1. آختارێش سايتلارێندا يوْخلاماق (گوْگل، ياهوْوْ). اگر بۇ زامان آز اۇيغونلوق تاپێلدێسا و يا اۇيغونلوق تاپێلمادێسا، قارشێنێزدا اوْریجینال تدقیقاتێن اوْلماسێ احتیمالێ بؤيوکدور؛
  2. غئيری-استاندارد و يا سیزه شۆبهه‌لی گؤرونن ایدّیعالارا خۆصۇصی فیکیر وئرین. شۆبهه‌لرینیزین نه درجه‌‌ده اساسلێ اوْلدوغونو مۆعيّنلشدیرمک اۆچون اوْنو دیگر ایستیفاده‌چیلرله مۆذاکیره ائدین؛
  3. اگر منبع‌ کیمی هر هانسێسا کئچید و يا ادبیات گؤستریلمیشدیرسه، بۇ هئچ ده بئله بیر آنلايێشێن مؤوجۇد اوْلماسێ دئمک دئيیل. منبع‌لرین تانێنمامێش و يا سهو اوْلماسێ دا مۆمکۆندۆر؛
  4. اگر ایستیفاده‌چی دییشیک‌لیگی گئری چکنله دییشدیرمه ساواشینا باشلامێشسا و بۇ زامان هئچ بیر ایضاهات وئرمه‌يه جهد ائتمه‌ییرسه، بئله دییشدیرمه‌لرین اوْریجینال تدقیقات اوْلما احتیمالێ بؤيۆکدۆر؛
  5. ایستیفاده‌چیلرین نۆفۇذۇ و سرریشته‌سی هئچ ده اوْ دئمک دئيیل کی، بۇ ایستیفاده‌چی اوْریجینال تدقیقاتلارلا مشغول دئيیل. حتی عکسینه، مؤوضو ایله ياخێندان تانێشلێق ایستیفادجیلری بۇ باره‌ده اؤز فیکیرلرینی عۆمۇمی فیکیر کیمی نشر ائتدیرمه‌يه تحریک ائده بیلر.
  6. مقاله‌ده ایستیفاده اوْلونموش و سیزه تانێش گؤرۆنمه‌ين آدلاندێرمالارا و تئرمینلره (اگر اوْنلار وارسا) خۆصۇصی فیکیر وئرین و اوْنلارێن اۆستو اؤرتولو تحقیر اوْلمادێغێنا امین اوْلون.