ویکی‌پدیا:اورجینال آراشدیرمالارا یئر وئرمه‌مک

ویکی‌پدیا، آچیق بیلیک‌لیک‌دن
پرش به ناوبری پرش به جستجو
قیسایول:

ویکی‌پدیادا اوْریجینال تدقیقاتلارین یئرلشدیریلمه‌سی قبول‌ائدیلمزدیر!

ویکی‌پدیادا اوْریجینال تدقیقاتلارین و یئنی نظریه‌‌لرین چاپ اوْلونماسی اۆچون یئر دئییل. ویکی‌پدیانین بۇ جۆر مؤوقعی کیمینسه ماراقلارینی و یا حۆقوقلارینی کیچیلتمه‌یه جهد دئییل. بۇ ساده‌جه واقعیتلری گؤسترمه‌یین ایلزامیدیر. ویکی‌پدیا، ایلکین بیلگیلر منبعی یوْخ، ایکینجی بیلگیلر منبعیدیر، باشقا سؤزله ویکی‌پدیادا یئرلشدیریلمیش مادّه‌لر ایلکین منبع‌لردن توْپلانیلیر، آنالیز اوْلونور، قیمتلندیریلیر و دیگر ایلکین بیلگی منبعلری‌نین معلوماتلاری ایله ترکیب ائدیلیر.

مقاله یازارکن منبعین دقیق گؤستریلمه‌سی واجیبدیر. اعتیبارلی بیلگی منبعی کیمی علمی تنقید اوْلونموش ژۇرناللار، آکادمیک نشرلر چێخیش ائده بیلرلر. یازارین اؤز حسابینا نشر ائتدیردیگی کیتابلار و دیگر واسیطه‌‌لر بۇ جۆر بیلگی منبعی ساییلا بیلمز.


اوْریجینال تقدیقات نه‌دیر؟[دَییشدیر]

ویکی‌پدیا مقاله‌لرینده اوْریجینال تدقیقات آشاغیداکیلار حساب اوْلونور:

1. مقاله‌ده هر هانسیسا یئنی نظریه‌‌ و یا هر هانسیسا مسأله‌نین یئنی حل اۆصولو گؤستریلیرسه؛

2. یئنی ایدّیعالار قئید اوْلونورسا؛

3. تِرمینلرین یئنی و قبول اوْلونموش فوْرمادان فرقلی ایضاحی وئریلیرسه؛

4. یئنی کلمه‌لر داخیل ائدیلیرسه.

اگر مقاله‌نین موضوعو یۇخاریدا سادالانان شرطلره جاواب وئریرسه، بۇ زامان اوْ اوْریجینال تقدیقیقاتلارا عایید ائدیلمه‌لی و ویکی‌پدیادا یئرلشدیریلمه‌مه‌لیدیر.

لاکین بۇ قایدانین ایستیثنالاری دا وار:

بئله مقاله ویکی‌پدیادا اوْ حالدا یئرلشدیریله بیلر کی، اوْنون موضوعو گئنیش شکیلده تانینمیش اوْلسون، باشقا سؤزله:

1. بۇ ایدیعالار نقد اوْلونموش ژۇرناللاردا نشر ائدیلسین؛

2. بۇ ایدیعالار گئتدیکجه ایجتیماعیتین دیقّتینی جلب ائتمه‌یه باشلاسین (کوتلوی بیلگی واسیطه‌لری-ده دفعه‌‌لرله نۆماییش اوْلونموش اوْلسون)

3. ایدیعانین هر هانسیسا بیر عۆمومی، ایختیصاصلاشدیریلمامیش ک.ب.و (کوتلوی بیلگی واسیطه‌لری)-لرده گؤرونمه‌سی فاکتی هئچ ده بۇ مقاله‌نین علمی و حقیقی اوْلماسی دئمک دئییل. بۇ فاکت یالنیز بۇ حادیثه‌‌ حاقیندا ویکی‌پدیادا نشر اوْلونماسینا ایمکان یارادیر.

4. اگر سیز دۆشونورسونوزسه کی، سیزین مؤحتشم ایدیعانیزین ویکی‌پدیادا نشر اوْلونماسی واجیبدیر، لۆطفاً مقاله‌نیزی ایلکین نؤوبه‌ده نقد اولونموش ژۇرنالدا چاپ ائتدیرین و داها سوْنرا بۇرادا یئرلشدیرین.

اوْریجینال تدقیقاتین مۆعیّنلشدیریلمه‌سی[دَییشدیر]

اوْریجینال تدقیقات گئنیش تانینمیش علمی نظری و ایستاندارد اوْلمایان لاکین، مؤوجود اوْلان هیپوْتز کیمی چوْخ حیله‌‌گرلیکله ماسکالانا بیلر. اوْریجینال تدقیقاتلارین مۆعیّنلشدیریلمه‌سینه آشاغیداکی قایدالار کؤمک ائدیر:

1. آختاریش سایتلاریندا یوْخلاماق (قوقل، یاهو). اگر بۇ زامان آز اۇیغونلوق تاپیلدیسا و یا اۇیغونلوق تاپیلمادیسا، قارشینیزدا اوْریجینال تدقیقاتین اوْلماسی احتیمالی بؤیوکدور؛

2. غئیر استاندارد و یا سیزه شۆبهه‌لی گؤرونن ایدیعالارا خۆصوصی فیکیر وئرین. شۆبهه‌لرینیزین نه درجه‌‌ده اساسلی اوْلدوغونو مۆعیّنلشدیرمک اۆچون اوْنو دیگر ایستیفاده‌چیلرله مۆذاکیره ائدین؛

3. اگر منبع‌ کیمی هر هانسیسا کئچید و یا ادبیات گؤستریلمیشدیرسه، بۇ هئچ ده بئله بیر آنلاییشین مؤوجود اوْلماسی دئمک دئییل. منبع‌لرین تانینمامیش و یا سهو اوْلماسی دا مۆمکوندور؛

4. اگر ایستیفاده‌چی دییشدیرمه‌نی گئری چکنله "دییشدیرمه ساواشی"نا باشلامیشسا و بۇ زامان هئچ بیر ایضاحات وئرمه‌یه جهد ائتمیرسه، بئله دییشدیرمه‌لرین اوْریجینال تدقیقات اوْلما احتیمالی بؤیوکدور؛

5. ایستیفاده‌چیلرین نۆفوذو و سرریشته‌سی هئچ ده اوْ دئمک دئییل کی، بۇ ایستیفاده‌چی اوْریجینال تدقیقاتلارلا مشغول دئییل. حتی عکسینه، مؤوضوع ایله یاخیندان تانیشلیق ایستیفاده‌چیلری بۇ باره‌ده اؤز فیکیرلرینی عۆمومی فیکیر کیمی نشر ائتدیرمه‌یه تحریک ائده بیلر.

6. مقاله‌ده ایستیفاده اوْلونموش و سیزه تانیش گؤرونمه‌ین آدلاندیرمالارا و ترمینلره (اگر اوْنلار وارسا) خۆصوصی فیکیر وئرین و اوْنلارین اۆستواؤرتولو تحقیر اوْلمادیغینا امین اوْلون.