اکبر آزاد
اکبر آزاد ـ چاغداش آذربایجانلی یازار، ژورنالیست و تدقیقاتچی.
یاشامی[دَییشدیر]
اكبر آزاد 1335- جو شمسي ايلده اردبيل شهري نين "ارشه " ، (رسمي يازيلاردا "ارشق " ) ماحالي نين "گديك آغ بولاق " كندينده دونيايا گؤز آچدي ،يئني يئتمه چاغلاردا عائله سي ايله بيرليكده تهرانا گلدي و اورتا مكتبي تهراندا بيتيردي .او سونرالار عالي تحصيليني ائتنولوژي بؤلومونده ، ليسانس مقطعينده تهرانين "آزاد بيليم يوردوندا " باشا چاتديردي.شابلون:Mənbəsiz
اثرلری[دَییشدیر]
اكبر آزاد اسلامي انقلاب غلبه چالاندان سونرا آزربايجان توركجه سينده چاپ اولان نشريه و كيتابلاري مطالعه ائديب ، ديليميز و ادبياتيميز ساحه سينده آرديجيل چاليشماقدا بير آن بئله دايانمادي . 1365-66 جي ايللرده آذربايجانين تانينميش عاليم و آراشديرماجيسي دوكتور حسين صديق (حسين دوزگون) تلاشي ايله و اونون كيتاب ائوينده هفته ده بير گون قورولان ادبي محفلده آرديجيل اشتراك ائديب و بو درنگين تلاشي ايله "بولتن " آديندا 4 نومره بوراخيلان ادبيات مجموعه سينده فولكلور حاقّيندا مقاله لر يازدي.[۱] اكبر آزاد 1369 -جو ايلدن سونرا كيهان نشريه سي طرفيندن بوراخيلان "يول " مجله سينده ياخيندان امكداشليق ائديرديپ و 1372 -جي ايلدن مهندس حسن راشدي و خانيم نوشين موسوي ايله(آيشين آيدا ) بيرليكده آزربايجانلي اوشاقلارين استعداد و باجاريقلاريني چيچك لنديرمك اۆچون "چیچکلر قورولوشو " نو تشكيل ائتدي . اكبر آزاد "وارليق " مجله سينده ، اميد زنجان ، يول ، يارپاق و باشقا اؤيرنجيسل نشريه لرده ديليميز و مدنيتيميز ساحه سينده مقاله يازيردي و يازير . اكبر ازاد سون زاماندا تهراندا ياشايان تورك ديللي كؤرپه لره توركجه سايي (رقملري ) اؤرگتمك اۆچون "بير ايكي بيزيمكي "و يا " فرنگيز ايله قيرميزي دون " كيتابيني يازيب اوشاقلارين اختياريندا قويدو كي دريندن آلقيشلاندي.[۲] .