ایسلام مذهبلری

ایسلام مذهبلری ایسلام دینینی عقیده اساسیندا نئچه بؤلوملره بؤلن فرقه‌لر دیرلر. بۇ مذهبلر فقه و دۆشونجه اساسیندا آیریلمیشدیرلار.

قرآن اساسیندا فرقه‌لر

ایسلام دینینین بیرینجی قایناغی اولان قرآن کیتابی بۇ دینده فرقه‌نین اوْلماسین رد ائدیر. روم سوره‌سینین ۳۱ ایله ۳۲-جی آیه‌لرینده یازیلمیشدیر:

مُنِيبِينَ إِلَيْهِ وَاتَّقُوهُ وَأَقِيمُوا الصَّلَاةَ وَلَا تَكُونُوا مِنَ الْمُشْرِكِينَ ﴿٣١﴾ مِنَ الَّذِينَ فَرَّقُوا دِينَهُمْ وَكَانُوا شِيَعًا ۖ كُلُّ حِزْبٍ بِمَا لَدَيْهِمْ فَرِحُونَ ﴿٣٢﴾

بۇ آیه‌لرین معنی‌سی مۇسایئو ترجۆمه‌سی اساسیندا:

توبه ائده‌رک اوْنا اۆز تۇتون، اوْندان قوْرخون، ناماز قیلین و شریک قوْشانلاردان اوْلمایین! ﴿٣١﴾ اوْ کسلردن کی اؤز دینینی بؤلوب، فرقه‌لره آیریلدیلار. هر فرقه اؤز طریقتینی اۆستون بیلیب سئوینیر. ﴿٣٢﴾

بۇندان علاوه أنعام سوره‌سینین ۱۵۹-جو آیه‌سینده یازیلمیشدیر:

إِنَّ الَّذِينَ فَرَّقُوا دِينَهُمْ وَكَانُوا شِيَعًا لَّسْتَ مِنْهُمْ فِي شَيْءٍ ۚ إِنَّمَا أَمْرُهُمْ إِلَى اللَّـهِ ثُمَّ يُنَبِّئُهُم بِمَا كَانُوا يَفْعَلُونَ ﴿١٥٩﴾

بۇ آیه‌نین معنی‌سی مۇسایئو ترجۆمه‌سی اساسیندا:

دینلرینی پارچالاییب فرقه فرقه اوْلانلارلا سنین هئچ بیر علاقه‌ن یوْخدور. اوْنلارین ایشی الله‌ـا عایید دیر. سوْنرا الله اوْنلارا ائتدیکلری عمللر باره‌ده خبر وئره‌جکدیر.