ایقتیصادی اینکیشاف

ویکی‌پدیادان، آچیق بیلیک‌لیک‌دن
  دونيا بانکی‌نين 2014-جي ايله اولان معلوماتينا اساساً آلیجی‌لیق قابیلیتی اوزره آدام‌باشينا دوشن عومومی داخیلی محصول سويه‌سينه گؤره دونيا اؤلکه‌لری نين وضعيتی  

  ایقتیصادی اینکیشاف — ایقتیصادیات و ایستحصال قووّه‌لری، تحصیل،علم و مدنیتین، اینسان‌لارین حیات سویه‌سی نین مونتظم اولاراق کئیفیت و استروکتور باخیمیندان موثبت ایستیقامتده دَییشمه‌سی ایله کاراکتریزه اولونان ایقتیصادی پروسه‌دیر. ایقتیصادی اینکیشاف هم ده ایجتیماعی علاقه‌لرین اینکیشافینی نظرده توتور و بونا گؤره ده تاریخاً فورمالاشمیش تکنولوژی و مادّی نعمت‌لرین بؤلگوسونون موختلیف سیستم‌لرینده بیر-بیریندن فرق‌له‌نیر.  

  اؤلکه‌نین ایقتیصادی اینکیشافی‌نین اساس گؤستریجی‌لری - اهالی‌نین حیات سویه‌سی، ایقتیصادیاتین رقابت قابیلیتی، اؤلکه‌نین عومومی داخیلی محصولو، عومومی میلّی محصولو، آدام‌باشینا اینسان کاپیتالی و ایقتیصادی آزادلیق ایندکسی‌دیر.   

  ایقتیصادیاتین اینکیشافی‌نین اساس حرکت‌وئریجی قووّه‌سی اینسان کاپیتالی و اونون یاراتدیغی یئنی‌لیک‌لردیر. اینسان کاپیتالی دئیرکن، اینسان‌لارین تحصیل، صحیه، علم، امک شراییطی و حیات سویه‌سی‌نین یوکسلدیلمه‌سینه چکیلن خرج‌لر نظرده توتولور.