بئلل ایفلیجی

ویکی‌پدیا، آچیق بیلیک‌لیک‌دن
پرش به ناوبری پرش به جستجو

بئلل ایفلیجی، اوز سینیرینین (نئرووس فاجیالیس) — پئریفئریک ایفلیجی‌دیر.اوز سینیرینین پئریفئریک ایفلیجی اولان خسته‌لرده بیر نئچه گون عرضین‌ده آلین دا داخیل اولماقلا اوزون بیر حیسهینین - اونیلاتئرال - ایفلیجی اینکیشاف ائدیر. همین خسته‌لرده دیگر نئورولوژی پوزونتولار عادتاً موشاهیده ائدیلمیر. سیمپتومار عادتاً ایلک هفته عرضین‌ده زیروه‌یه چاتیر و نؤوبتی هفته‌لر و بیر نئچه آی عرضین‌ده تدریجه‌ن آرادان قالخیر. بئلل ایفلیج دیابئتی اولان خسته‌لر آراسین‌دا داها چوخ یاییلمیش‌دیر. اوز سینیرینین پئریفئریک ایفلیجینه ایسته‌نیله‌ن یاش‌دا اولان خسته‌لر معروض قالماسینا باخمایاراق، بئلل ایفلیجی ۳۵-۴۵ یاشین‌دا اولان خسته‌لرده داها چوخ یاییلمیش‌دیر. عومومیتله، اننوی اولاراق بئلل ایفلیجی ایدیوپاتیک بیر خسته‌لیک کیمی قبول ائدیل‌سه‌ده، اونون تیپ ۱ هئرپئس سیمپلئس ویروسو (هسو۱) ایله باغلی‌لیغی بیر چوس هئساباتلاردا اؤز عکسینی تاپمیش‌دیر. مووافیق حساب ائدیلدیک‌ده، خسته‌لرین دیابئته و لایم خستلیینه (بوررئ‌لیا بورقدولفئری باکتئرییاسی ایله اینفئک‌سییا) موایینه‌سی ده آپاریلا بیلر. بئلل ایفلیجینین ان چوخ یاییلمیش قیسا مدت‌لی آغیرلاشماسینا گؤز قاپاقلارینین تام باغلانماماسی‌دیر کی، بو دا گؤزون قوروماسینا و کورنئانین زده‌له‌نمه‌سینه سبب اولا بیلر. اوز ازله‌لرینین دای‌می ضعیف‌لیگی و ازله کونتراکتوراسینین اینکیشافی بئلل ایفلیجینین داها آز موشاهیده ائدیله‌ن اوزون مدت‌لی آغیرلاشمالارین‌دان‌دیر.تدقیقاتلار گؤستریر کی، بئلل ایفلیجینه توتولموش خسته‌لرده اوز سینیرینین فونک‌سییاسی ۷۰-۸۰% خسته‌ده ایسپونتان برپا اولونور. لاکین، خستلیین ایسپونتان آرادان قالخماسینا باخمایاراق، خستلیین سیمپتوملارینین باشلاندیغی گون‌دن ائیتباره‌ن ۷ گونلوک آسیکلوویر و یا والاسیکلوویر پرئپاراتینین قبولو توصیه ائدیلیر. آنتی-ویروس پرئپاراتینین قبولو هم خسته‌لرین تام نورماللاشماسینی تئزلشدیریر، هم ده اوز سینیرینین فونک‌سییالارینین تام برپاسی احتیمالینی آرتیرمیش اولور. اوز سینیرینین پئریفئریک ایفلیجی و یا بئلل ایفلیجی - اوز سینیرینین ایدیوپاتیک کسکین پئریفئریک ایفلیجی‌دیر و اوز ازله‌لرینین ایفلیجینه سبب اولور. اوز سینیری هم ده گؤز یاشی (لاجریمالیس) و توپورجک وزلرینی ایننئرواسییا ائدن، دیلین اؤن اوچده ایکی حیسه‌سینین داد تومورجوقلارینا هیسسیات لیفلری وئرن پاراسیمپاتئتیک لیفلردن عبارت‌دیر. بئلل ایفلیجی اونو ایلک دفعه تصویر ائدن، هابئله اوز سینیرینین آناتومییاسی و فونک‌سییاسینی ایضاح ائدن سئر چارلز بئللین (۱۷۷۴-۱۸۴۲) شرفینه آدلاندیریلیب. بئلل ایفلیجی ایلده تخمیناً هر ۱۰۰.۰۰۰ نفردن ۱۵-۳۰ نفرده قئی‌ده آلینیر و کیشی و قادینلاردا یاییلماسی درجه‌سی عینی‌دیر. بئلل ایفلیجی دیابئتی اولان و هامیله قادینلاردا داها چوخ راست گلینیر. بیر دفعه بئلل ایفلیجی کئچیرمیش خسته‌لرده، اونون تکرارلانماسی ریسکی ۸%-دیر.عومومیتله، اوز سینیرینین ایفلیجی بیر سیرا سببلردن یارانا بیلر. قولاق و یا پاروتید توپورجک وزینین (مس.، خولئستئاتوما، توپورجک وزینین تؤره‌مه‌لری) ایستروکتور پاتولوگییالاری اوز سینیرینین کومپرئس‌سییاسینا و ایفلیجینه سبب اولا بیلر. پئریفئریک سینیر ایفلیجلرینین دیگر سببلرینه ایسه قیئن-بارئ سیندرومو، لایم خسته‌لیگی، اورتا قولاغین اوتیتی، رامزئ-هونت سیندرومو (اوز سینیری زوناسین‌دا هئرپئس واریجئللا زوستئر ویروسونون یاییلماسی)، سارکویدوز و بعضی قریپ علیهینه واک‌سینلر عاییددیر. بو سببلردن اوز سینیرینین بیرترف‌لی ایفلیجی سیمپتوملاری ایله یاناشی دیگر علاوه سیمپتوم و علامتلر ده موشاهیده ائدیلیر.

کلینیکا[دَییشدیر]

بئلل ایفلیجی اولان خسته‌لر عادتاً اوزون بیر حیسه‌سینین تام ایفلیجی و یا اوز ازله‌لرینین زیفلیین‌دن شیکایت‌لنیر. سیفتین قیریشلاری و نازو-لابیال (بورون-دوداق) قات یوخا چیخیر، آلینین قیریشلانماسی ایتیر و آغیزین کونجو سال‌لانیر. گؤز قاپاقلاری تام باغ‌لانمیر و آشاغی گؤز قاپاغی آشاغییا اییلیر. گؤزو باغلاماق ایستدیک‌ده ایسه گؤز یوخارییا دوغرو یومورلانیر ( بئلل فئنومئنی). گؤزون گؤز یاشی ایله یاغلانماسینین چاتیشمازلیغی و دایم هاوایا معروض قالماسی اونون زده‌له‌نمه‌سینه سبب اولور. گؤز یاشینین ایفرازی آزال‌سا دا، بعضی حاللاردا گؤز قاپاقلارینین باغلانماماسی سببین‌دن آرتیق لاکریماسییا (گؤز یاشلارینین آخماسی) دا موشاهیده ائدیله بیلر. قیدا و توپورجک آغیزین ایفلیجه معروض قالمیش طرفین‌ده ییغیلمیش اولور و آغیزین کونجون‌دن چؤله تؤکوله بیلیر. خسته‌لرین اکثریتی ایفلیج سببین‌دن یارانان کئیلشمه هیس‌سین‌دن شیکایتله‌ن‌سه ده، اوزون هیسسیاتی ساخلانمیش olur.Bell ایفلیجینه معروض قالان خسته‌لرده اوز ازله‌لرینین ایفلیجی بیر نئچه گون و ماکسیموم ۱ هفته عرضین‌ده تام زیروه‌یه چاتمیش اولور. اوز ازله‌لرینین داها لنگ و یا ۲ هفته‌دن چوخ مدت‌ده اینکیشاف ائدن ایفلیجی آلتئرناتیو دیاقنوزون آختاریشینا سبب اولمالی‌دیر.[۱]

ایستینادلار[دَییشدیر]

  1. اوز سینیرینین ایفلیجی و یا بئلل ایفلیجی

خاریجی کئچیدلر[دَییشدیر]

  1. بئلل فئلجی و هئرپئس زوستئر اوتیجوس (رامسای-هونت سئندرومو)