بابل آسما باغ‌لاری

ویکی‌پدیا، آچیق بیلیک‌لیک‌دن
بابلین آسما باغ‌لاری
بابلین آسما باغ‌لاری
بابلین آسما باغ‌لاری
بابلین آسما باغ‌لاری
بابلین آسما باغ‌لاری
بابلین آسما باغ‌لاری
سمیرامیس آسما باغ‌لاری
سمیرامیس آسما باغ‌لاری
سمیرامیس آسما باغ‌لاری

سمیرامیس آسما باغ‌لاری — قدیم‌ده "دونیانین یئددی موعجزه‌سی"ند‌ن بیری ساییلیردی. سمیرامیس آسما باغ‌لاری قدیم شرقین ان بؤیوک و زنگین شهری اولان بابیل‌ده ایدی. افسانه‌یه گؤره، بو باغلار آسوریا ملیکه‌سی سمیرامیس امری ایله یارادیلمیشدی. اصلینده ایسه بو باغ‌لارین یارادیلماسینی میلادان اونجه ۷-جی عصرده پادشاه ناووخودونوسور امر ائتمیشدی. قایناقلاردا گؤستریلیر کی، بو حؤکمدار چوخ موستبید اولوب. معلوم‌دور کی، موستبیدلر هامییا قارشی اولماسا دا، آیری-آیری آداملارا قارشی نجیب حرکتلر ائدیبلر. او، ماد شاهینین قیزی سمیرامیسی ایله ائولنیر. اونو بابیله گتیریر. حددن آرتیق سئویر. لاکین سمیرامیسدا توز-تورپاق‌لی بابیل‌ده تمیز هاوایا، یارپاق خیشیلتی‌سینا حسرت قالیر. بونو حؤکمدار دا حیس ائدیر. آنجاق او، اؤز پایتاختینی میدییانین یاشیل تپه‌لرینه کؤچورمور. هئچ کیمین گؤره بیلمدیی ایشی گؤرور. مادین زومرود مئشه‌لرینین اترینی قدیم وادینین مرکزینه گتیریر. ملیکه‌نین - سمیرامیس شرفینه سالینان بو باغ‌لارین گئرچکلشمه‌سی اوچون شاهلیغین بوتون قوه‌لری حرکته گتیریلیر. دؤورون تجروبه‌لی اینشاات‌چیلاری، موهندیسلری بو ایشه جلب اولونور. حؤکمدار دونیادا ایلک دفعه اولاراق مؤهتشهم محبت عابده‌سی یارادیر. سالینان باغلار "سمیرامیس باغ‌لاری" آدی ایله مشهورلاشیر و تاریخین یادداشیندا داشلاشیر. لاکین یادداشلاردا، حافیظه‌لرده قالان و دیللرده دولاشان بیر فیکیر ده وار کی، ملیکه اؤز آدینی داشییان بو قصرده هئچ واخت یاشاماییب. بابیلیستان اینشاات‌چیلارینین سالدیغی بو باغلار دؤرد یاروس‌دان عبارت اولوب. یاروسلارین تاغلاری ایگیرمی بئش متر اوجلیقیندا سوتونلارا سؤیکنیب. میدانچالارا یاستی داشلار، قیر قاریشیق‌لی، قورغوشون طبقه‌لی بیر قات قامیش دؤشدیلیب. بو بئله ائدیلیب کی، سو آشاغی یاروسا کئچمه‌سین. بوتون بونلاردان سونرا تورپاق قاتی گلیب. تورپاق قاتی چوخ قالین اولوب. او قدر قالین اولوب کی، اورادا ایری آغاجلار بیته بیلیب. یاروسلار پیلله-پیلله قالخیر، الوان داشلاردان هؤرولموش ایده‌ملی پیللکه‌نلر بیر-بیری ایله بیرلشیر. نهایت، تیکینتی باشا چاتیر. کرپیج کوره‌لرینین توستوسو کسممیش، سای‌سیز-حساب‌سیز آرابا کاروانلاری حرکته گتیریلیر. فرات چایینین آخارین‌دان مونبیت تورپاق داشیماغا باشلاییر. شومال‌دان نادیر بیتکی و کول توخومو، آغاج تینگلری گتیریلیر. بئله‌لیکله، حکمدار نوووخودنوسور اؤز محبّتینی ثبوتا یئتیریر. بابیلین یوز متر هوندورلویون‌ده اولان دیوارلاری اوزرینده یاشیل آغاجلار قالخیر. ملیکه یوخاری یاروسلاردا، کؤلگه‌ده اوتوروب سو شیریلتی‌سینا قولاق آسیب، دؤرد طرفه نظر یئتیریب، مملکتین اوجسوز-بوجاق‌سیز صحرالارینی سئیر ائدیب. هخامنشلر بو شهری اله کئچیره‌رک اؤز ایالتلرین‌دن بیرینین مرکزی ائدیرلر. ایللر، عصرلر بیر-بیرینی اوز ائتدیکجه آسما باغلار زامانین فاجعه‌لی حادثه‌لرینه داوام گتیره بیلمیر. باخمایاراق کی، او، مؤحتشهم، لاکین گیل‌دن دوزلدیلمیش ضعیف بویوک خاطیرلادیب. محض بونا گؤره ده بو باغلار بابیلین اؤزو ایله بیرلیک‌ده محو اولوب.

ایسکندر بابیله گلیر. بیر خیلاسکار کیمی ده قارشی‌لانیر. بو شهر-دؤولت اؤزونون تنززول دؤورونو یاشاسا دا، عظمتی و ثروتی ایله ایسکندری حئیرتلندیریر. او، بو سبب‌دن ده بابیل‌ده لنگیمه‌لی اولوب. هئچ اون ایل کئچمیر کی، طالع‌یین اوزو دؤنور. سککیز ایلین کشمکشلرین‌دن یورولوب عذاب چک‌سه ده، آرزولارینی حیاتا کئچیرمک مقصدیله بابیلیستانا قایی‌دیر. حؤکمدارین وضعیتی تامام پیسلشن‌ده یادینا "بابیلین آسما باغ‌لاری" دوشور. ایسکندر اؤلمزلییه گئدن یولون سونونجو دایاناجاغین‌دا امر ائدیر کی، اونو آسما باغلارا آپارسینلار. ائله ده ائدیرلر. اونو ملیکه‌نین قصرینه گتیریرلر. ایسکندرین حالی یاخشیلاشیر. ایلیق گونش شفقینه، چای شیریلتی‌سینا، اوت-الف و مئشه اترینه بورونموش مقدونیه‌نین نفسینی حیس ائدیر، تعجب‌لنیر. ایسکندر اؤلَن کیمی ایمپیراتورلوغو سرکرده‌لری طرفین‌دن تالان اولونور. بابیل ایسه بیر داها بؤیوک بیر اؤلکه‌نین پایتختی اولا بیلمیر. ضعیف‌لییر، تدریجاً سؤنور و نهایت سوقوط ائدیب.