باش‌یارما
باش‌یارما (Başyarma) (عربجه: تطبیر، فارسجا: قمه‌زنی، قمه‌وورماق آنلامیندا) شیعه‌لر آراسیندا رواجی اولان بیر نؤوع مذهبی تؤرَندیر. بو مراسیمده شیرکت ائدنلر بیر ایتی و کَسَرلی آلت اللرینه گؤتوروب باشلارینا وورورلار و باشلارینا جراحت وارد ائدیرلر و باشلاریندان قان تؤکورورلر. بو وسیله‌نین آدی قمه، قیلینج، بؤوده یا کسمه دیر. بوجور عزادارلیق بعضی شیعه قروپلاری‌نین آراسیندا محرّم آییندا و اؤزللیکله عاشورا گونونده مرسومدور و آماجلاری دا بودور کی اؤز ایرادتلرینی، علاقه‌لرینی و سئومکلرینی ایمام حسینه گؤرستسینلر.
هابئله باش‌یارانلار اؤز شوجاعت دویغولارینی تقویت و اعلام جهاد اؤز اینانجلاری‌نین یولوندا ائلییرلر. معمولاً شیرکت ائدنلر بو مراسیمده عاشورا گونونون سحر چاغی آغ گئییم‌لرین گئیمک ایله بو اعمالی انجام وئریرلر. بو ایش بعضاً اوشاقلارا دا انجام قیلینیر. بو اعمالی انجام وئرمک کئچمیش زامانلاردان دارتیشمالی و مبحثلی اعمالی‌ایمیش و سبب اولوب کی بعضی شیعه عالیم‌لری بو باره‌ده بحث‌لری اولسون، بعضی عالیم‌لر باش‌یارمانی آزاد بیلیبلر و بعضی عالیم‌لر بو ایشی حرام ایش اعلام ائدیبلر و بعضاً حتی بو ایشی حارام و ایسلام‌این وهن‌اینه سبب بیلیبلر و بو ایشی تحریم ائلییبلر.[۱] [۲]
قایناقلار
[دَییشدیر]- ^ قمه زنی از دیدگاه مراجع و علماء Archived 2010-09-09 at the Wayback Machine. شیعه‌آنلاین
- ^ http://kerbela.info/xeber/1191-basyarma-seriet-baximindan
